Awe, kingo agabolo e tiwai po tama ola mani, “Eno pas me deli asęnama, te Israel bidigo king bidiba tolaibao. Te pas eno nagebolo menama, tama nago sela pelama, agabolo magi pagameo,” wali. Tama kingo pas asęnama, te Namanbolo mawai, tama Namango te 300,000 silva mone sobadi, tama me te gol te sęgę bidi sese sela 60 kilogram gol sobadi, me te nogo si dwagi yai au ebo bulubo ugwa sobadi elama, tama aga hodaluama, te Samaria buluba pai.
Te Israel me Juda Hani Sigo Tuni Bidigo Po Elalubo Buku Si 5:22 - Godigo dwagi yai po buku22 Tama Gehasigo te po wai, “Menio. Da bugagia bidibao. Tiali goli, eno genuai bidigo ena tagala palama, e tiwai po nagebolo tama wagi soao obaso, ena asobao,” wai. “Megi tama bolo te profet gesi bidi si agai beba asalio. Te profet bidi si augwali si te bulu du Efraimde bidibo profet hani dao. Tama agai homugo te nago aga silva mone beg me deli badi, me te dwagi yai bulubo ugwa si ebadi elama, mao wali. Tama Elisa agai te profet bidi dabe augwaliba mawaibao,” wali. Gade chapit la |
Te Israel me Juda Hani Sigo Tuni Bidigo Po Elalubo Buku Si 5:22
21 Referans Kwoze
Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.
Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.
Genuai Bidigo te tiwai po wali, “Sesemane sogo eno we bidi dabego te tibo po wabo sisi elalubo tiwai eyu, te bidigo enesigide te ene nanalubo tiwai ebao. Te mu po wabo kolesaga te augwaligo tǫ kantriba genuai pedalubeo. Te tibo po wabo ugwaba ela holalio. Augwaligo te haniani dwai kolesaga umabo mu ela pidubadi, te augwa konealubo homu enaba me mubeo.”
Te Betelde te Godigo po pusubo profet bidi hani me badu tede bidai. Tama augwali aselama, te Elisa sabi name si sisinagaselama, tama augwaligo Elisabolo e tiwai po ola mani, “Megi te Genuai Bidi Godigo te naga genuai bidi Elaija selasa paibao,” te tiwai po Elisabolo ola mawai, “te nago koneaniwe, ma meniwe?” wali. Tama Elisa agai augwalibolo te po wei ponoyu, e tiwai po wai, “Eno me te konea palio. Dagego te nai po me wagio,” wali.
Te king sabalubo si da, profetgo te tiwai i wali, “King, odao. Ena te boi hwįbode bidai, tama dago ami bidi me deligo te boi bidi me deli enaba odasa aselama, tagalagasu, agai te tiwai po ena dali wali, ‘Te bidi bugagia tonaluao,’ po wai. ‘Te aga wi pali da, teda eno nage ela mueibao. Ma nage elisąyu da, teda nago mone bidi sese umabo mu, te 30,000 kina silvago te kot abelaibao.’ Te ami bidigo te tama po ena dali olama, aga palio.
Tialima, te monu dabe profet bidigo te agabolo e tama po wali, “Ena me te nage tiwai bidi profet bidi dao,” wali. “Tama Genuai Bidigo sę ebo ensel bidi me deli asama, enabolo e tama po wagasali, ena nage ma pelama, nage oda sigi pelama, tama eno nage ma odasa, eno beba pelama, te me badu nai dabe nage mayu, tama me te nage tuabo ąį me mayu yao po wai.” Tiali goli, te monu dabe profet bidigo agabolo ili po ola mani.
Tama Samsongo augwalibolo te po walali, “Te eno po begelama wabo po me deli te dage dali waibao. Te dagego enabolo te po begelama wabo po te nai tuyu bidibo te a naga olama, me badu nogo si te sogo dagego te po begelali po page te enabolo obaso da, teda te eno dagebolo te pedai name ugwa te 30, me te holobo bobage ugwa te 30 te dage mawaibao,” wai.
Tama aga hodaluama, te Naman pali wali pai. Namango tonobadi yaide, bidi me deli udada asu, te aga wali asobo suali, tama tibaso aga te karis kibu dąų walama, tama aga tǫba dulama, tama te tų tilide dolaluali, tama Gehasi asama, tama aga sisinagasali. Tama Namango Gehasibolo e tama tiwai po hanalu wali, “Magi nai me deli dagede pedalaliwe, a?”
Te me badu te profet hani te Jeriko taunde bidalubo bidi dabe, tama augwali te Elisa pageba aselama, tama augwaligo agabolo e tiwai po tama wali, “Megi te Genuai Bidi Godigo te naga genuai bidi Elaija selasa holaibao,” wali. “Tama nago teda koneaniwe, ma meniwe?” Tama Elisago augwalibolo te po wei ponoyu, e tiwai po augwalibolo wai, “Eno koneanio,” wali. “Te sę yabo po dagego munu ma wagio,” wali.
Te 50 profet bidi dabe te augwali te Jeriko bulude bidibo bidi dabe da, tama augwali te bulude me bidaluali. Te bidali bage magi baso meni, augwaligo homugo te Elisago ebo sę page suainu bidaluali. Tama augwaligo te po wai, “Suao. Te bomo te polobadu te Godigo Elaijabolo mawai bomo dao, te bomo megi te Elisa dali bidibao,” wali. Tama augwali asama, tama aga tiąba aselama, augwaligo kidu sugunama, tama augwaligo tobolu me tǫba naga basilali, tilama augwaligo te Elisa genuai nogi mani.
Piblisite