Te Israel me Juda Hani Sigo Tuni Bidigo Po Elalubo Buku Si 8:4 - Godigo dwagi yai po buku

⁴ Te we te king pageba pabo sogo, kingo te Gehasi dali po miai, te Elisago sę ebo bidi. Kingo te Gehasibolo e tiwai po tama wai, “Eno homugo nago te Elisago te moni sę yali po ena dali po pusao,” wali.

Te Israel me Juda Hani Sigo Tuni Bidigo Po Elalubo Buku Si 8:4 Referans Kwoze

Godigo Sęba Tagala Palai Bidigo Po 24:24

Te nosali hauwa sogonu silama, Feliks dali aga we dali asai, te we nogi Drusila, te Juda hani we da. Augwali si aselama, tama augwaligo Pol i wai. Tama Pol aga pageba asali. Tama Pol agai augwali sibolo te Jisas Krais teba homu mubo po page ola mani, tama augwali sigo odali.

Dwagi Yai Gesi Po Jongo Asęani 9:27

Agai augwali dali te po wai, “Eno dagebolo wai dao, tialima dagego odobo hagela yai. Magi baso dagego ma odainogo obawe? Dage aga wali pabo bidi mu pedalainogo ebawe?” te bidigo Juda bage dali te po wai.

Dwagi Yai Gesi Po Lukgo Asęani 23:8

Te bidi Herotgo Jisas sulama, agai homu dwagi yai yali. Agai Jisasgo ebo sę po odai, tama agai Jisas polobadu suainogo yai, hauwa sogo. Agai homugo eno te bidi Jisas agai bomai sę ebo eno sueibao, te homu polobadu yai dao.

Dwagi Yai Gesi Po Lukgo Asęani 9:9

Tama Herotgo te po wali, “Eno pode Jongo holo togwa sąwai goli dao, e ma niwai bidi po eno odobo agawe?” Tibaso, Herot agai ‘Jisas da, te polobadu bidali bidi Jon dawe?’ homu eyu, tama ‘Jisas sueibao’ wai.

Matyu 2:8

Tama tilama, agai augwali te Betlehem buluba tagala paliyu, tama te po wali, “Dage pelama, tama bomo elama te wai gegao. Tama dagego gegelama subaso da, teda dagego po enaba ma sela asao. Tama ena me pelama, agade kidu sugunama, eno agade lotu po wagi paibao,” Herotgo te po wai.

Te Israel me Juda Hani Sigo Tuni Bidigo Po Elalubo Buku Si 7:10

Augwali te hulide tama augwali te Samaria buluba ma geasa pai. Tama te taun tų tonalubo bidi dabe augwali i wagi peyu, e tama wai, “Da te Siria bage bidali pesageba pai dao. Tama dago suali, ma bidi me deli bidibo subeo,” wali, “tama te bidi dabego po wabo dago odobeo,” wai. “Te Siria bage augwali pela silai, tama te augwaligo tigidali doado bage te augwa bidali pesagede taga pela silai yalio,” wali. “Tama te doado bage munalubao. Augwaligo te hos kibu, me te donki kibu, me te gebelali haliga augwaligo te peda palebe yalio,” wali. “Menio. Te kibu dabe te haliga kebealu bidibo, te Siria bage bidali pesagede bidibo sualio. Tama te tubo nai me, te tigidali doado bage me, te sel ugwa bede me munalubo,” tama po wali.

Te Israel me Juda Hani Sigo Tuni Bidigo Po Elalubo Buku Si 7:3

Te sogo te bidi me si me si tama bidi tigide te oiyabe gasi yai bidi, te bage te Samaria taun tomoba pabo moni tų te bulu badu te me si me si tama bidi augwali tede bidai. Tama augwa naga po miyu, e tama po wali, “Magi baso da ede naga olo bidiyu, tama te isibo bodolu naga tonalubo wagawe?” te po wali.

Te Israel me Juda Hani Sigo Tuni Bidigo Po Elalubo Buku Si 7:1

Tama te moni nasi ebo sogode Elisago te po wei ponoyu, e tama wali, “Mu tama dao, odao. Genuai Bidigo te po wai, ‘Do tama tibo sogo bodolude, te we bidi dabe augwali te taun sunumi pąde elalubo maket teba peyu, tama augwaligo te 3 kilogram te witgo nigai dwagi yai plaua abeligi paibao, me te 6 kilogram rais bali, te podolai monego abeligi paibao’ tama wali.” Elisago te po wali.

Te Israel me Juda Hani Sigo Tuni Bidigo Po Elalubo Buku Si 6:32

Kingo te po tama olama, tama agai te Elisa eligi pao olama, tama agai bidi me deli tagala palali. Te sogo Elisa aga dali, te Samaria tobolu bidi dabe dali, tama te aga bede te aga dali bidai. Te bidi te kingo tagala palai bidi, te bidi aga sabalisiąbadi, te Elisago e tama po te tobolu bidi dabebolo e tama po ola mawai, “Dago king bidi, aga bidi ela mubo bidi dao. Tama megi agai te bidi me deli ena dogoni togomainu tagala palali dao. Tialima, te sogo te bidi asama sabalobaso da, tama dagego te be tų dąų olama, paiąo,” wali, “tama aga e be tomoba asobo usu egobeo. Tama te nosali te king aga me te bidi wali tama asobao,” wali.

Te Israel me Juda Hani Sigo Tuni Bidigo Po Elalubo Buku Si 6:6

Tama Elisa, te Godigo profetgo, e tiwai po tama hanalu wali, “Te hwą menade tula paliwe?” Tama profetgo te Elisabolo te hwą tula pali pesage ola mani. Awe, tama Elisago ni nologo dwasianu toga selama, tama te węba sąyani, tama te hwą wędu aiyadu edaba pedalu gulama, ąį daide pilali.

Te Israel me Juda Hani Sigo Tuni Bidigo Po Elalubo Buku Si 5:14

Awe, tama Namango augwaligo te wali po odama, tama aga pelama, wę nogo a olama, me badu nogo si wagi solama sogo Jordan węde pauali, Elisago te po wali gilama, tama tibo si agai te oiyabe gasi tigidali sia sali. Tama agai tigiwali te dwagi yai elama, te gesi wai bǫų tigiwali tiwai pedelali.

Te Israel me Juda Hani Sigo Tuni Bidigo Po Elalubo Buku Si 4:12

Tama aga te toma tuyu, tama aga bidiyu, te Gehasibolo te po wai, aga sę bidi, e tiwai dao, “Tama nage aba dulama, te a we sugi pao, te agai eno piabo be habu nigali. Tama aga asao po wao.” Awe, Gehasigo tama tiali. Tama te we ugwaba holama, tama aga te be pibo pesage habu bulu badu dolaluali.

Te Israel me Juda Hani Sigo Tuni Bidigo Po Elalubo Buku Si 2:24

Elisa aga ma begelama, tama agai te ogomani bomo mu elama tama tonaluyu, agai te augwaliba e tiwai po agai wali, “Eno mu po tama obao, Genuai Bidigo dage dolaibao.” Elisago te po wabo si, te bomo yai genuai uni kibu tiwai kibu sou si nogi bea, te kibu te dwai tǫdi gagawai kibu da, te kibu bea si aselama, te bidi sese si olama, me si, 42 ogomani te kibu sigo ela muna silali, tama te augwali tigi minama mu silai.

Te Israel me Juda Hani Sigo Tuni Bidigo Po Elalubo Buku Si 2:14

Tama te Elisa agai te Elaijago bobobage holobo ugwa selama, tama agai te Elaijago yali kolesaga tiwai elama, te agai te holobo ugwa selama, te ąįba elali. Tama agai te węba elali sogo agai te po wai, “God, nage Elaijago Genuai Bidio, nage mena bidibawe?” Tama te po obadi yaide, te ąį tomode si buga pali, tama tibo si, te Elisa te ąį tomodu pelama, te ąį u badu pedaiba sabaligi pali.

Te Israel me Juda Hani Sigo Tuni Bidigo Po Elalubo Buku Si 8:3

Te nogo a olama, meba nogo si wagi soabo kibu be silibo si, te we aga hani dali te Israel buluba ma begasa asali. Tama aga pelama, te kingbolo hanalugi pali, magi baso meni, te aga be me te tǫ me ma sa wabo wenama odainu hanalugi pai.

Te Israel me Juda Hani Sigo Tuni Bidigo Po Elalubo Buku Si 4:25

Tama te we te donki kibude dugulama, tama aga dali, te sę ebo bidi dali, te augwali te Karmel bulu duba pali, te profet Elisa sugi pai. Augwali si digibulu asobadi yaide, tama te Elisago augwali si asobo suai. Tama Elisago Gehasibolo te po wai, aga sę ebo bidibolo, e tiwai po tama wali, “Suao, te Sunem hanude bidibo we te asobao,” wali.