Te Israel me Juda Hani Sigo Tuni Bidigo Po Elalubo Buku Si 24:14 - Godigo dwagi yai po buku

¹⁴ Tama te king Nebukatnesar agai te tigidali te Jerusalem bulude bidali we bidi dabe tigidali me, me te tigidali gavman ofisa bidi dabe me, tama me te boma pai ami soldia bidi dabe me, te we bidi dabe tigidali, te 10,000 usu bidi dabe agai selasa, te Babilon buluba pai. Tama me te agai te tigidali bidi dabe te haniani nai dabe nigibo konea pai bidi naga selama, tama me te ain nigibo konea pai bidi dabe me, agai selasa pali. Tama agai te bidi dabe augwali tigidali te Babilon taun buluba odasa pelama, te kalabus iligi pali. Tama agai e tama tiali, te tigidali te haniani nai dabe mu meni yai bidi dabe naga tagalama, te Juda hani augwa bulude bidibadi taga soali.

Te Israel me Juda Hani Sigo Tuni Bidigo Po Elalubo Buku Si 24:14 Referans Kwoze

Jeremaia 52:28

Te Nebukatnesargo kalabus igibu sela pali we bidi namba, e tiwai dao. Te kibu be 7 aga king bidali sogo, agai te 3,023 Juda we bidi sela pai dao.

Te Israel me Juda Hani Sigo Tuni Bidigo Po Elalubo Buku Si 25:12

Tialima, me badu Juda hani we bidi dabe augwali te me badu te tigidali doado bage dabe meni yai we bidi dabe, tama te augwali te bidi Nebusaradango augwali tagalama, tama augwali bidaluyu, tama augwaligo te wain gi dabe me, me te gasa gasa gi dabe me augwaligo tonaluali.

Te Israel me Juda Hani Sigo Tuni Bidigo Po Elalubo Buku Si 24:16

Te king Nebukatnesargo agai te tigidali te Juda hanigo bomai ami soldia bidi dabe naga selasa pali, te bidi dabego namba usu te 7,000. Tama me te haniani nai dabe nigibo konea pali bidi me, tama me te haniani nai te ain dabe nigibo konea pai bidi dabe me naga, agai te augwali umabo mu sali. Te bidi dabe augwaligo namba te 1,000 usu da. Te tigidali bidi dabe, tama te bidi dabe augwali te ami soldia bidi dabe nigilama, sę yabo boma pai bidi naga mu.

Jeremaia 52:16

Tialima, meba Juda te tigidali nai mu sǫą paibaso, augwali bidalumainogo tagalama, te wain gi dabe me gasa gi dabe tonalumainogo yai dao.

Jeremaia 40:7

Te Juda ami bidi meba dali, te augwa ofisa dabe me, augwali te tǫ kantri pedai mebade bidali. Augwaligo te tiwai po odali, Babilon kingo Gedalia te Juda tǫde polalubo gavman dąį ilama, bidibao wali, tama agai te magi walu doado bage meni yai bidi dabe, te Babilonba kalabus sela pisąwani bidi dabe tonalubo sę ebo dao wai.

Jeremaia 39:10

Tama agai te doado bage meni yai bidi dabe naga te Juda tǫde bidimainogo yalio. Te tǫ mu meni yai we bidi dabe, me agai wain gi dabe, me te gasa gi dabe te augwaliba mawai dao.

Esekiel 17:14

Te Babilon king bidigo tama po wali, te gesi kingo te dąų wali bomai po wali pisąma, te aga tǫ kantri bomai ma pedalubo sę elama, te Babilon dali ma boi hwįainu ebaso da, teda Babilon kingo te genuai bidi dabe dolaibao.

Jeremaia 29:2

Jeremaiago te pas asęna tolali sogo, te Babilon dabe te Jerusalemba aselama, te king Jehoiakin dali, te genuai we bidi hani dabe, te augwali Babilonba odasa pali sogo te pas asęai. Augwaligo te king me aga ida dali sobadi, te aga bede bidali ofisa dabe, me te Juda tobolu bidi dabe, me te Jerusalem tobolu bidi, me te tobage wiegi yai nai dabe nigibo koneai bidi dabe, te selasa pai dao.

Matyu 1:11

Tama Josaia aga ogwa Jekonia te aga ama dede dali dao. Te sogo, te augwali bidibadi, te boi bidi dabe augwaligo te Israel dabe aiyaba elaluama, tama augwali te Babilon buluba kalabus sę emainogo sela pali.

Matyu 1:12

Te augwali Babilon buluba kalabus egi pai, tialima Jekonia aga ogwa Sealtiel. Tama Sealtiel aga ogwa Serubabel.

Matyu 1:17

Tama te tiwai nedada pelama, tama Abrahamgo hani tigidalide gagalasa aselama Devitgo haniba sabolali, te nogo si olama sągą badu me si me si hani dao. Tama tigidali Devitgo hanide gagalama asali augwali te Babilon buluba kalabus egi pali sogo, te me te nogo si olama sągągo me si me si hani dao. Tama augwali Babilonba kalabus egi pali sogo, te Godigo sa muani bidi Krais pedalabo sogo me, te hani tigidali me te nogo si olama sągągo me si me si hani bidi dao.

Bomai Po 28:36

“Tama Genuai Bidigo dagego tuni bidi king me, dage me, duga wąį dabe augwali polobadu me pisąma yai kantriba odasa paibao. Tama dage te bulude bidiyu, tama augwaligo tibo godiba dagego lotu waibao, te augwaligo nigo me masigigo nigai godiba lotu po waibao.

1 Samuel 13:19

Te sogo te Israel tǫ pedai bidi me deligo te nai dabe te aingo me nigisiąwai, magi baso meni, te Filistia dabego homugo tiali, tiyu te Hibru dabego te bainat me sesemone nigidali homu yai. Tama tibaso, augwaligo te Israel dabebolo te nai dabe nigilamu po olama, habu selali.

Esra 2:1

Te Israel dabe hauwago te Babilon tǫ pedai tagalama, tama Jerusalemba ma pali, tama te gasa Juda pedai badu me pai, tama augwa hanigo page buluba palio. Te Israel dabe te Babilonde sesabi mu elama, bobobage sogo mu bidalio, te king Nebukatnesargo bidali sogo te Juda haniba hwįgi pelama, tama we bidi hauwa kalabus elama, tama augwali te Babilonba sela pai dao.

Esta 2:6

Polobadu te Babilon tǫ gavman tuni bidi king Nebukatnesargo te Juda gavman tuni bidi Jehoiakin me, te Juda dabe meba dali selama, tama augwali te tǫ Babilon teba kalabus igi pai. Tama agai te Mordekai augwali dali sela pai.

Aisaia 3:2

Agai te hwįbo bomai bidi dabe, me olo ami bidi dabe, me po tų odobo bidi dabe, me profet bidi dabe, me sogo yesi bidi dabe, me hanude genuai bidi dabe, agai sela sąwaibao.

Tuni Bidi Dabego Po Elalubo Buku Deli 9:1

Augwaligo te Israel hani dabe tigidali nogi sisinani. Tama te nogi sisinama asęani buku nogi augwaligo e tama nogi ebo da, Te Israel Dabego King Dabego Po Buku wabo dao. Te Israel augwali te tǫ kantri Judade bidalu, te God tudiba muani, tama tibaso agai te Babilon dabego te augwali sagaselama, te tǫ kantri Babilonba kalabus sela pomainogo ilalio.

Nehemia 1:2

Tama te sogo Hanani, te eno ama me deli, te hani bage me deli dali, augwa te Juda tǫ taga soyu, tama digibulu aselama, te Susa taunba sabolali. Eno augwali sisinama, tama eno augwaliba te tama po hanalu wali, “Eno te Juda hani dabe meba te kalabus yagasali pesage, e Babilon bulu tagalama, te Jerusalemba ma pali bagede, te po eno koneainogo hanalu obao,” wali. “Te augwali bugagia bidibawe, ma meniwe? Tama te taun Jerusalem me, te bugagia elalubawe, ma meniwe?” Eno te po te bidi si hanalu wali.

Jeremaia 28:4

Tama me eno te king Jehoiakin saibao, te Jehoiakimgo ogwa, te gasa Juda dabe te Babilonba kalabus igi pali bage me selama, tama eno augwali ma odasa asaibao. Magi baso meni, eno te Babilon kingo dage mageba muani ni nami pedai togwa sąwaibao. Ena Genuai Bidi, eno te po wai dao,’” te bidi Hananiago te po wali.

Esekiel 17:3

“Ena God Genuai Bidigo po te augwaliba mao. Te moni dobo dwai ba kemodage me deli bidali, aga boma pai bogo da, te bobobage mu elama, te aga nisi da, te dodobolo pai hauwa elalu, te sawi yai mu da. Aga te Lebanon bulu du dabeba bola pelama, tama agai te dwagi yai ni sida tobolu bubu me deli toga sigi palio.