Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Si 23:8 - Godigo dwagi yai po buku

8 Te Juda hanigo bulu tomode te tigidali taun bulude te pris bidi dabego te tibo godiba ofa nai ula mabo bulu du alta sai, te king Josaiago sela sąsą pela silali. Agai te alta dolobo sę te taun Geba te taun te not badu da, te taundu gagalama, te saut badu te taun Bersebaba usu nigi pali. Tama agai te augwaligo te lotu po wabo pesage te tigidali bidi dabe gedude meda mu ilali. Tama agai te pris bidi dabe selama, tama te Jerusalem taunba odasa asali. Tama me te agai te Josuago beba pabo tų pąde dolo elaluali alta sai me dolali. Tama te bidi Josua te aga te Jerusalem taun tonalubo namba wan gavman tobolu bidi deli da. Tama te bidi agai te tų nigali, te pobase nogo badu nigilama, te Jerusalem taun tomoba pabo genuai tų pedai badu nigai.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Si 23:8
13 Referans Kwoze  

Tama nosali te king Asago agai te tigidali Juda hani bidi dabebolo agai po ola tolama, “Dage te Rama hanu taunba pao,” wali. Tama augwali pelama, tama te king Basago tigidali te masigi me, te ni name me, Basa agai te sisinani doado bage te Juda dabe augwaligo sali. Tama te Basago te hanu taun obo dąų wabo sę yainu yali nai augwaligo selama, tama augwaligo tolasa pali. Tama te king Asa agai te aga Mispa hanu taun obo me, me te Benjamingo hanigo tǫde elalubo hanu taun Geba taun obo me, tama te king Asa agai te taun sigo obo dąų walobo sę yai.


Te Benjamingo hanigo te hanu me si me si augwaliba mani, Gibeon me Geba,


Te Jerusalem pąde elalubo tǫ da, te doloba pai tǫ malu pedelaibao, te taun Geba te not badu gagalasa te pali, te taun Rimon te Jerusalem te sautba usu naibao. Te Jerusalem taun naga te bulu du me deli ugadu daide elalueibao. Te Jerusalem bagulali obo banis te polobadu elaluali tiwai dąįba usu naibao. Te Benjamingo taun sunumide gagalasa pelama, te Dagebadu Sunumiba te dąį usu naibao, te pesagede polobadu sunumi deli elaluali. Tama te dąį Hananelgo Tauade gagalasa pali, te kingo wain nigali pesageba usu nigi paibao.


Augwali aiya dulama, wę odogo nogegi pali. Tama augwali ugwaba holama, hanu Gebaba pigi pali. Te Rama hanu we bidi wi genuai mu eyu, midigi sali. Tama te hanu Gibea, te tuni bidi Solgo hanu, augwali hanu tagalama, wi pepelawali.


Tama te Israel dabego te Benjamin hanigo tǫde elaluali taun meba mawai. Te taun dabego nogi e tama da, Geba, me Alemet, me Anatot. Tama augwaligo te wiegi yai nosai elalubo tǫ dali mawai. Augwaligo te 13 te tama taun tigidali te Arongo hani dabeba mawai dao.


Elaijago te po odama, te aga wi elama, wi palio. Agai aga sę bidi selama, augwali si pelama, te Berseba te Juda tǫ kantri buluba saboligi pai. Elaijago aga sę bidi te bulude bididubadi taga pelama,


Te Israel bage tigidaligo te Livai bidigo wede po odama, tama augwali te deli hani tiwai naga aselama, tama augwali te Genuai Bidi gedude te Mispa buluba sisinagasali. Augwali te tǫ pedai tigidali badu te Dango tǫ pedai te not badu gagalasa asali, tama te saut te Berseba teba usu nigi pali, tama te Gileat tǫ pedai bage te giliga pedalubo badu augwali me asalio.


Aisak aga tede bidali taga peyu, te aga te Berseba teba sabolali.


Augwa si te bulude po minama, dąų wai. Tama tibaso, te bulu nogi augwaligo Berseba nogi poai dao.


Do kigamu mu te Abrahamgo te nai dali, te wę botol dali sisi elama, tama Hagarbolo mani. Abrahamgo te nai dabe te Hagar nageba anugulama, tama aga dali aga ogwa dali si ibaba olo tagala palali, gasaba. Tialima, Hagar palima, te Berseba tǫ pedai badu subigila te bidi bidisiąwai madi biliduai.


Genuai Bidigo enabolo e tama po walali, “Te Israel dabe augwaligo ena tudi ola mani sogo te Livai dabe augwaligo ena tagalama, tama augwaligo tibo god dabeba lotu po wai dao. Tama augwaligo te we bidi te tibo god dabeba lotu omainu tau sai dao. Tama te kolesagago te we bidigo homu hogodolama, tama augwali dwai kolesaga yai dao. Tama tialima, ena God Genuai Bidi eno mu po mu e obao, eno te Livai dabe dene mawaibao, augwaligo te dene dali sęgę dali tolaibao. Megi eno te Livai dabe augwali pris sę emainu me sula tagalogobeo. Augwali ena pageba me, ma eno tedali gasagi yai nai mu dabe pageba augwali asomainu me sula tagalogobeo. Eno augwali pris sę idali weyu habu selebao. Tama augwaligo augwa damua pai kolesagade hale dwai mu yaibao. Tiali goli, eno augwali eno tempel be sunumi dabe tonalubo sę emainu sa muaibao. Tama me te tempel be tomode meba sę dabe emainu sa muaibao. Tama me augwaligo isigo mu dela silabo ofa yabo hasa dabe eleyu, me te we bidi dabego sesebo ofa ebo nai dabe meba augwaligo eleyu emainao. Tama augwaligo we bidi lotu wabode tau siyu emainao,” te po wali.


Kefar Amoni, Opni, Geba, te 12 hanu dabe, te pąde bulu dabe dali elaluali.


Dage te gasa tǫ kantri taun Berseba iba pelama, lotu me wagi pelamuo. Dagego ena te Betelde gegebo sę me elamuo, magi baso meni, te taun da mu dolaibao. Dage te u taun Gilgalba pelama, lotu me olamuo, magi baso meni, te Gilgal we bidi augwali gudulama, te gasa buluba kalabus paibao,” wali.


Swiv nou:

Piblisite


Piblisite