Te Israel me Juda Hani Sigo Tuni Bidigo Po Elalubo Buku Si 6:16 - Godigo dwagi yai po buku

¹⁶ Tialima, Elisago agabolo te po wali, “Wi egio, tagalao,” wali. “Tialima, mu tama, augwaligo umabo ami bidi bidibo, tiali goli dago me, te da tau sabo hani te genuai mu dao,” wali.

Te Israel me Juda Hani Sigo Tuni Bidigo Po Elalubo Buku Si 6:16 Referans Kwoze

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

1 Jon 4:4

Dage eno wai dabe o, dage Godigo we bidi hani, tama dagego te tibo po ola mabo bidi aiyaba elaluai dao. Magi baso meni. Te Mobo dage tomode bidibo Mobo Bidi agai bomogo te tǫde bidi dali tomode bidibo mobogo bomo aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 55:18

Te bidi hauwago ena dali hwįbao. Tiali goli, ena me dolobeo. Magi baso meni, Godigo ena tonaluyu, tama ena ma odasa asaibao.

Aisaia 8:10

Duga homugo mena sę yabo homu yali po duga maiąo. Tiali goli, dagego te sę ebo usu egobeo. Dagego te po da, aga nai meni yaibao. Magi baso meni. God da dali bidibao.

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Matyu 26:53

Nago eno bomo konebeo. Eno ena Ayabolo hanaluyu da, teda agai te ensel mobo bidi hani umabo mu tagala palama, tama augwali dulama, ena tau sagasaibao.

Godigo Nogi Ugwaba Sabo Tęąbi Po Wabo Buku Dabe 27:3

Awe, te ami hani me deligo ena bagua sagasobaso da, teda ena wi me egobeo. Te boi bidi dabego enaba hwįagasobaso da, tagalao. Eno konealubo homu Godiba munama, tama ena ibaba me kila sogobeo.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Filipai 1:28

Eno te dagebolo dene mabo bage augwalide po odaio. Augwaligo dage wi homu me ilibo gogologio. Dage munu me wi isiąbo, te kolesaga ebogo te augwalibolo ola mawaibao, te augwali dolama tama mu hagawaibao, tiali goli God aga digi dage bugagia tonaluyu tama dage wiegi yai bidaibao.

Tuni Bidi Dabego Po Elalubo Buku Si 16:9

Tigidali sogo Genuai Bidigo aga dologode elalubo bidi dabe naga bugagia tonalubo dao. Augwali menade tǫ dabede bidibo me tagala. Agai augwali tau selama augwali bomo ilibo dao. Tiali goli nago Siria king bidibolo nage tau somainogo hanalu wali da, teda te dwai kolesaga mu dao. Tama tialima nage dali te Juda dabe dage bugagia dua me bidigobeo, menio. Tigidali sogo boi bidi dabego dage dali boi hwįagasiyu yaibao,” wali.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Godigo Nogi Ugwaba Sabo Tęąbi Po Wabo Buku Dabe 3:6

Te 10,000 boi bidigo ena te tigidali badu bobogela sobaso, tagalao, ena augwalide wi me egobeo.

Dwagi Yai Gesi Po Makgo Asęani 16:6

Tama agai augwalibolo te po wai, “Dage midigi siyu noma me selamuo. Eno koneani, dage asali te Nasaret bidi Jisas gegagasali, aga augwaligo te ni pedaide walali. Aga hodalualio! Aga te ede me bidibeo! Te augwaligo aga muani pesage te elalubo suiąo.

Godigo Nogi Ugwaba Sabo Tęąbi Po Wabo Buku Dabe 11:1

Eno konealubo po mu dąų wali, Genuai Bidigo ena tonaluaibao. Abagi dede, dage kolesaga isąyu, dagego enabolo te po wali, “Nage bulu duba wi pao, te ba me deli wi ebaso, polo pabo tiwai yao.

Tigidali Nai Gagalama Nigali Side 32:1

Te Laban aga buluba ma geasa pelama, tama Jekop aga page buluba painu eyu, ma pali. Tama aga pidubadi, tama Godigo ensel mobo bidi dabe te sunumide aga pageba pedelai.

Te Israel me Juda Hani Sigo Tuni Bidigo Po Elalubo Buku Si 6:15

Tama kigamu hulide mu Elisago sę ebo bidi hodaluama, tama aga buluba teda soali, tama agai subadi yaide, te Siria ami bidi dali, te hos kibu me, me te karis kibu me, tama augwali augwa te nai dabe dali asama, te taun bobegela saiali. Tama aga pelama, tama te Elisabolo e tama po walali, “Genuai bidio, te Siria bidi dabe augwali asama, da nǫ bagua sai yabuo,” wali. “Megi tama dago magi yagawe?” te po hanalu wali.

Josua 11:6

Tialima, Genuai Bidigo Josuabolo te po wai, “Nage augwalide wi munu me elamuo. Do te tobage sogo ebode da, teda eno digi te Israel dabe augwali tau selama, tama augwaligo te boi bidi dabe tigidali ela muaibao. Tama dagego te hos dabe sągą genuai kigibili togolama, tama augwa te karis dabe dali siaba ulao,” wali.

Jeremaia 39:17

Tialima, ena Genuai Bidi, eno te po obao, eno te sę dabe ebo sogo da, teda eno nage tau saibao, te augwaligo nage te nago wi ebo bidi dabe nogoba me mugobeo.