Te Israel me Juda Hani Sigo Tuni Bidigo Po Elalubo Buku Si 6:22 - Godigo dwagi yai po buku

²² Tiali goli, Elisago te po wali, “Menio. Elegio,” wali. “Tama nago te hwįbo sogo te boi bidi dabe tuao wali, nago augwali me elama, isilibo menio. Tama teyu, nago te hani augwali nago eligio. Menio. Tama dago augwali nai bugagia mao, tama augwali augwa king pageba nosali sabalu,” wali.

Te Israel me Juda Hani Sigo Tuni Bidigo Po Elalubo Buku Si 6:22 Referans Kwoze

Tigidali Nai Gagalama Nigali Side 48:22

Sekem te wiegi yai tǫ mu dao. Eno te Amor dabe dali te hwą ge bainat me enesigi sigo boi hwįnama, tama augwaligo te tǫ eno sali. Tama ena digi eno te tǫ te eno nagebolo naga megi mobao. Eno te naga ama dede augwalibolo me magobeo,” Jekopgo Josepbolo te po wali.

Hosea 2:18

“Tama te sogo eno te dąų wabo bomai po kontrak te buside tigidali uni hasa, me hasamani dabe dali, me ba dabe dali te po dąų walaibao,” po wai. “Tama augwaligo te eno we bidi dabe me dologobeo. Tama eno te hwįbo doado bage tigidali sela sąwaibao, te bobobage bainat ge hwą, me enesigi ene sesemone, tama eno we bidi dabe te tǫde dua digi tegaluama bidiyu, te augwali wi munu me egobeo,” wali.

Matyu 5:44

Tiali goli megi eno dagebolo obao, dagego duga boi bidi dali dwagi yai homu eyu tama godolo eyu yao. Tama bidi meba augwaligo dagebolo dene mobaso da, teda dagego gedu haluasa po Godibolo wao, te agai augwali dali dwagi yai sę emainogo.

Hosea 1:7

Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.

Godigo Nogi Ugwaba Sabo Tęąbi Po Wabo Buku Dabe 44:6

Eno enesigi me ene elalubao, tiali goli eno homugo eno te hwįbode te nai dabego ena tau sabo homu me ebeo. Eno te bobobage bainat hwą elalubao, tiali goli tego me ena te hwįbode tau me sogobeo.

Josua 24:12

Ena dage asobadi polasa peyu, tama eno digi te boi bidi dabe wi ilama, tama augwali sela sąwai dao, tama te tialigo te Amor tuni bidi si wi pomainu ilali. Tiali goli, duga digi te poai hwą ge bainatgo, me te sesemonego te augwali si gudulu baso wi me pabeo.