Te Israel me Juda Hani Sigo Tuni Bidigo Po Elalubo Buku Si 24:11 - Godigo dwagi yai po buku

¹¹ Te Babilon ami soldia bidi dabe augwaligo te Jerusalem bulu taun bologobealudubadi yaide, tama te king Nebukatnesar aga digi aga ami soldia bidi dabe dali aga aselama, bidalubo suali.

Te Israel me Juda Hani Sigo Tuni Bidigo Po Elalubo Buku Si 24:11 Referans Kwoze

Te Israel me Juda Hani Sigo Tuni Bidigo Po Elalubo Buku Si 24:10

Tama te king Jehoiakin aga te king bidi bidibo sogo, tama te Nebukatnesar aga sę ebo gavman ofisa bidi dabe meba augwaligo te Babilon ami soldia bidi dabe siyu elama, tama te augwali asama, te Jerusalem bulu taun bobegela sagaselama, tama augwaligo te boi hwįnama, te Jerusalem taun sainu yali.

Te Israel me Juda Hani Sigo Tuni Bidigo Po Elalubo Buku Si 24:12

Tama te king Jehoiakingo sualima, te king Nebukatnesar aga ami soldia bidi dabe dali asama bidibo suali, tama tialima, te king Jehoiakin ebadi, te aga ida ebadi, tama me te aga gavman ofisa bidi me, me te augwa genuai bidi dabe me, tama me te kingo be tonalubo bidi dabe me, augwali tigidali te taun tagalama, buluba pelama, te king Nebukatnesar dali sisinama, tama augwaligo Nebukatnesarbolo te po wali, “Tama dago homugo te boi ma hwįgobeo,” wali. Tama tialima, te king Nebukatnesargo te king Jehoiakin aga kalabusiba muani. Tama te sę yali sogo, te king Nebukatnesar agai kibu be te 8 kibu be te Babilon bulude king bidai.

Esekiel 17:12

“Te po sela sąnama, hagoma ebo bidi dabeba hanalu wao, augwaligo te po page koneaniwe, ma meniwe? Te po page e tiwai da. Babilon king te Jerusalemba aselama, tama agai te Juda king dali, te ami ofisa bidi dabe dali selama, te Babilonba kalabus sela pai dao. Aga da te hasia asali ba kemodage tiwai dao.

Esekiel 19:8

Te tigidali pąde elaluali tǫ kantri pedai bidi dabego te hasa laion dali boi hwįagasali. Augwaligo te ba bono mubo wa munama, aga tola salio.

Aisaia 29:3

Eno boi bidi dabe odasa aselama, nage bagua sagasomainu yaibao. Tama augwaligo pu diganama, nago obo pąde munama, te tǫ unana pelama, te pągąwai, te daide doligiluama, tama augwali nage dali hwįabo yali gilama.

Aisaia 36:17

Te dage bugagia bididubadi, te ena ma asiyu, te dage gasa bulu kantriba selasa peyu, te duga bulu tǫ kantri tiwai buluba paibao. Te bulu kantride te wain gi, me bret nigibo wit gi, te hauwa elalubo dao,” te po wai.