Te Israel me Juda Hani Sigo Tuni Bidigo Po Elalubo Buku Si 5:10 - Godigo dwagi yai po buku

¹⁰ Tama Elisago bidi me deli tagala palama, te bidigo Namanbolo e tiwai po tama walali, “Nage te wę Jordan teba pelama, te nogo a olama, me badu nogo si wagi solama sogo, nage tama sogo wę pauao. Tama teyu, nago gasi silaibao, tama naga tigi wiegi yai tigiwali yaibao,” wali.

Te Israel me Juda Hani Sigo Tuni Bidigo Po Elalubo Buku Si 5:10 Referans Kwoze

Dwagi Yai Gesi Po Jongo Asęani 9:7

Tama agai te bidibolo te po wai, “Nage wę ge ąį nogi Siloam te ąį paugi pao,” wai. (Te wę ge ąį nogi Siloam, te nogi begelama, te po wai, bidi tagala palai.) Jisas agai te po obaso, te bidi pelama, ąį paugi pai. Tama aga ma asai. Tialima, te bidi aga gedu megi tama mu tonobo usu yalio.

1 Korin 6:11

Tama polobadu dage meba te tiwai sę ebo we bidi dabe bidaluali. Tiali goli dagego te dwai sę ebo tagalama, tama baptais salio. Godigo dage aga da olama sa muai. Dagego te doloba pai nogi salio. Te Genuai Bidi Jisas Krais me te Godigo Tedali Mobo augwali sigo sę eyu, tama dage Godigo gedude doloba pai we bidi hani tama pedalai dao.

Pris Sę Ebo Bomai Po 14:7

Tama elama, agai te kaneme dwasianu te nogo a naga olama, te me badu nogo si wagi soabode te eno gedude dwagi yai pedelabo bidi tigiba sąsągą bilao. Tama prisgo agabolo te tiwai po walao, ‘Megi da nage God gedude wiegi yai pedelalio.’ Tama prisgo te bidibo ba selama, te buluba solama, te aga bola pomainogo yaibao.

Te Israel me Juda Hani Sigo Tuni Bidigo Po Elalubo Buku Si 5:14

Awe, tama Namango augwaligo te wali po odama, tama aga pelama, wę nogo a olama, me badu nogo si wagi solama sogo Jordan węde pauali, Elisago te po wali gilama, tama tibo si agai te oiyabe gasi tigidali sia sali. Tama agai tigiwali te dwagi yai elama, te gesi wai bǫų tigiwali tiwai pedelali.

Te Israel me Juda Hani Sigo Tuni Bidigo Po Elalubo Buku Si 4:41

Awe, tama Elisago te po wali, “Te wit siago nigali te o gagawai plaua selasa asao,” wai. Augwaligo selasa pelama, tama Elisago agai te mouwa dage kenageba sąyani, tama te aga sę ebo bidibolo e tiwai po tama wali, “Tama te sup dwanai augwaligo pouba ma muao, tama te profet bagego tumainao.” Tama augwaligo tuali, tama te sup dwanai te augwaligo pedauwalide megi ma ha ebe.

Josua 6:4

Te nogo a naga me si wabo sogo te pris bidi te dąų wali po muani halobage tolali bage polasa pabo badu te augwali poligi pelama, tama augwaligo te bu wabo nai biugel tolomainu yao, augwaligo te omai kibu sipsip gąų pedelaligo nigai. Tama te nogo a naga me badu si wabo side, nage dali te ami bidi dabe badi tama te hanu bagula nogo a naga olama, me badu si te tama sogo biliyu yao,” wai. “Tama dage te hanu obo sesege badu bagula bilibo sogo, te pris dabego te bu wabo nai biugel te bu ola biliduao.

Israel Hanigo Namba 19:19

Te dei namba 3; te dei namba 7, te bubuga side te eno gedude meda isąwai bidigo te wę segeni te eno gedude meda elalubo bidi tigiba te wę segeni sąmainao. Tama te bidi aga homugo aga wiegi yai pedalainogo da, teda te bidi aga ugwa wę telayu, me aga digi aga tigiba wę geliyu emainao, tama te namba 7 deide te giliga ibaba dega sabo side aga wiegi yai pedalaibao.

Israel Hanigo Namba 19:4

Tama te Eleasargo te kibu kaneme dwasianu agai nogo danigo selama, tama a naga olama si sogo agai eno ugwa be te badu tonoyu sąyao.

Pris Sę Ebo Bomai Po 16:14

Tama agai te bulmakau kaneme me badu selama, te kaneme nogoba holama, te kaneme te sęgę sela sąbo pesage daiba ugwadu sąyao. Agai te kaneme nogo danide ma selama, te kaneme nogo a naga si sogo te Dąų Wali Bomai Po Halobage gesabidiba sąyao,” po wali.

Pris Sę Ebo Bomai Po 14:51

“Nosali agai te ni sida dagenu me siyu, te ni hisop nologo me siyu, te mama hobi string me sobadi, te bidibo ba hi selama, te kaneme elalubo ąįba munama, te polo ma kega sao. Tama agai te kaneme elalubo ąį te a naga si sogo te beba sągąyao.

Pris Sę Ebo Bomai Po 14:16

Tama agai dolo nogo dani me deli te welba munama, te wel a naga si sogo sąsągą bilibaso da, te ena Genuai Bidi, eno aga sueibao.

Te Israel me Juda Hani Sigo Tuni Bidigo Po Elalubo Buku Si 3:16

Tama Elisago agai po pusuyu, e tiwai po tama wali, “Genuai Bidigo te po wai, polobadu te wę soali silide, te dagego te wę soabo madigi te umabo ąį sabo tǫ dedage nigao wali, tiali goli te megi da, te ąį te sula sali dao, wali.

Te Israel me Juda Hani Sigo Tuni Bidigo Po Elalubo Buku Si 2:21

Tama te Elisa aga te ulu ąįba pelama, te ulu ąįba te tamu gelali, tama agai te po wai, “Genuai Bidi Godigo e tiwai po tama wai, ‘Ena Genuai Bidi, eno e wę ma dwagi yai ma ilibao. Tama te e węgo bidi te munu ma isibo sę egobeo, tama te we dabego polobadu yaliga te we dabego wai ame nabode te haligade genuai isąwai augwaligo ame neyu yai, te yali tiwai ma egobeo,’” wali.

Te Israel me Juda Hani Sigo Tuni Bidigo Po Elalubo Buku Si 5:9

Awe, kingo Namanbolo te po wai, tama Naman aga te kibu hosgo kegebo karis nai Naman aga tede dugulasa pali. Te me badu karis me te bidi aubo hos kibu me aga dali augwali hodobo pali. Tama augwali hodobo tama pelama, te Elisago be tųba sabaligi pali.

Te Israel me Juda Hani Sigo Tuni Bidigo Po Elalubo Buku Si 5:11

Namango te po odama, tama agai wado dwai mu yali, tama te Elisago be tagalama pali. Tama agai te po wali, “Eno homugo Elisa aga buluba tią asama, agai ena sumainu homu yaio. Tama agai Godibolo mu gedu haluasa po omainu eyu, aga Genuai Bidi dolo, tama agai nogo ena e gasi oiyabe keni yai tigiba pąba mugi sogo da usu, tama agai te kolesaga egi sogo da, teda ena ma usu egi dao. Tiali goli, menio.

Ma Dobola Sali 4:18

Mosesgo po God dali ola silama, tama aga te aga wąį Jetro bidibo teba ma pelama, tama agabolo te po wai, “Eno homugo nago ena te Isip tǫba ma pelama, te eno deli hani sugi painogo ebo, te nago ena pao po wabo te usu da wao. Eno koneama, augwali bidibowe, ma augwali isaliwe, te eno augwali sugi peyu pobao,” wali. Jetro agai te usu da po aga dali wai, “Te usu da, nage pao.”

Pris Sę Ebo Bomai Po 13:58

“Tialima, agai te ugwa me kau wali ąį telabo sogo, te oiyabe tiwai nai menia sobaso da, teda agai si sogo ąį tedelama, te ugwa eno gedude wiegi yai mu pedelaibao,” wali.

Te Israel me Juda Hani Sigo Tuni Bidigo Po Elalubo Buku Si 4:35

Tama tialima, Elisa te bet saide bidali tagalama, te be tomo habude dwasianu tama bilali. Tama aga ma pelama, te wai bau boalu kidu sugunani. Tama tibo si, te waigo asiga weyu, te nogo a olama, me badu nogo si wagi solama sogo asiga wali, tama te waigo gedu me pedali.

Dwagi Yai Gesi Po Jongo Asęani 5:4

Me sogo deli sogo Godigo dagalude sę ebo ensel mobo bidi me deli te ąį tomoba dulama, tama te ąį te ensel bidigo memenege ilai. Te ąį memenege silai digi, tama niwai bidi me deli polasa ąįba dulali bidi da, te bidigo gasi polo silai.)