Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Si 8:16 - Godigo dwagi yai po buku

16 Te Joram aga tama bidibadi, te kibu be nogo a naga pai, Joram aga te Ahapgo ogwa, aga Israel king bidi bidai, te Jehoram aga aya te Jehosafat da, aga aya king bidali pesagede selama, tama te Juda hanigo king bidi nigilama bidai.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Si 8:16
10 Referans Kwoze  

Tama te nosali Ahasia isali, tama te po Elaijago pedauwalidu te Genuai Bidigo po pusali te sogo mu usu nani. Ahasia aga ogwa meni. Tama tibaso, aga ama Joramgo aga ama Ahasiago yali sę selama, te king bidiyu, Israel bidi dabe tonaluyu bidali. Te Joram king nigilama bidibadi, te kibu be si pai, te Jehoramgo, te Jehoram te Jehosafatgo ogwa, tama aga Juda bulu tǫde aga king bidi nigilama, Juda dabe tonaluyu bidai.


Te Jehosafat te Juda tǫde te king bidi nigila bidiyu, te kibu be 18 wagi solama kibu be pai, te Joram, Ahapgo ogwa, te Joram aga te Israel bage tonaluabo king bidi nigilama bidai, tama aga te Samaria bulude king nigilama bidali, me te kibu be nogo si olama, te sągągo si, 12 kibu be pai.


Nosali Jehosafat isibaso, te augwaligo aga te aga wąį nǫųgo gų pagede pubulali, te Devitgo Taunde elaluali. Te Jehoram, te aga ogwago, te agai sę yali pesage selama, te king pedelai dao.


Te Jehosafat king bidali sogo, te tǫ kantri Israel de Juda tǫ kantri si te munu me boi hwįbeo. Menio. Jehosafatgo te Israel king dali nogo menama, te augwali bugagia hodobo bidai.


Jehosafatgo kibu be te 35 kibu be elalubadi, te sogo aga king pedelali, tama aga te Jerusalemde king bidibadi, te kibu be bidi sese deli olama, a naga bidai. Jehosafatgo ida, te Asuba, te Silhigo wai dao.


Te nogo si olama, sągągo a naga me si, te tama kibu be te Jehosafat te Juda king bidali kibu bede, Ahasia, te Ahapgo ogwa, te Israel king pedelali. Te aga Samariade te kibu be si tama bidalio.


Te Joram, aga Ahapgo ogwa da, aga kibu be te nogo si olama, te sągą badu si, 12, te Israel bulude king nigilama bidai, te sogo Ahasia, aga aya te Jehoramgo ogwa dao, aga te Juda bulude te king nigilama bidibo gagalali.


Tiali goli, te ami soldia bidi dabe augwaligo te Joas deli digi elebe, te king Ahasiago ogwa, magi baso meni, Jehoseba, te we Jehoseba aga te king Joramgo wegi, tama te king Ahasiago aga abe, tama Jehosebago te Joas dali te aga tau siyu tonaluabo we me deli dali selama, tama augwali si te augwaligo te pibo somo gagawai nai matres dabe te pibo bet sai dabe mubo madigi te habuba Jehosebago te wai ogwa Joas me te aga tonaluabo we augwali si teba geme dualali. Tama tialima, te Ataliago te Joas ela muabo usu meni.


Te Jehoram aga king bidali sogo, te bidi mebago te hwįbo bidi dabe meba selama, tama augwali Juda buluba aselama, tama agai ogomani sese tama ela silali, tiali goli augwaligo Jehoramgo sabi ogwa mu Ahasia deli digi elebeo. Tama tialima, te king Jehoram isibo si, te Jerusalem dabego Ahasia augwa king pedelemainu sa muani, te aga ayago bidali pesage somainu. Ahasiago me nogi Joahas dao.


Swiv nou:

Piblisite


Piblisite