Te Israel me Juda Hani Sigo Tuni Bidigo Po Elalubo Buku Si 3:15 - Godigo dwagi yai po buku

¹⁵ “Awe, eno homugo megi te dagego pelama, te gita gagali ebo bidi, me ma te musik gagali ebo konea pai bidi mu me deli odasa asao,” wali. Awe, tama augwaligo te gita gagali ebo bidi odasa asali, tama te bidigo te gita gagali ebo side, te Genuai Bidi Godigo bomo te Elisaba asali.

Te Israel me Juda Hani Sigo Tuni Bidigo Po Elalubo Buku Si 3:15 Referans Kwoze

1 Samuel 16:23

Tialima, Devit Sol dali bidali. Tama Godigo te dwai haubo mobo te Solba tagala palobo sogo da, teda Devitgo te musik eliyu yai. Tama Solgo te musik elibo odobo sogo, teda te dwai haubo mobogo te Sol tagalubaso, tama aga homu kolesaga wiegi yai ma pedaliyu, tama aga usu ma eyu yai dao.

Esekiel 1:3

Ena Esekiel, ena te pris Busigo ogwa da, ena te tǫ kantri Babilonde bidali, te ąį Kebar pąde da, tama enaba te Godigo po wabo eno odama, te Godigo bomo enaba asida walio.

1 Samuel 10:5

“Tama nosali nage te Godigo bulu du te taun Gibea te Filistia dabego ami bidi dabe bidalubo madi teba pao. Tama nage te taun pąba pabo sogo, te nago profet hani me deli augwa te bulu dude te alta tagalama, tama aiyaba dulubadi, te gesabidi deliba ununaibao. Tama augwaligo te tobage gita me, tamborin dabe me, ona elebo me, te tiwai eyu, tama te profetgo kolesaga ebo gilama, te Godigo po pususu paibao.

Te Israel me Juda Hani Sigo Tuni Bidigo Po Elalubo Buku Deli 18:46

Tama Genuai Bidigo bomo Elaijaba pedelai. Te Elaija aga name ugwa bugagia dąų olama, te Ahapgo karis pabodu aga polasa uda yali. Aga te tiwai udada pidubadi, augwali si te Jesrilba sabolali.

Godigo Sęba Tagala Palai Bidigo Po 11:21

Tama te Genuai Bidigo bomo augwali dali hodobo bidama, tama umabo we bidi augwaligo Jisasba augwa homu mu muani, kolesaga begelama, Genuai Bidigo po wali pabo gagalali.

Esekiel 8:1

Te 6 wabo kibu bede da te Babilon tǫ kantride kalabus bidali sogo, te polua 6 wabo, te dei namba 5 wabo side, ena te ena bede dugulalu bididubadi, te Juda tobolu bidi dabe ena dali dugayagaselama bidali. Te da bidaludubadi, te God Genuai Bidigo bomo enaba asalio.

Esekiel 3:22

Ena te bulude bididubadi, tama te Genuai Bidigo bomo enaba asida walio. Tama agai enabolo te tama po wali, “Nage hogodama, nage te odogo buluba pao,” wali. “Nage teba sabalobo si da, teda eno po nage dali waibao.”

Esekiel 3:14

Tama Godigo Mobo Noma Bidigo ena ugaba sagoa selama, te ena tolasa palio. Te Godigo genuai bomo enaba pedelama, te ena dwai dene ebaso, ena sębę eyu palio.

1 Samuel 18:10

Te nosali side Genuai Bidigo te dwai mobo haubo me deli te Sol aga bede bidibadi te agaba tagala palali. Tama deli sogo polo tama, te dwai mobo haubogo te Solgo homu kolesaga tonaluagaselama, tama Solgo te i ola biliyu, te esela pabo bidi mu tiwai ilali. Te sogo Devitgo te agai gita elibo sę iduali, te aga tigidali sogo ebo tiwai gilama yali. Tama Solgo aga sesemone ene tolalu,

1 Samuel 16:16

Tama nago homu usu da wida, teda da pelama, te string elalubo musik elibo bugagia mu koneai bidi me deli gegi paibao. Tama Godigo nageba te dwai haubo mobo tagala palubo sogo da, teda te bidigo te musik elibo si, tama nago homu kolesaga te wiegi yai ma pedaligi soaibao,” wali.

Te Israel me Juda Hani Sigo Tuni Bidigo Po Elalubo Buku Si 3:16

Tama Elisago agai po pusuyu, e tiwai po tama wali, “Genuai Bidigo te po wai, polobadu te wę soali silide, te dagego te wę soabo madigi te umabo ąį sabo tǫ dedage nigao wali, tiali goli te megi da, te ąį te sula sali dao, wali.

Godigo Nogi Ugwaba Sabo Tęąbi Po Wabo Buku Dabe 49:4

Eno po digi po begelama, hasia meba pusaibao. Tama eno dwagi yai tęąbi gita dali elama, tama dagebolo te po begelama wali po page pusaibao.