Te Israel me Juda Hani Sigo Tuni Bidigo Po Elalubo Buku Si 8:9 - Godigo dwagi yai po buku9 Tama tialima, te Hasaelgo te me badu dwagi yai haniani te kingo doado bage te Damaskusde sai, te bidi sese si 40 kamel kibugo tolabo usu nama tama sai, tama agai te kamel kibuba munama, tama te Elisa pageba selasa pai. Tama aga Elisa pageba sabolama, tama agai Elisabolo e tama po wai, “Genuai bidio, ena te king Benhadatgo sę ebo bidi dao, tama agai ena tagala palu, te po wai, aga gasi ebo sia saibawe, ma meniwe olama, te nagebolo hanalu wagasalio,” te po wai. Gade chapit la |
Te Israel me Juda Hani Sigo Tuni Bidigo Po Elalubo Buku Si 8:9
13 Referans Kwoze
Tama te king Resin dali, te Peka dali sigo te taun Jerusalem bulude me bagusa bididuali, tama tibaso, te king Ahasgo te me badu bidi dabe selama, te Asiria king bidi Tiklat Pileser pageba tagala palali, tama agai agabolo e tama po ola mani, “Ena te king Ahas dao, ena te nago sę ebo bidi dao, tama ena nago wai bǫų bidibao. Tama megi te Siria hanigo king dali, te Israel hanigo king bidi badi elama, augwali asama, te ena dali augwaligo boi hwįagasalio,” wali. “Tama tibaso, eno homugo nage asama, te augwali dali boi hwįagasao,” wali, “tama augwaligo da dolidalio.” Te po wai.
Te Jehoas aga king nigilama bidibo sogo, Elisa aga monu dabe bidiyu, tama aga gasi sali. Tama te pąde aga isabo ąǫ ebadi yaide, tama te king Jehoas aga pelama, sugi pali. Tama king Jehoasgo Elisa aga sulama, homu dene eyu, tama aga gela wali, tama agai agabolo e tama po wali, “Eno aya, eno aya, nage bomai bidi, nago da Israel tau sai bidi dao, nage da, te boma pai boi hwįbo hos kibu me, te karis nai me tiwai mu dao,” wali.
Awe, aga sę ebo bidi dabe augwaligo tama augwali aga pageba aselama, te po wai, “Genuai bidi, tialima profet bidi agai nagebolo tigi dene yabo sę po nagebolo wagi sogo da, dago koneanio, tama nago te sę egi da. Tialima, agai te tiwai po me wabeo. Menio. Tialima, agai nagebolo wę deli pauao po walio,” wali. “Tama tialima, dwagi yai dao, tialima nago agai po wali pelama, nage wę pauagameo,” wali.
Awe, kingo agabolo e tiwai po tama ola mani, “Eno pas me deli asęnama, te Israel bidigo king bidiba tolaibao. Te pas eno nagebolo menama, tama nago sela pelama, agabolo magi pagameo,” wali. Tama kingo pas asęnama, te Namanbolo mawai, tama Namango te 300,000 silva mone sobadi, tama me te gol te sęgę bidi sese sela 60 kilogram gol sobadi, me te nogo si dwagi yai au ebo bulubo ugwa sobadi elama, tama aga hodaluama, te Samaria buluba pai.
Te nago augwaliba hanalu da, teda augwaligo te tobage deli po tiwai nageba waibao. Megi nago te genuai nai daa tubo po obaso, te Devitgo da nageba tagala palali. Tama tiyu, agai homugo te nago daba olo tau mabo wiegi yai kolesaga emainu homu yai. Da te nago sę bidi tiwai, tama nage te Devitgo aya tiwai dao. Tama tiyu, nago nai meba elalubaso da, te nago dabolo maiabo homu yao,’ te po wao,” Devitgo te po wali.
Tama tibaso, te king Asa agai te tigidali silva me, me te gol, me te Genuai Bidigo mone mubo be habu badu muani me, me te kingo bede muani doado bage dabe tigidali mu agai sali. Tama agai selama, te aga sę ebo ofisa bidibolo menama, tama agai augwali tagala palama, te Damaskus bulu king bidi Benhadatbolo momainu augwali tagala palali, te Siria king bidi. Te bidi Benhadat aga aya te Taprimon dao, tama aga wąį nǫų Hesiongo ogwago ogwa dao. Tama te king Asago aga sę ebo ofisa bidi dabebolo e tama po wali, “Te king Benhadatbolo e tama po agabolo ola mao,” wali,
“Tama nago te nogo si bret name sobadi, te me badu bisket dabe sao, tama me te kanama bunugo ąį tabiali sospen genagi deli selama, tama nago te nai dabe selama, aga magi pao,” wali. “Tama eno homugo nago agabolo hanalu wao, te magi nai mugo te dadi sigo wai tigide pedelaibawe po wao,” wali. “Tama agai te po bage agai nagebolo ola mawaibao,” wali.
Me sogo deli te Israel bidigo king bidi te Ahasia aga bede te ugwa badu habu badu bidibadi yaide, tama te be kąų togasa dulunama, tama aga te tǫba tulaluama, tama aga te nogo sągą me, te tigide me genuai mu tama selali. Tama tibaso, agai te me badu po sela pabo bidi dabe te Filistia bulu te moni hanu te Ekronba tagala palali, te augwaligo te Ekron hanude bidibo bidi dabego te augwa tibo god Balsebup hanalugi pao olama, tama te aga ma usu yaibawe, ma meniwe, olama hanalu wai.
Piblisite