Te Israel me Juda Hani Sigo Tuni Bidigo Po Elalubo Buku Si 4:20 - Godigo dwagi yai po buku

²⁰ Tama aga te sę ebo bidigo te wai auwasa peyu, aga ida pageba tagaligi pali. Tama te wai aga ida sągą pagede godege pila mudubadi, te giliga dolo dolagasu, te belo waboba usu nigi pai, tama te wai aga isali.

Te Israel me Juda Hani Sigo Tuni Bidigo Po Elalubo Buku Si 4:20 Referans Kwoze

Dwagi Yai Gesi Po Lukgo Asęani 7:12

Te be naniba sabaligi pobadi, te isai bidi me deli te pubaligi peyu tolasa soabo sualio. Te isali bidi wilawe wego ogwa deli digi tama pubaligi su sobaso, aga ida me we bidi me hauwa wali asali.

Dwagi Yai Gesi Po Jongo Asęani 11:14

Tama tibaso, Jisasgo augwalibolo hanilama, te po wai, “Lasarus mu isalio,” te po wai.

Dwagi Yai Gesi Po Jongo Asęani 11:5

Jisasgo te Marta dali, aga ama dali, Lasarus dali augwali Jisasgo godolo mu yai goli,

Dwagi Yai Gesi Po Jongo Asęani 11:3

Tama tibaso, aga abe sigo Jisas bidibo digi po ola tolai. Augwali sigo te po wai, “Genuai Bidi, nago godolo mu yali bidi aga gasi salio,” te po wai.

Dwagi Yai Gesi Po Lukgo Asęani 2:35

Tama tibaso, we bidi hauwago geme dualaluali homu te pebeli diliba pedelaibao. Tiali goli nage da, te bainat hwą ge tiwai me deli elalu, te nago hoboludu togwalubo tiwai ebaso, te homu dene tiwai yaibao,” Simeongo te po wali.

Aisaia 66:13

Te eno dage bugagia mu tonalu, te idago aga wai bǫų bugagia tonalubo tiwai eyu, te aga waigo haliga dua nagame ilibo po wabo tiwai yaibao. Dage te Jerusalemde bidiyu, te duga haliga nagame elama bidaibao.

Aisaia 49:15

Tiali goli, Genuai Bidigo augwaligo po wei ponoyu, te tiwai po wali, “Te idago aga digi ame nai wai homu kone ebo tagalama, te agai aga te ame mani wai homu dene ebo meni da, agawe? Te ida me deligo tama me tiabo homu yali goli, eno dage homu kone palobo me tagalogobeo. Mu menio.

Te Israel me Juda Hani Sigo Tuni Bidigo Po Elalubo Buku Deli 17:17

Tialima, nosali te wego te wai gasi sali. Tama te wai gasi genuai mu elama, tama te wai isali.

Tigidali Nai Gagalama Nigali Side 37:5

Tama me sogo deli te Josepgo na elama, tama agai te na yali te aga ama dede dali pusali. Tama augwaligo odama, tama augwaligo homu dwai mu elaluali. Magi baso meni,

Tigidali Nai Gagalama Nigali Side 37:3

Israelgo te Josepde wiegi yai homu pemene mu ebo tiwai te aga gasa ogomani dali wiegi yai homu ebo tiwai me ebeo, magi baso meni, idago te Israel monu dabe ebo sogo Josep ame nani. Tama agai te wiegi yai au yai ugwa nigilama, tama agai te Josepbolo mawai.

Tigidali Nai Gagalama Nigali Side 22:2

Tialima, Godigo te po wali, “Nago ogwa deli digi te elalubao, Aisak, tama nago aga godolo mu ebao. Nago te wai odasa, nage te Moria te pedai badu pao. Te eno bulu du me deli nagebolo ola mawaibao. Tama te bulu dude nago te Aisak enabolo ofa mayu, te augwaligo ofa eyu, te siago domainu ulubo tiwai yao,” wali.

Te Israel me Juda Hani Sigo Tuni Bidigo Po Elalubo Buku Si 4:19

Te waigo augwali sę eyu bidibadi, te augwali tonono bilali, polo tama agai aga ayabolo i weyu, e tiwai wali, “E, aya, eno tobolude dene dwai mu ebo. Dene me elalubo.” Tibaso, aga ayago te aga sę bidi me delibolo wali, “E wai aga ida pageba auwasa pao,” wali.

Te Israel me Juda Hani Sigo Tuni Bidigo Po Elalubo Buku Si 4:21

Awe, tama aga idago te wai tola selama, te Elisa pibo be, te augwa be pedude, te habuba tolasa holama, te bet saiba mugiluama, tama aga ida buluba teda solama, tama tų paliali.