Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Si 23:10 - Godigo dwagi yai po buku

10 Te king Josaia agai te augwaligo te lotu wabo pesage nogi te Tofet wabo pesage te agai dolali, te bulu te Hinom bulu odogode elaluai dao, tama te bulu me te bidi dabego gedude meda mu ilali. Tama tibaso, te bidi dabe augwaligo augwa te buluba nosali ma begasa pelama, tama te augwaligo augwa wai bǫų elama, te tibo god Molekba te ofa nai tiwai gilama me augwaligo ula magi pogobe.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Si 23:10
24 Referans Kwoze  

Augwaligo te Asiria tuni bidi ulabo isi tǫ dedage polo dodolama, elalubo. Augwaligo te tǫ dedage genuai mu elama, tama aiyanu mu dulai mu nigali, tama augwaligo isi dabe hauwa mu polo sela muani. Tama Genuai Bidi agai mobogo pona palebo si da, te polo tama isi bogoli dala saibao. Magi baso meni. Genuai Bidigo mobo te posolai isi tiwai dao.


Tama tialima, ena Genuai Bidi, eno te po obao, nosali munu me augwaligo te bulu pesage nogi ma wagobeo, Tofet, ma Odogo Bulu Hinom me wagobeo. Menio. Augwa te tiwai nogi yaibao, te bidi hauwa ela muai bulu dao, po waibao.’”


“Odao, ena duga Genuai Bidi eno dagebolo te duga wai dabe elama, te isiba ulama, te tibo god Molekba ofa ebo habu selama, te po eno dageba bomai po obao. Tiyu, dagego eno nogi aiyaba elaluidalio, te dagego God dao,” wali.


Tama augwaligo te tibo god Balba lotu wabo pesage te odogo bulu Hinomde nigai. Tama augwa wai dabe digi te tibo god Molekba ofa ilali. Tiali goli, eno augwalibolo te kolesaga yao po me wabeo. Tama me eno te tobage bomo yai po augwaliba maiabo homu munu me ebeo. Eno homugo augwaligo te kugumini yai kolesagago te Juda dabe hodolama, te dwai sę emainogo ilibo te eno hagela homu ebo dao,” wali.


tama te Hinomgo ogwago te odogo tǫ tedu wali pelama, te Jebusgo bulu du te a badu sabolali. Te Jerusalem te badu elaluali. Tama dąį pidubadi geanima, te bulu duba sabolali, tama te giliga dega sigi pabo badu te Hinomgo malu elaluali, te badu dąį igi pali. Te dąį yali te Refaim dabego te tǫ odogo sesege badu tede elaluali.


Dagego duga wai bǫų dabe elama, te iside te alta saide me ulamuo. Tama me dagego duga hani we bidi te sogo yesi bidi nigiyu, me esela bidi nigiyu, me kebele aubo sę eyu, me pobi mubo sę eyu, me te ho po wabo sę dabe me emainogo sula tagalamuo, me dagego te isai bidi noma dali po me olamuo.


Tiali goli megi eno po dagebolo obao: Tama bidi mego aga ama dali sębę eyu da, te bidi aga po tuba odasa paibao, tama dene saibao. Tama bidi mego aga ama dali dwai po obaso da, teda te bidi aga te polalubo kaunsil bidibo digiba pelama, po tų emainogo yao. Tama bidi mego aga ama dali nogi posobo po weyu, nage sę isiąbo homu meni yai dwai bidi dao weyu da, teda te bidi aga te dwai madigi sia dabo dene sabo buluba paibao.


Dagego te tibo god dabeba ofa ebo sę me idubao. Dagego me te duga wai dabe elama, augwaliba ofa ebo dao. Te tebo kolesagade dage eno gedude meda yai mu pedelebao. Tialima, dage Israel hale dwasianu me isąma, te eno mena homu elalubo te hania koneainu dage enaba asobo sę idubao. Tiali goli, dage odolali asobao. Ena God Genuai Bidi, ena sesemane sogo bidaibao, eno po dolo mu megi dagebolo obao, eno dagego hanalu wali po deli wei me ponogobeo,” wali.


Te eno augwa te tibo god dabeba ofa emainu sula tagalu, te augwa eno gedude meda pedalubo sę ilali. Te augwa gomunai ogwa dabe te tibo godiba ofa tiwai yainu te elebo eno sula tagalali. Te augwa tama sę emainu eno sula tagalali, magi baso meni, augwa te tebo kolesagade te augwa dwai noma siyu, hagela mu yabo sę eno digi ilali. Te augwa te tiwai bugagia koneama, ena digi ena Genuai Bidi da omainu yai dao,” wali.


tama nage te we dwai mu pedelabo homu yali. Tialima, nago eno wai dabe ela munama, tama augwali te tibo god dabeba ofa tiwai yali dao.


“Tama dage te Odogo Bulu Pesage te Hinomba dulao, te Jerusalem moni obo sunumi pąde augwa te nogi e tiwai waibao, te Sospen Sene Dabe Alua Pai Sunumi Dao wali. Tama nago eno po e tama pusao,


Tama aga te Hinomgo odogo malu buluba pelama, tama aga ogwa wai dabe elama, tama augwali te isigo dela silibo te ofa tiwai ulali silali, te aga tibo godiba ofa tama yali. Tama agai isai bidi noma dabeba aga tau somainu i wali, tama agai sogo yesi bidi dabe me pobi bidi dabebolo aga tau somainogo hanalu wali. Tama agai yesi bubo sę haniani hauwa mu yali. Manase agai Genuai Bidigo gedude agai sęgę hauwa mu tolama yali. Tama agai te dwai kolesaga dabego Genuai Bidi sębę geninama mu emainu ilali.


Tama aga te Hinom Dabego Odogo Malu buluba pelama, agai wiegi yai denami hano holobo pauda te buluba ofa igi pelama uligi peyu yali. Tama me agai dwai kolesaga mu iyu yali. Agai aga ogwa wai dabe elama, tama aga tibo godiba te isigo mu dela silibo ofa uligi peyu yali. Agai te tǫde polobadu bidali dwai we bidigo dwai kolesaga wali pali. Tiali goli Genuai Bidigo augwali sela sąnama, tama Genuai Bidigo te tǫ te Israel dabebolo mawai dao, polobadu.


Tama agai te aga ogwa elama, tama agai aga te wai te siaba sese ula palali, te ofa nai ulubo tiwai gilama yali. Tama agai te polobadu isali bidi isi bidigo aga tau somainu i wali, tama agai me te sogo yesi bidi me hanalu wali, tama te bidi dabe augwaligo aga tau somainu, tama agai te haniani kolesaga umabo mu yali. Manase agai te Genuai Bidi gedude sęgę sabo kolesaga genuai mu sęgę sali. Tama agai tama tibo dwai kolesaga ebaso, tama te Genuai Bidigo te king Manase dali sębę genuai mu yali.


Tama augwa wai bǫų dabe elama, tama augwaligo te wai dabego tigi te siaba munama, augwa tibo godiba te ofa nai tiwai gilama olo mani. Tama augwali me badu te sogo yesi bidi pageba pali, me badu te we bidi dabego te isai we bidigo isi bidi dali po mibo we bidi dabe pageba pali, tama augwaligo te hani augwalibolo augwali tau somainu hanalu wali. Te Israel hani dabe augwaligo deli homu naga yali, tama teyu, augwaligo dwai kolesaga me edu bidali. Tama Genuai Bidigo augwaligo te kolesaga me ebo sulama, tama agai augwalibolo agai wado ela mani.


Meni. Agai te dwai kolesaga naga yali, te Israel hanigo king bidi dabego yali kolesaga tiwai naga yali. Tama me te agai te dwai kolesaga naga mu yali. Tama tiyu, te aga wai bǫų me elama, te tibo godiba ofa nai tiwai ula mayu, te siaba tigidali mu sese ulali. Tama agai dwai kolesaga mu wali pai polobadu te tǫde bidali Israel hani isąwai we bidigo yali kolesaga wali pali. Tiali goli, Genuai Bidigo augwali sela sąnama, tama te tǫ te Israel hani augwalibolo mani, polobadu.


Agai te Moap dabego te kugumini yai tibo god te Kemosba lotu wabo pesage me deli nigali. Te bulu te Jerusalem giliga pedalubo badu te bulu du bagede elaluai. Tama agai te Amon dabego kugumini yai god te Molekba lotu wabo pesage me deli nigali.


Tama te dulali te bulu du dolalubo sesege badu te Hinomgo ogwago tǫ malu elalubo pąba pedelali. Te bulu du te not badu te Refaim dabego malu tǫ sesege badu elaluali. Tama dąį pali te saut badu te Hinomgo tǫ malu bolama, tama te Jebus dabego dwasianu bulu du togolama, tama palima, te Enrogel te pedai badu dąį igi pali.


Te duga haligade dwai homugo te bomonama hodolobaso, te genuai ni dologo te lotu wabo pesageba pelama, te penani ebo kolesaga ebao. Dagego te duga wai puluba dabe elama, te ofa tiwai eyu, te odogo tǫ pesagede te genuai masigi elalubo tomode ulubo dao.


‘Eno te tiwai yaibao, magi baso meni, te eno we bidi dabego ena tudiba munama, tama augwa te gasa tibo god dabeba te wiegi yai denami ilibo hano ebo ofa ebao. Te we bidi augwa digi, me te augwa wąį nǫų dabego me, te Juda king dabego me, te god polobadu me konebeo. Tiali goli, megi augwaligo te god dabeba lotu weyu ebao, tama tebo kolesagade augwaligo te pesage dwai meda mu eno gedude ilibao. Tama me, te augwaligo magi sęgę meni yai bidi hauwa ela muyu, tama augwaligo kaneme te pesagede geą sąbo dao.


me te Sanoa, me Adulam, me te taun pąde elalubo bulu dabede bidai. Tama meba te taun Lakisde bidai, tama augwa te Lakis pąde elalubo tǫde bidai. Tama meba te taun Asekade bidali, tama te pąde elalubo bulu dabede bidai. Tama te Juda dabe te Bersebade bidali, te saut badu, te Berseba tomode elalubo taun tomode bidai, tama te odogo tǫ bulu te Hinom te not badu me bidai dao.


Swiv nou:

Piblisite


Piblisite