Te Israel me Juda Hani Sigo Tuni Bidigo Po Elalubo Buku Si 8:13 - Godigo dwagi yai po buku

¹³ Hasaelgo te po odobo si, tama te Elisago po wei ponoyu, e tama wali, “Ena olo bidi dao. Tama te genuai sęgę yai sę eno ma mena tama usu nama yaibawe?” wali. Awe, tama Elisago agabolo e tama po wai, “Genuai Bidigo enabolo e tama ola mawai dao, nage Siria hani tonaluabo king bidi nigaibao,” wali.

Te Israel me Juda Hani Sigo Tuni Bidigo Po Elalubo Buku Si 8:13 Referans Kwoze

1 Samuel 17:43

Tama tiyu, aga dolagaselama, tama Devitbolo te po wali, “Magi baso nago te bilibo dono sela asaliwe? Nago homugo ena te yowi da weyu, elainu asali, agawe?” Tialima, agai te aga tibo god dabe i olama, te Devit dolomainu yali.

Te Israel me Juda Hani Sigo Tuni Bidigo Po Elalubo Buku Deli 19:15

Tialima, Genuai Bidigo agabolo te tama po wali, “Nago te naga sunumi wali pelama, tama pidubadi, te tǫ wa pai bulu te Damaskus hanu pąba sabolao. Te nosali nage te taun tomoba pelama, te Hasael sulama, te nago aga toboluba te wel ąį gelao, aga te Siria king bidi pedalumainogo dąį tama ilao.

2 Samuel 9:8

Tama Mefibosetgo gesabidi te tǫba ma pogulama, te po wai, “King, magi baso nago te tiwai wiegi yai kolesaga enabolo yainogo obawe? Ena te olo nai tobage naga, te isali yowi me deli te tiwai dao,” wali.

Matyu 7:6

“Te dagego te wiegi yai tedali nai te yowi dabebolo magimio. Tama dagego duga wiegi wiegi yai au yabo bis tiwai nai dabe te kibu dabeba sągimio. Tiyu augwaligo te nai dabe sągągo agalama, tama augwali ma begeleyu, tama dage ma tuidali weyu tama egimio,” Jisasgo te po wai.

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.

Godigo Nogi Ugwaba Sabo Tęąbi Po Wabo Buku Dabe 22:20

Nago ena ma dobola sali da, teda augwaligo ena te moni hwągo me ela mugobeo. Nago ena tau sobaso da, teda te yowi tiwai bidi dabe augwaligo ena ela muainu ebaso, te usu me egobeo. Menio. Te ena bidibo ula elalu, bidaibao.

Godigo Nogi Ugwaba Sabo Tęąbi Po Wabo Buku Dabe 22:16

Te dwai bidi dabego ena te tigidali habu badu te yowigo uni hasa pobeasa bilibo tiwai gilama ebao. Augwaligo eno sągąde me nogode te augwaligo gąųgo kelebao.

Te Israel me Juda Hani Sigo Tuni Bidigo Po Elalubo Buku Si 8:10

Tama Elisago agai te po wei ponoyu, e tama po wai, “Nage pelama, te kingbolo wao, aga gasi da, teda silaibao. Tiali goli, Genuai Bidi Godigo agai enabolo e tama po ola manio, te king aga isaibao po walio,” wali.

Kraisgo Geme Dualali Sę Pedelabo Po Jonbolo Ola Mani 22:15

Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.

Filipai 3:2

Dage dua dao, te sę dwai ebo bidi dabe, te wili sulai yowi tiwai. Dage dua dao, dwai bidi dabego dagebolo “Te da Juda bidi dabe tiwai eyu, duga tigi togoyu, Godigo sa mubo dąį tigiba muao,” te po wabo bage, te augwalide dua dao.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Te Israel me Juda Hani Sigo Tuni Bidigo Po Elalubo Buku Si 13:22

Joahasgo tigidali kibu bede, Jehoas aga aya, aga te Israel hanigo king bidi bidali sogo, te king Hasael, aga te Siria bidigo king bidi bidai, tama agai te Israel hani dali boi hwįagaselama, tama augwalibolo sęgę madu geani.