Te Israel me Juda Hani Sigo Tuni Bidigo Po Elalubo Buku Si 4:42 - Godigo dwagi yai po buku

⁴² Nosali me sogo deli, bidi me deli te aga Balsalisa bulu tagalama, tama te Elisa pageba asali. Te sogo te sia gagawai wit togobo sogo, tama nedu bali du gide tau ebo sogo. Tama te hasia sogo augwaligo te nai bali du togwali, augwaligo te dwasianu bret skon nigainu. Tama tibo bodolu sogo, te bidi Elisa pageba asali, te bidi agai te me badu te sia gagawai wit selasa asai, tama te augwaligo te togwali sia gagawai nai witgo nigai bret agai te bidi sese deli tama selama, tama aga begba bulama, sela asai. Tama Elisago te aga sę ebo bidibolo e tiwai po tama wali, “Te nai te profet bidi dabe mao,” wali.

Te Israel me Juda Hani Sigo Tuni Bidigo Po Elalubo Buku Si 4:42 Referans Kwoze

1 Samuel 9:7

Tama Solgo te sę bidibolo te po wai, “Tiali goli, te da agaba pobaso da, te dago agabolo wiegi yai homu ilabo nai me deli magi pabo usu yaibao. Tiali goli, dago nai silama, te beg olo elalubao. Dago agaba magi nai mabo usu egowe?”

Dwagi Yai Gesi Po Jongo Asęani 6:13

Tama tialima, augwaligo te tulama, me badu munalubo nai dabe sisinama, tama augwaligo bonou wa nogo si olama, sągą badu si pągąwai. Te a naga bali bret tego bidi augwali nai tuali usu yalima, tama me badu munaluai, te nai augwaligo te bonou wade ma buai.

Dwagi Yai Gesi Po Jongo Asęani 6:9

“Ogwa me deli ede bidibao, te ogwa agai a naga bret dali sųgų si dali munalubo. Te bret te bali plauago nigai. Tiali digi, te naigo e genuai we bidi hani usu egobeo,” Andrugo te po wai.

Te Israel me Juda Hani Sigo Tuni Bidigo Po Elalubo Buku Si 7:1

Tama te moni nasi ebo sogode Elisago te po wei ponoyu, e tama wali, “Mu tama dao, odao. Genuai Bidigo te po wai, ‘Do tama tibo sogo bodolude, te we bidi dabe augwali te taun sunumi pąde elalubo maket teba peyu, tama augwaligo te 3 kilogram te witgo nigai dwagi yai plaua abeligi paibao, me te 6 kilogram rais bali, te podolai monego abeligi paibao’ tama wali.” Elisago te po wali.

1 Samuel 9:4

Tialima, augwali hogodama, te Efraimgo bage buluba pali, tama te Salisago tǫ pedaiba pali, tiali goli, augwaligo me sube. Tama tibaso, augwali te Salimgo tǫ pedaiba pali, tiali goli, te donki dabe tede me bidalubeo. Nosali augwali te Benjamin hanigo tǫba pai, tiali goli, augwali sigo te donki dabe tede me subeo. Mu menio.

1 Korin 9:11

Tialima, dago te Godigo po dagebolo pusubo sę yali, te dago te dagego homu noma bidi mobo tomode te ge bulali tiwai yai. Tama tibaso, dagego dabolo te tigi tau sabo nai naga mobaso, te dolo dawe ma meniwe? Te dobu si ebode te dage sǫą paliwe? Te meni.

Te Israel me Juda Hani Sigo Tuni Bidigo Po Elalubo Buku Si 4:38

Israel bulude te dwai bodolu sogo me deli pedalali. Tama te we bidi dabe augwaligo tuabo nai mu menia sali. Tama te sogo Elisa aga te Gilgal hanuba tama ma geasa pelama, bidigi pai. Me sogo bodolude deli sogo, me badu profet bidi dabe augwali te Elisa pageba asama, agade skul olama, kolesaga sali. Tama augwali dugulama, tama te Elisago po odoyu bidali. Tama Elisago aga sę ebo bidibolo e tiwai po wai, “Genuai mouwa dage kenage sospen selama, tama te profet bage tuabo nai dali, te keba me, te sup ulao,” wali.

Bomai Po 32:14

Augwaligo kau kibu dabe, me meme kibu dabego ame pę hauwa augwaligo sali. Tama augwaligo kau kibu, me sipsip kibu, me meme kibu dabe moni bage mu nisali. Tama augwaligo wit me wain dabe wiegi yai mu holali.”

Bomai Po 12:6

Tama te pesagede dagego te duga te haniani ofa iyąo. Te da, te isigo sese dela silibo te ofa, me te gasa meba ofa dabe tama yao. Tama dagego te nai dabe sese nogo si dobola silama, tama nogo si olama, deli Godibolo mao. Dagego te nai bugwai me deli te lotu wabo pesageba sesao. Tama me dagego meba gasa nai dabe Genuai Bidibolo mawainogo ebo, te nai dabe me seselama, tama me dagego dąų wali te poba usu nabo te ofa yabo nai dabe, me te duga homugo maiabo homu ebo, te ofa yabo nai, me te kau kibugo hasia ame nani te kibu gǫų dabe me, te tigidali tama seselama, ofa igi pao.

Bomai Po 8:8

Te bulude te nai wit elaluyu, me bali, me wain ni du, me ni fik du, me pomigranet ni du, me ni oliv du, me pusai bunu ge te hani elaluyu ebo bulu dao.

Ma Dobola Sali 23:16

“Tama dagego te wit tau yali gagalama hasia bolo nai sabo sogo, tama dagego enabolo usu da po weyu, tama wiegi yai homu te nai tuyu yabo, te sogo genuai bodolu muao.” “Tama dagego te genuai side te poluade te nedu du tau ebo sogo, te me bodolu muiąo. Tama te sogo dagego te wain gide te wain du siyu, osogo bidabo dwasianu be sęnama, tama te bede bidiyu, te wain me, oliv ni du dabe me, te gide siąo.”

Galesia 6:6

Te Godigo po odali bidi agai aga wiegi yai nai tigidali togolama, tama te Godigo po ola mabo bidibolo dobayao.

Te Israel me Juda Hani Sigo Tuni Bidigo Po Elalubo Buku Deli 14:3

“Tama nago te nogo si bret name sobadi, te me badu bisket dabe sao, tama me te kanama bunugo ąį tabiali sospen genagi deli selama, tama nago te nai dabe selama, aga magi pao,” wali. “Tama eno homugo nago agabolo hanalu wao, te magi nai mugo te dadi sigo wai tigide pedelaibawe po wao,” wali. “Tama agai te po bage agai nagebolo ola mawaibao,” wali.

Te Israel me Juda Hani Sigo Tuni Bidigo Po Elalubo Buku Si 5:5

Awe, kingo agabolo e tiwai po tama ola mani, “Eno pas me deli asęnama, te Israel bidigo king bidiba tolaibao. Te pas eno nagebolo menama, tama nago sela pelama, agabolo magi pagameo,” wali. Tama kingo pas asęnama, te Namanbolo mawai, tama Namango te 300,000 silva mone sobadi, tama me te gol te sęgę bidi sese sela 60 kilogram gol sobadi, me te nogo si dwagi yai au ebo bulubo ugwa sobadi elama, tama aga hodaluama, te Samaria buluba pai.

Israel Hanigo Namba 18:12

“Te meba gasa Israel dabego te tigidali hasia podolali nai wiegi yai oliv wel, me wain, me wit deli deli kibu bede enabolo mabo dao. Tama eno te nai dabe dagebolo mawaibao.

Israel Hanigo Namba 18:13

Te hasia tau yali nai dabe te Israel dabego enabolo maiabo nai, te dagego dao. Te tigidali dage hani we bidi eno gedude wiegi yai dao, te augwaligo selama tumainao.