Te Israel me Juda Hani Sigo Tuni Bidigo Po Elalubo Buku Si 3:9 - Godigo dwagi yai po buku

⁹ Awe, tama te king Joram badi, te Juda bidi dabego king bidi badi, me te Idom bidi dabego king bidi badi elama, te augwa ami bidi dabe me selama, tama augwali pali. Tama te tų te bobobage tų mu tama augwali pedubadi yaide, te Sadede deli mu silai, tama teyu te augwaligo wę sia sali. Tama tialima, te ami bidi dabe me, me te walu sela pabo donki kibu dabe me, tama te augwali tuabo wę sia sali.

Te Israel me Juda Hani Sigo Tuni Bidigo Po Elalubo Buku Si 3:9 Referans Kwoze

Te Israel me Juda Hani Sigo Tuni Bidigo Po Elalubo Buku Deli 22:47

Te sogo te tǫ kantri pedai Idom te king elalubeo. Te Juda kingo naga te bidi dąį ilama, te Idom dabe tonalumainu yalio.

Te Israel me Juda Hani Sigo Tuni Bidigo Po Elalubo Buku Deli 22:27

Tama nago eno te po augwali siba mao, ‘Eno homugo dage sigo te bidi kalabusiba ma mumainu homu ebao. Te aga dwasianu tubo nai bret me wę naga mao, tama te boi hwįbo silama, ena ma asobo siba usu nao,’ te po wao,” wali.

Te Israel Tobolu Bidi Dabe 4:10

Barakgo te Sebulungo hani me, te Naptaligo hani me i olama, tama te Kedes hanuba pali, tama te bidi sese umabo 10,000 bidi te aga wali pai.

Israel Hanigo Namba 33:14

Tama augwali Alus taga pelama, tama augwali te bulu Refidimba sabolama, pesage nigigi pali. Te bulu Refidim te tuabo wę meni yai bulu dao.

Israel Hanigo Namba 21:5

Tama augwaligo Godibolo me Moses dali augwaligo wado po wali. Augwaligo e tama po wali, “Magi baso dagego da Isipde oda selama, e nai meni yai buluba odasa asaliwe? Da te nai meni yai kemi sane bulude isimainu yaliwe? Te bulude nai mu menio. Tama dago te dwai nai mana da, dago hagela mu yalio,” te po wai.

Israel Hanigo Namba 20:4

Magi baso nago da e wa pai buluba odasa asaliwe? Nago homugo da me dago hasa dabe e bulude isimainogo yaliwe?

Israel Hanigo Namba 20:2

Te bulude wę mu meni yai. Tama tibaso, te we bidi augwali Moses de Aron si pageba sisinigi pali.

Ma Dobola Sali 17:1

Tigidali Israel we bidigo te wa pai bulu Sen tagalai. Genuai Bidigo te po obaso da, teda augwaligo te bidali bulu me tagalama, tama gasa buluba pelama, bidigi pidu geai. Tama nosali augwali te bulu Refidim teba pedelama, tede te bidabo pesage nigai, tiali goli te bulude te tuabo wę menio.

Ma Dobola Sali 15:22

Nosali Mosesgo Israel dabe augwali te mama tamu wę tagalama odasa pali, tama augwali te wa pai ni meni yai bulu Sur tedu pai. Tama augwali sela sogo te wa pai nai meni yai buludu pai, tama augwaligo wę me subeo.

Ma Dobola Sali 11:8

Tama Mosesgo te po ma wai, “Tama tuni bidi, nage dali, gavman sę ebo bidi dabe, dage tigidali aselama, tama enaba kidu sugunama, po bomonama weyu, te po waibao, ‘Nage pao. Nage naga we bidi hani dali, polo pao.’ Te sę tigidali pedela silama, tama nosali eno te Isip taga paibao.” Tama Moses sębę mu elama, tama agai te tuni bidi tagala buluba soai.

Te Israel me Juda Hani Sigo Tuni Bidigo Po Elalubo Buku Si 3:1

Te Jehosafat te Juda tǫde te king bidi nigila bidiyu, te kibu be 18 wagi solama kibu be pai, te Joram, Ahapgo ogwa, te Joram aga te Israel bage tonaluabo king bidi nigilama bidai, tama aga te Samaria bulude king nigilama bidali, me te kibu be nogo si olama, te sągągo si, 12 kibu be pai.

Te Israel me Juda Hani Sigo Tuni Bidigo Po Elalubo Buku Si 3:7

Tama Joramgo te Juda bidi dabego king bidi Jehosafatbolo po ola tolali, Judago king o, e tama tiwai dao, “Te Moap bulu king bidigo ena dali hagoma ebo. Tama tibaso, eno homugo eno aga dali hwįgi paibao. Tama nage ena dali paibawe, o ma meniwe?” te po hanalu wali. Tama Jehosafat agai te po wei ponoyu, e tiwai tama wali, “Ena te nage dali muna selama paibao,” wali, “tialima ena tonalu bidibao, te naga homugo mena sogo pobaso da, teda ena asaibao. Tama te eno ami soldia bidi me, te eno hos kibu me, eno te nage tau sabo dodo bage dola selama bidibao,” wali.

Te Israel me Juda Hani Sigo Tuni Bidigo Po Elalubo Buku Si 3:8

“Tialima, da mena tųdu tama da paibawe?” wali. Tama Joramgo te po wei ponoyu, e tiwai po tama wai, “Tama da te wa pai buludu te Idom bulu tųdu paibao,” wali.

Te Israel me Juda Hani Sigo Tuni Bidigo Po Elalubo Buku Si 3:10

Tama te king Joram agai e tiwai po tama wai, “Homu dene mu ebao, God Genuai Bidi aga digi da sela king bidi dabe sisinama, tama agai da sela bidi te Moap bidi dabego king bidi nogoba mubo yabao,” wali.

Te Israel me Juda Hani Sigo Tuni Bidigo Po Elalubo Buku Si 8:20

Te sogo te Jehoram te Juda hanigo king bidi nigilama, bidali sogo, te Idom hani augwaligo te po sela sąbo kolesaga genuai mu eyu, tama augwali te Juda hanigo king bidi dologode me bidibeo. Mu meni. Augwa digi augwa king dali dąį ilama, tama augwa te kingo augwa tedali tonaluali.

Te Israel me Juda Hani Sigo Tuni Bidigo Po Elalubo Buku Deli 22:48

King Jehosafatgo po obaso, te sę bidi dabego genuai sip te tǫ kantri Ofirba gol sigi pabo sip dabe nigali. Tiali goli, augwali pabeo, magi baso meni, te sip dabe te saut badu tamu ąį nambisde elaluali taun Esiongeberde dolali.