Te Israel me Juda Hani Sigo Tuni Bidigo Po Elalubo Buku Si 7:6 - Godigo dwagi yai po buku

^6-7 Magi baso, tigidali te Siria bage wi pela silai suali. Te pio mu, te Genuai Bidi aga digi te Siria bage augwali wi pomainu genuai po mu kulukulu u wai, te Siria bage augwaligo odama, tama tialima, te genuai hani ami bidi dabe te bidi duabo kibu hos me, me te karis kibu dabe dali, augwali hodobo asai tiwai ąǫ yali. Tama te Siria bage augwaligo te po tama wai, “Tialima, te Israel bage augwaligo te Hit king bidi badi, te Isip king dabe dali, augwaligo abelama, tama te ami bidi dabe augwaligo da dali hwįagasainu wabao,” wali. Siria bagego te po olama, tama te augwali bidali pesage polo tagalama, tama augwali polo tama mu hodaluama, isidali weyu wi pai. Augwaligo te sel ugwa be me, te hos kibu me, me te donki kibu me, augwa naga tede bidibadi taga pai. Tama augwali wi pai, tama augwali peyu, magi nai me deli sela pabe.

Te Israel me Juda Hani Sigo Tuni Bidigo Po Elalubo Buku Si 7:6 Referans Kwoze

2 Samuel 5:24

“Tama dagego te ni dabe ugwadu daide te hauwa bidi bilibo kilikili wabo tiwai odaibao. Tialima, dagego koneama, ena digi ena te dage Filistia dabe dali hwįgi pabodu te ena polasa paibao. Dagego te tiwai sę ebo po odobo si da, teda dage udayu, te augwaliba hwįgi piąo,” wali.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Te Israel me Juda Hani Sigo Tuni Bidigo Po Elalubo Buku Deli 10:29

Tama te bisnis bidi dabego te karis me, hos dabe me, te Musri bulude abelali. Te deli deli karis abelali mone te 6,000 kina, me te deli deli hosde te abelali mone, te 1,500 kina dao. Tama te bisnis bidi dabego te karis dabe, me te hos dabe selama, te Hit me Siria bulu king dabeba sela pelama, tama te king dabego abeliyu yai dao.

Kraisgo Geme Dualali Sę Pedelabo Po Jonbolo Ola Mani 9:9

Tama augwaligo hagawiade te kapago nigai holobo ugwa muai elaluai, tama augwaligo bogo te saba saba ebogo u wabo te hwįbo bidi duabo nai te kibu hosgo kegasa peyu udabo tiwai eyu te nai kidagalo wabo tiwai ebo dao.

Esekiel 10:5

Te bidi tiwai nai dabego bogo dabego pala pala wabo bomo yali, te genuai obo badu bidali we bidi augwaligo te augwali odobo usu yalio. Tama te pala pala wali, te Tigidali Bomo Elalubo Godigo i wabo tiwai yalio.

Aisaia 36:9

Nago homugo te Isip ami bidi dabe te hosidu ma karisdu aselama, te nage boi hwįbo tau sagasaibao homu ebao. Tiali goli, mu menio, augwali me asogobeo. Tama tialima, nago bomogo te dago dwasianu ami hani aiyaba elalueiba homu ebaso da, te usu me egobeo.

Godigo Nogi Ugwaba Sabo Tęąbi Po Wabo Buku Dabe 14:5

Tialima, te bidi dabe augwali wi mu yaibao. Magi basowe, God aga te agai po wali pabo bidi dabe augwali dali bidibao.

Jopgo Po Asęani Elalubo Buku 15:21

Augwaligo haniani kulukulu odobo si, augwali wi mu ebo dao. Augwaligo homugo dwai naigo augwali dolainu asobao wabo dao. Tama augwaligo homugo augwali bugagia bidibao homu ebode da, teda bidi dabe aselama, augwali dolama, augwaligo nai dabe wi sagasobo dao.

Te Israel me Juda Hani Sigo Tuni Bidigo Po Elalubo Buku Si 19:7

Magi baso meni, ena Genuai Bidi, eno te Asiria king bidigo homu begela tagalama, tama agai po me deli odobo si, teda agai dage tagalama, aga buluba ma begasa paibao,’ wali. ‘Tama aga te Asiria bulude bidibo sogo, tama eno te me badu bidi homu begelama, augwaligo moni ge hwągo aga ela mumai yaibao,’ Genuai Bidi Godigo te tama wali,” Aisaiago te po wali.

1 Samuel 14:15

Tama te Filistia ami dabe te bidibo pesagede bidali, tama te bulude biliyu hwįbo ami bidi dabe, tama te tigidali gasa Filistia dabego me te hwįani po sabilibo odama, tama augwali wi dwai mu yali. Tama tǫ mali yai. Tama Godigo te Filistia dabe homu kolesaga dolama, tama augwali wi tedela pai dao.

1 Samuel 26:6

Tama Devitgo te Ahimelek te Hit hani, me Abisai, te Devit aga abe Seruiago ogwabolo walali. Abisai aga te Joapgo ama da. Devitgo augwali sibolo te tama po wali, “Te dage sigo de te Solgo bidibo pesageba pabo homu ebowe?” Tama Abisaigo te po wali, “Ena paibao.”

2 Samuel 10:6

Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.

Te Israel me Juda Hani Sigo Tuni Bidigo Po Elalubo Buku Si 7:5

Tama tialima, te pio mu augwali hodaluama, te Siria bidi hani bidibo pesageba pali. Tama te Siria bage bidibo pesage pąba sabalobo sogo, augwaligo suali, ma te pesagede bidi me deli bidibo sube.

Jeremaia 46:21

Te Isip dabego te gasa hani bidi dabe te augwa ami bidi pedalumainogo abelali. Te Isip dabego augwali bugagia tonalubaso, te augwali bugagia mu bidali, te nisai bulmakau tiwai yali. Tialima, te boi bidi pedelabo sogo, te bidi dabe te hwįbo tagalama, wi paibao, te gasa Isip ami dabego me te tiwai yaibao. Augwali te bomo elama, dolalu me hwįbeo, magi baso meni, te dwai sę ebo sogo mu augwaliba pedelama, te augwali dolaibao. Te sogo te augwa yali dwai kolesagade usu nama, te augwali dwai dene mu saibao.

Esekiel 1:24

Te augwali bola pabo sogo eno odali, te augwaligo bogo kulukulu wali, te tamu ąį genuai ąį dini holama, degasa dulu bugusu wabo tiwai yali, tama te genuai ami bidi hanigo pesagede bidu posolu dala sabo tiwai yalio. Te augwaligo bogo u wabo te Tigidali Bomo Elalubo Godigo i wabo tiwai yalio. Te augwali me badu pedai badu doligi pelama, te augwa bogo bea sali. Tialima megi da, te bagua sai naide ugwadu daide te bidigo po wabo odai.

Te Israel Tobolu Bidi Dabe 7:21

Tigidali bidi dolugulama, tama te boi bidi Midian dabe bidalubo pesage bobegela sali. Tama te Midian dabego ami bidi dabego te i olala pelama, tama wi palio.

Te Israel me Juda Hani Sigo Tuni Bidigo Po Elalubo Buku Deli 20:20

Te hwįbo gagalali sogo, te Israel ami dabego bugagia mu hwįnama, tama augwaliba boi hwįagasali Siria dabe tigidali ela silali. Tialima, te gasa Siria dabe wi pobaso, te Israel dabego augwali pobeali. Tiali goli, Benhadat te hosde dugulama wi peyu, tama te hosde dugulasa boi hwįani ami bidi dabe dali wi palio.