Te Israel me Juda Hani Sigo Tuni Bidigo Po Elalubo Buku Si 8:26 - Godigo dwagi yai po buku

²⁶ Ahasia agai te kibu be te 22 wabode te aga king nigai, tama aga te Jerusalem bulude aga te king nigilama bidiyu, te agai kibu be deli digi silali. Aga ida nogi Atalia, aga aya te king Ahapgo wegi, tama te Ahap aga wąį nǫų te nogi Omri, Omri te Israel bidi dabego polobadu bidali king bidi da.

Te Israel me Juda Hani Sigo Tuni Bidigo Po Elalubo Buku Si 8:26 Referans Kwoze

Tuni Bidi Dabego Po Elalubo Buku Si 22:2

Ahasia aga king pedelali sogo agai kibu be 42 elaluali, tama aga Jerusalemde kibu be delide tama aga king bidali. Aga ida te Atalia dao, te king Ahapgo wegi, tama king Omrigo wąį dao.

Te Israel me Juda Hani Sigo Tuni Bidigo Po Elalubo Buku Si 11:1

Te sogo te Atalia, te king Ahasia aga idago, e tama po odali, aga ogwa Ahasia isali po odali. Awe, tama tialima, agai polo tama te ami soldia bidi dabebolo e tama po ola mani, “Dagego te Juda dabego king bidigo hani bidi dabe tigidali ela silao,” wali.

Tigidali Nai Gagalama Nigali Side 24:48

Tama eno kidu sugunama, te eno Yawebolo lotu po wali. Tama eno Yawe nogi ugwaba sali, te eno genuai bidi Abrahamgo God. Agai te ena genuai bidi aga amago hanigo beba dolo ena odasa asai. Tama eno te wegi ogwa we gegali, te eno genuai bidigo ogwago sabo we sualio, te eno genuai bidi aga amago ogwago wegi dao.

Te Israel me Juda Hani Sigo Tuni Bidigo Po Elalubo Buku Deli 16:22

Tama nosali te king Omrigo hani augwaligo bomo mu elama, te king Tipnigo hani dabe augwali aiyaba elaluali. Tama te Tipni isilama, tama te bidi Omri aga king bidi pedelali.

Te Israel me Juda Hani Sigo Tuni Bidigo Po Elalubo Buku Deli 16:23

Tama te bidi Asa aga te Juda hanigo king bidi nigilama bididubadi, tama agai kibu be 31 tama kibu be usu nama king bidi bidali, Omri aga te Israel hanigo king bidi pedelama bidali. Tama aga tede 12 yia bidali. Hasia aga te Tirsa hanude agai kibu be te nogo a olama, me badu nogo deli wagi solama kibu be bidali,