Te Israel me Juda Hani Sigo Tuni Bidigo Po Elalubo Buku Si 4:6 - Godigo dwagi yai po buku

⁶ Te wego te tigidali mouwa dabe kenage te welgo pągąna silali, tama te agai te aga ogwa me delibolo te e tiwai po tama wai, “Te gasa mouwa dage kenage me sela magasao,” wali. Tama te ogwago te po wai, “Idao, te tigidali mouwa dage kenage welgo pągąna silalio,” wali. Awe, tama te sogo dolo mu, wel te wego te mouwa dage kenageba wel munu ma pedalobeo. Menio. Te wel asobo silalio.

Te Israel me Juda Hani Sigo Tuni Bidigo Po Elalubo Buku Si 4:6 Referans Kwoze

Matyu 14:20

Tama augwali tigidaligo te nai tulama, tama augwali te naigo tabiai. Tama augwaligo te nai meba munalubaso, tama te Jisas wali pabo bidi dabe augwaligo te munalubo nai sisinama, tama bonou wa 12 pągąwai dao.

Te Israel me Juda Hani Sigo Tuni Bidigo Po Elalubo Buku Si 13:19

Te profet bidi Elisago sulama, tama agai wado po weyu, tama kingbolo e tama po wali, “Nago homugo te enego a naga sogo, ma a olama, me badu nogo kibisa wagi solama sogo tǫba elai meniwe? Tialima, nago tama tigi sogo da, teda te nago te Siria hani te nago usu mu elama, aiyaba elalugi da. Tiali goli, nago megi da, nago augwali sela sogo naga aiyaba elaluaibao, “wali.

Dwagi Yai Gesi Po Lukgo Asęani 6:19

Jisas agai bomogo gasi yai we bidi hauwa usu ilibaso, mebago me Jisas agai tigi diąwainu yali, augwali dwagi yai ma emai hagede.

Dwagi Yai Gesi Po Jongo Asęani 6:12

Augwali nai tuali usu ela silai. Tama Jisas aga wali pabo bidi dabebolo te po wai, “Dagego nai me badu munalubo sisinao,” wai. “Tiyu yaide me badu nai olo tagalobuo,” wai. Jisasgo te po aga bidi dabebolo wai.

Matyu 15:37

Tama tigidali augwaligo te nai tuali usu ela silai. Tama Jisas aga wali pabo bidi dabe augwaligo te me badu elaluali nai tigidali sisinani, tama te naigo te genuai bonou wa a naga olama me si pągąwai.

Matyu 13:58

Augwaligo agade konealubo po dąų wasiąbaso, agai bomai sę hauwa te aga page bulude ebeo.

Matyu 9:29

Tama agai te bidi si geduba nogo muyu te po wai, “Dage sigo konealubo po enade dąų wai. Tama tialigo da, te tiwai sę megi dage siba pedalomainao, te eno homugo.”

Te Israel me Juda Hani Sigo Tuni Bidigo Po Elalubo Buku Deli 17:14

“Magi baso meni, God, Israel hanigo Genuai Bidi, agai e tama po wai, ‘Naga te mouwa dage genagi munalubo plaua munu me sia sogobeo, tama me te nago te wel me, te nago mouwa dage genagi sospende munalubo wel me munu me sia sogobeo,’ po wali, ‘tama munalua pobadi, te Genuai Bidigo te kulubage e tǫba tulubo bodoluba usu nigi paibao,’ po wali,” Elaijago te po te webolo wai.

Josua 5:12

Nosali te sogo te nai mana te munu ma dulubeo. Tama te Israel dabego te Kenande elalubo nai naga selama, tubo gagalalio.

Te Israel me Juda Hani Sigo Tuni Bidigo Po Elalubo Buku Si 4:5

Te wego te po odama silibo si, tama aga pelama, te aga abagi dedego mouwa dage kenage sospen dabe sigi pai, tama aga beba selasa pali. Tama aga dali, te aga ogwa dabe dali, te aga be tomoba bula selama, tama aga te be tų paliali. Tama te aga ogwa si augwaligo te mouwa dage kenage selama, te augwa idabolo magi pabo sę yali. Tama te augwa idago te mouwa dage kenage te wel gelebo sę yali.