Te Israel me Juda Hani Sigo Tuni Bidigo Po Elalubo Buku Si 7:1 - Godigo dwagi yai po buku

¹ Tama te moni nasi ebo sogode Elisago te po wei ponoyu, e tama wali, “Mu tama dao, odao. Genuai Bidigo te po wai, ‘Do tama tibo sogo bodolude, te we bidi dabe augwali te taun sunumi pąde elalubo maket teba peyu, tama augwaligo te 3 kilogram te witgo nigai dwagi yai plaua abeligi paibao, me te 6 kilogram rais bali, te podolai monego abeligi paibao’ tama wali.” Elisago te po wali.

Te Israel me Juda Hani Sigo Tuni Bidigo Po Elalubo Buku Si 7:1 Referans Kwoze

Josua 3:5

Tama Josuago te we bidi dabebolo te po wai, “Te duga homu me kolesaga dodolobo sę iliyu, lotu po wao, magi baso meni, do da, te Genuai Bidigo noma sabo bomai sę te dage tomode yaibao,” wali.

Ma Dobola Sali 16:12

“Eno te Israel dabe augwaligo wado po wali po odalio. Tama te po augwalibolo wao, te pio mu augwaligo te nai mi tuyu, tama kigamu augwaligo te bret te augwa homugo sela tuao. Augwaligo te nai sela tuyu, tama augwaligo te tiwai koneyu, ena Genuai Bidi Yawe, ena digi ena te augwaligo God da, te augwaligo konemainao,” wali.

Esekiel 37:4

Tama Genuai Bidigo enabolo te po wali, “Eno homugo nago eno po te dili dabebolo pusao. Te dili dabebolo e tama po pusao, ‘Dage dili mu wa pai dabe, dagego Genuai Bidi eno po odao.

1 Samuel 11:9

Tama te ami bidi dabego te Jabes dabebolo weyu, te po wai, “Duga bage bidi dabebolo te tama po wagi pao, te do giliga te pedelai digi, te dago dage tau sagasu aselama, tama te boi bidi dabe ela gudulama, sela sąwaibao,” wali. Tialima, te Jabes dabe pelama, te augwa bage bidi dabebolo te po magi pali. Tama augwaligo te po odama, tama augwa wiegi yai homu pemene mu yai.

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Godigo Nogi Ugwaba Sabo Tęąbi Po Wabo Buku Dabe 46:5

God te taunde bidibao, tama tiyu, te taun munu me dologobeo. Te be posisąbadi, tama te Godigo aga tau saibao.

Ma Dobola Sali 8:23

Eno te deli tigi tiwai sę eno we bidi dali ebo tiwai te nago we bidi dali tegobeo. Odao, te gasagi yai bomai sę te do pedelaibao,” Genuai Bidi Yawego te po wai,’ tuni bidi dali te po wao,” Genuai Bidigo te po wai.

Te Israel me Juda Hani Sigo Tuni Bidigo Po Elalubo Buku Si 20:16

Tialima, te profet bidi Aisaiago te king Hesekiabolo te po wali, “Megi eno nagebolo eno e po obao, Genuai Bidigo po dao.

Kraisgo Geme Dualali Sę Pedelabo Po Jonbolo Ola Mani 6:6

Tama eno odali, te bidibo ula elalubo hasa me si me si tomode me deligo pedauwalide wabo po, tama te pedauwalidu te we bidigo tubo nai mude te po wali, “Nago te tubo nai wit ge, te gego dwasianu sini pągąnama tama te naigo sęgę skel ela suao. Tama te nai abelabo masigi hasegelao, te genuai muao, te masigi sabo sę ebo bidigo deli sogo sabo masigi tiwai si ilao. Tama nago te masigi hauwa meni yai bagego tubo nai nogi bali, tede me tama tiao, te bali gego dwasianu sini me si me deli pągąnama, tama te naigo sęgę skel ela suao. Tama te nai bali sela abelabo masigi nogi genuai naga nogi yao, te sę ebo bidigo deli sogo sabo masigi tiwai si dao. Tiali goli, nago te tubo wel dali te tubo ąį wain si dolamuo,” te po wali.

Te Israel me Juda Hani Sigo Tuni Bidigo Po Elalubo Buku Si 4:42

Nosali me sogo deli, bidi me deli te aga Balsalisa bulu tagalama, tama te Elisa pageba asali. Te sogo te sia gagawai wit togobo sogo, tama nedu bali du gide tau ebo sogo. Tama te hasia sogo augwaligo te nai bali du togwali, augwaligo te dwasianu bret skon nigainu. Tama tibo bodolu sogo, te bidi Elisa pageba asali, te bidi agai te me badu te sia gagawai wit selasa asai, tama te augwaligo te togwali sia gagawai nai witgo nigai bret agai te bidi sese deli tama selama, tama aga begba bulama, sela asai. Tama Elisago te aga sę ebo bidibolo e tiwai po tama wali, “Te nai te profet bidi dabe mao,” wali.

Dwagi Yai Gesi Po Jongo Asęani 6:9

“Ogwa me deli ede bidibao, te ogwa agai a naga bret dali sųgų si dali munalubo. Te bret te bali plauago nigai. Tiali digi, te naigo e genuai we bidi hani usu egobeo,” Andrugo te po wai.

Te Israel me Juda Hani Sigo Tuni Bidigo Po Elalubo Buku Si 6:25

Tama te sogo te Samaria bage augwali nai menia sai, te nasi ebo bodolude da, tialima te Siria bage augwaligo bobobage sogo mu te taun bobegela selama bidali. Tama Samaria bage augwaligo te nai me te taun tomoba magasobe. Tama tialima, bidi me deli aga homugo te donki kibu tobolu abela tuainu da, teda mone bidi sese sigo abelao wali, 80 kina. Tama tialima, bidi me deli aga 250 gram sęgę ba di tiwai tubo nai ge abelainogo da, teda agai te ni yabe si podolai, te 5 kina, te monego abelemainao.

Te Israel me Juda Hani Sigo Tuni Bidigo Po Elalubo Buku Si 6:33

Elisago po odubadi yaide, tama te kingo tagala palali bidi sabolagasobadi yaide, te king bidi tama asama, sabolagasali. Tama kingo Elisabolo e tiwai po tama wai, “Genuai Bidi aga digi te bodolu sogo dwai mu da tigide pedalai dao,” wali. “Tama dago agai da nai me deli tau somaio olama, tama magi baso dago aga me tonaluaibawe?” wali.

Aisaia 1:10

Dage tobolu bidi dabe, me dage Jerusalem we bidi dabe, dage te bidi dwai dabe te hanu Sodom de Gomora side polobadu bidali bidi dabe tiwai mu tama dao. Megi da, dagego olo bugagia munama, tama Godigo bomai po odao, dago Genuai Bidi. Agai dabolo mawainu ebo po bugagia odao.

Te Israel me Juda Hani Sigo Tuni Bidigo Po Elalubo Buku Deli 22:19

Tialima, Mikaiago po wadolama weyu, te tama po wai, “Tialima, megi da, eno homu nago olo bugagia munama, odao, te eno nagebolo te Genuai Bidigo enabolo ola mani nai dabede po waibao. Eno suali, te dagalude Genuai Bidi te aga dugulalubo sia saide dugulaluali, te tigidali mobo bidi ensel dabe aga pąde dolalubo suai dao.

Te Israel me Juda Hani Sigo Tuni Bidigo Po Elalubo Buku Si 7:16

Tama te sogo te we bidi dabego te nai dabe suali po odobo si, augwali polo udulama peyu, te Siria bage bidali pesageba sabolama, tama augwaligo te Siria bagego taga pali nai dabe tigidali sai. Tama augwaligo te o gagawai nai te plaua umabo mu sali, tama me te nai bali me umabo mu sali. Tama tibaso, augwaligo 3 kilogram te sęgę te dwagi yai o gagawai nai plaua, o 6 kilogram sęgę te bret bali, te nai si te maket munama, te mone podolai sabo usu naga muani, te Genuai Bidi Godigo tama tiaibao wali podu wali peyu, tama tiai.

1 Samuel 15:1

Me sogo deli Samuelgo Solbolo te tiwai po wai, “Te eno nage te Israel dabego king tiwai nigilama sa muani sogo, te Genuai Bidigo we bidi, te Genuai Bidigo digi enabolo te tama tia olama, tagala palali. Tama tialima, megi nago odao,