Te Israel me Juda Hani Sigo Tuni Bidigo Po Elalubo Buku Si 7:10 - Godigo dwagi yai po buku

¹⁰ Augwali te hulide tama augwali te Samaria buluba ma geasa pai. Tama te taun tų tonalubo bidi dabe augwali i wagi peyu, e tama wai, “Da te Siria bage bidali pesageba pai dao. Tama dago suali, ma bidi me deli bidibo subeo,” wali, “tama te bidi dabego po wabo dago odobeo,” wai. “Te Siria bage augwali pela silai, tama te augwaligo tigidali doado bage te augwa bidali pesagede taga pela silai yalio,” wali. “Tama te doado bage munalubao. Augwaligo te hos kibu, me te donki kibu, me te gebelali haliga augwaligo te peda palebe yalio,” wali. “Menio. Te kibu dabe te haliga kebealu bidibo, te Siria bage bidali pesagede bidibo sualio. Tama te tubo nai me, te tigidali doado bage me, te sel ugwa bede me munalubo,” tama po wali.

Te Israel me Juda Hani Sigo Tuni Bidigo Po Elalubo Buku Si 7:10 Referans Kwoze

Godigo Nogi Ugwaba Sabo Tęąbi Po Wabo Buku Dabe 127:1

Te Genuai Bidigo te be me deli sę igi menigi sogo da, te kamda dabego sę odolali igi dao. Te Genuai Bidigo taun me deli tonalugi menigi sogo da, teda te tonalubo bidi dabe augwali te odolali tonalugi dao.

Te Israel me Juda Hani Sigo Tuni Bidigo Po Elalubo Buku Si 7:11

Te taun obo sunumi tonalubo bidi dabe augwaligo te po odali, tama augwaligo i weyu, tama te we bidibolo po olama, tama te po te kingo beba pusugi pao wali.

2 Samuel 18:26

Tama nosali te tonalubo bidigo te gasa bidi me udada asobo sulama, tama agai te sunumi tonalubo bidiba i weyu, tama agaba te tama po wai, “Suao, te gasa bidi me udada asobao,” wali. Tama kingo te tama po wai, “Te bidigo me te wiegi yai po sela asiyu ebadi bogo dao.”

Te Israel me Juda Hani Sigo Tuni Bidigo Po Elalubo Buku Si 7:9

Tama nosali augwa digi augwa tomode po miyu, te e tiwai po tama wali, “Tialima, dago dwagi yai kolesaga ebeo. Megi dago dwagi yai nai mu sualio. Tama da pelama, te tigidali we bidibolo wagi pinao,” wali. “Tialima, dago te pedauwali dąų ola selama bidiyu, tama te be posoboba usu nigi peyu da, teda dago sęgę mu elaluaibao. Polo tama, da megi pelama, tama te kingo sę ebo gavman tobolu ofisa bidi dabe augwalibolo wagi pinao,” wali.

Tuni Bidi Dabego Po Elalubo Buku Deli 16:38

Tama Devitgo Obetidomba sę mani, te Jedutungo ogwa, te aga hani dabe te 68 bidi dabe, augwaliba dali te sę mawai, te Asapgo hani tau somainu yali. Tama Obetidom dali te Hosa siba te Dąų Wali Bomai Po Munalubo Halobage munalubo sel ugwa be tonalubo sę mawai dao.

Tuni Bidi Dabego Po Elalubo Buku Si 23:19

Tama Jehoiadago te Genuai Bidigo tempel be sunumide tonaluabo Livai dabe meba sa muani. Te we bidi Genuai Bidigo gedude dolo isąwai we bidi tomoba pidali weyu, te Livai dabe augwaligo bugagia tonalumainu.