Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Si 8:1 - Godigo dwagi yai po buku

1 Polobadu me sogo deli te Elisa pelama, te taun Sunemde bidibo te webolo po ola magi pai dao. Te we te polobadu aga ogwa wai isali we tama, tama Elisago agai te wai ma hodolai. Tama megi Elisa agai te webolo e tama po wali, “Genuai Bidigo te po wai, nosali dago e bulude moni nasi mu pedelaibao, tama te we bidi dabe augwali te nai menibadi, te kibu be nogo a olama, me badu nogo si, te 7 kibu beba usu nigi paibao, wali. Tama tialima, naga wai dabe me, me te naga deli hani me, tama augwali selama, tama nage gasa bulu meba bidigi pelama, tama te nasi ebo kibu be te dwai bodolu siliboba usu nigi pao,” wali.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Si 8:1
31 Referans Kwoze  

“Te eno naga te eno te kulubage tuludali weyu dąų wai dao. Tama teyu te moni giliga te bulu dude me, tama me te tigidali nai gide me, me te wain gide me, tama me te ni olivde me, te tigidali nai dabe te moni giliga nanai dao. Eno te tǫde holobo tigidali nai dabeba kulubage me tulumainu me sula tagalobe dao,” wali, “tama me te bidi dabe me, me te bulu hasa dabe me, tama me te tigidali haniani nai dabe te duga gide bulali nai dabede me,” Genuai Bidigo te po wai.


Genuai Bidigo augwaligo tǫde nasi emainao wai, tama augwaligo nai tigidali agai sela sąwai.


Tama te tobolu bidi dabego te Israel dabe augwali tonalubo sogo, tama augwaligo te augwali tonaluabo tuni bidi king me deli nigilisiąbadi, tama genuai nasi te tǫba pedelai. Tama te Betlehem hanu bidi me deli, aga te Juda hani me deli dao, aga pelama, te Moap tǫ pedaiba kibu be meba bidigi palio, aga augwaligo tǫde bidai. Agai te tǫ abeliyu mone me sabeo. Te bidi aga we dali, aga ogwa si dali pai.


Tama te wai dwasianu genuai yali, tama nosali me badu kibu bede te waigo aga aya te gide bilibo sugi pai. Te bodolu te wit togobo sogo da, tama teyu, te aga aya te aga sę ebo bidi dabe dali te gide bidibadi.


Te nosali Abram te Negeb tǫ pedaide bididubadi, te nasi ebo sogo pedelama, tama te bulude nai mu meni yai. Tama tibaso, Abram te Isip moni tǫ pedai teba pelama, te pęwadage sogo naga bidigi pai.


Eno dagebolo mu tama obe dao, Godigo po pusa mabo bidi Elaija bidali sogo, kibu be sela olama, me kibu be tomode togolama, tulubage munu me tulai menio. Tigidali pesagede nasi ela pai dao. Te sogo Israel hani wilawe we hauwa mu bidai dao.


Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.


“Te eno dagego nai mu sǫą pomainogo yaibao, tama te we dabego augwa iside ulabo nai hauwa meni yaibao, te sia tigi delide nogo si wego nai ulaibao. Te dage tigidaligo te nai dwasianu dwasianu naga selama tueibao, tiali digi te dage nasi me elaludaibao,” Genuai Bidigo te po wai dao.


Tama augwali tomode bidi me deli agai nogi Agabus, te bidi doligiluama, Godigo Dwagi Yai Mobogo bomogo te po pusa obaso, te po agai wai, “Tamadi tama tigidali bulu moni genuai nasi mu yaibao,” wali. (Tama megi dago koneai dao, te bidi nogi Klodius te Rom gavman tobolu bidi bidibadi, te moni nasi yali.)


Te sogode te Godigo te Juda we bidigo yali dwai sę wei ponabo sogo dao. Tama te side te Godigo bukude asęani po tigidali te nai igibilama walaibao.


Genuai genuai gęǫ e tǫde pedalaibao. Me badu habu badu genuai nasi dali genuai gasi dali yaibao. Te dagalude te we bidi wi yabo moni haniani sę pedelaibao.


Eno te tigidali tǫde we bidiba dwaidene mabo sę yaibao. Tama eno te sę te Jerusalemdegagalaibao, te eno taun elalubao. Tama dage Jerusalembage, dagego homugo te eno dage ela soaibao homueba, agawe? Mu menio. Ena Tigidali Bomo Elalubo Genuai Bidigo eno te po obao, eno te boi bidi tagalapalama, te tǫ hani we bidi tigidaliba boi hwįgi pomainogoyaibao.’ Nago te po augwalibolo pusao,” Genuai Bidigoenabolo te po wai.


Te ili elalubo tǫgo te tamu elalubo tǫ pedalumainu elama, tama tede te magi nai deli me pedalisiąwai. Magi baso meni, te badu bidi dabego te dwai kolesaga ebaso, tama Genuai Bidigo te tama tiwai sę ebo dao.


Gatgo aga sugi pali, tama te Genuai Bidigo po agaba pusali. Tama agai Devitba te tama po hanalu wali, “Genuai Bidigo homugo te nago te sela pode te po me deli nago te dąį ilao. Nago homugo te genuai nasi elalubadi, te kibu be a naga olama, me si, te tama bidabo homu usu yaibawe? Ma, nago homugo te boi bidi dabego dageba hwįagasomainu homu elama, tama dage augwalide wi pelama, te polua sela bidibaso te usu egowe? Ma, nago homugo te nago bulu tǫ pedai we bidiba te dwai gasi te sela sogo pedalumainu ebaso, te nago homugo usu yaibawe? Nago homu kone bugagia palama da, te nago homugo wei ebo po te enabolo obaso da, tama eno nago te po selama, te Genuai Bidiba ma begasa paibao,” te profet bidi Gatgo te po wali.


Te Devit king bidali sogo, te nasi ebo sogo me deli pedelama, tama te Israel dabe me, Juda me, te nai sǫą pelama, te nai sili bididubadi, te kibu be sela bidai. Tama tibaso, Devitgo Genuai Bidiba te tebo sę ebo page hanalu wali, tama Genuai Bidigo agaba te po wai, “Te sę ebo page te tama telalubao. King Solgo te Gibeon dabe ela muani, tama te dwai sę yali page te aga hanide elalubao,” wai.


Da te e bulude bidiyu, sę yainu asali, magi baso meni, te nasi genuai te Kenan tǫde eyu, tama dago sipsip dabe te tuabo nosai meni baso, da eba asai. Tama dago homugo te nago dabolo usu da po obaso da, teda da te tǫ Gosende osogo bidaibao,” wali.


Godigo te sę yabo te homugo konea selama, tama mu dąų walali. Tama agai nago aga dąų walali homu konemainogo iliyu, nago na si sogo emainu yali. Tama te sesabi elama bidisiąbadi, te pąde sogo tama Godigo te sę pedalumainu yaibao,” wali.


Tialima, Josepgo Ferobolo te po wali, “Te na si page te deli tiwai tobage naga yali. Godigo nagebolo te agai tamadi yabo sę ola mani.


Gasa sogo te nasi ebo si te buluba pedelali, te polobadu Abraham bidali sogo pedelali nasi tiwai ma pedelali. Tialima, Aisak te Filistia dabego tuni bidi Abimelek bidibo bulu te Gerarba pali.


megi da, te Josepgo wali po gilama te a naga olama, me si wali te nasi yabo kibu be pedelai. Te genuai nasi ebo te tigidali gasa tǫ pedaide me pedelali. Tiali goli, te Isip tǫ pedai tigidalide te nai usu elaluai.


Israel bulude te dwai bodolu sogo me deli pedalali. Tama te we bidi dabe augwaligo tuabo nai mu menia sali. Tama te sogo Elisa aga te Gilgal hanuba tama ma geasa pelama, bidigi pai. Me sogo bodolude deli sogo, me badu profet bidi dabe augwali te Elisa pageba asama, agade skul olama, kolesaga sali. Tama augwali dugulama, tama te Elisago po odoyu bidali. Tama Elisago aga sę ebo bidibolo e tiwai po wai, “Genuai mouwa dage kenage sospen selama, tama te profet bage tuabo nai dali, te keba me, te sup ulao,” wali.


Tama megi te sęgę te Elisago wali po tiwai gilama te pedalobao wali. Te gavman sę ebo ofisa bidi te taun tomoba pabo tųde dolaluali bidi, tama te we bidi augwali te nai polo sainu te buluba udulama soyu, tama augwaligo te bidi degasa pai munalubadi, tama te we bidigo ugwadu agaga sodu geai madigi, tama te ofisa bidi aga mu isali.


Tama tialima, te wego te Elisago wali podu wali pai, tama te wego te aga hani dali tama augwali pelama, te Filistia buluba bidigi pali, te kibu be nogo a olama, me badu nogo si, 7 kibu be silali.


Tama Elisago te aga sę ebo bidi Gehasi i olama, tama agabolo e tiwai po tama wali, “Nage pelama, e wai aga ida asao po wagi pao,” wali. Awe, tama Gehasigo te po odama pai, tama te wego te be peduba ugwa holama, tama te Elisa pibo be habuba tula pali, tama Elisago te webolo e tiwai po tama wai, “Tama nago e wai sela pao,” wali.


Genuai Bidigo te tama po wali, “Awe, dagego tama tebo dao. Tama tibaso, eno tama, eno te genuai nasi te dagego taun tigidaliba pedalumainu ilama, te tigidali bulude dage nai meni yai. Tiali goli, te dage enaba ma geasa asobeo. Mu menio.”


Swiv nou:

Piblisite


Piblisite