Te Israel me Juda Hani Sigo Tuni Bidigo Po Elalubo Buku Si 20:5 - Godigo dwagi yai po buku

⁵ “Nage ma geasa pelama, te king Hesekia sugi pao, te king te eno hani we bidigo king bidi dao,” wali, “tama agabolo e tama po wao, ena God dao, aga wąį nǫų Devitgo Genuai Bidi, eno agai gedu haluasa po wali eno odalio, tama aga moni gela wabo sualio,” wali. “Tama tibaso, eno aga ma wiegi yai ma ilibao,” wali. “Tama duba te aga te eno lotu beba ma pelama, te ena dolo lotu po waibao,” wali.

Te Israel me Juda Hani Sigo Tuni Bidigo Po Elalubo Buku Si 20:5 Referans Kwoze

1 Samuel 9:16

“Do te tama tobage tebo sogo, te eno te Benjamin hani bidi me deli te nageba tagala palaibao,” wali. “Tama nago aga toboluba te wel geliyu, te aga te eno we bidi Israel dabego king bidi pedalumainu ilao. Eno suali, te Filistia dabego genuai sęgę me, dene me, te tigidali Israel dabeba mobaso, tama te Israel dabego enaba gela weyu, te eno augwali tau sao po wabo odali. Tama tibaso, te bidigo augwali tau siyu, tama te Filistia dabego bomode bidalubo te ma dobola somainu yaibao,” wali.

Aisaia 38:5

“Nago Hesekiabolo te tiwai po wagi pao, ena Genuai Bidi, te aga bulai wai Devitgo God, eno agai gedu haluasa po wali odolama, te aga gela genuagia wabo sualio. Tama tialima, eno aga te kibu be nogo si olama, sągągo a naga bidimainu yaibao wai dao.

Godigo Nogi Ugwaba Sabo Tęąbi Po Wabo Buku Dabe 39:12

Genuai Bidi, nago eno gedu haluasa po odao. Nago te eno i waboba olo bugagia muao. Te eno nageba i wabo sogo, nago olo pania selamuo. Nago koneani, ena te dwasianu sogo nage dali te tǫde bidaibao. Ena te ena wąį nǫų dabe tobage tiwai dao, augwali me te pęwadage sogo naga te tǫde bidai dao.

Te Israel me Juda Hani Sigo Tuni Bidigo Po Elalubo Buku Si 19:20

Awe, te profet Aisaia, aga aya nogi Amos, te Aisaiago te king Hesekia e tama po ola tolali, “God, Israel hani dena Genuai Bidigo, e tama po walio, agai te nago gedu haluasa po wali te agai odalio.

Godigo Nogi Ugwaba Sabo Tęąbi Po Wabo Buku Dabe 126:5

Te gela wabo sę eyu, te nai bulali bidi dabe, te augwa wiegi yai pemene elama, te inayu tau yali nai nosali saibao.

Godigo Nogi Ugwaba Sabo Tęąbi Po Wabo Buku Dabe 147:3

Te dwai sęgęgo te augwali homu dolama, te augwa dwai dene ebo we bidi dabe, te agai usu ma ilibo dao. Tama agai te augwaligo keni sįsįbo dao.

Godigo Nogi Ugwaba Sabo Tęąbi Po Wabo Buku Dabe 56:8

Nago ena te sęgę toliyu, tama ena te dwai dene me eyu, tama ena te gela udubo te nago koneai. Tialima, nago tede homu konealu elama, tama te naga bukude te nago asęai dao.

Kraisgo Geme Dualali Sę Pedelabo Po Jonbolo Ola Mani 7:17

Magi baso meni, te genuai tuni bidi duabo nai gesabide bidibo kibu sipsip wai, te aga digi agai augwali tonalubo bidi bidaibao, te kibu sipsip tonalubo bidi agai aga sipsip dabe tonalubo gilama tiwaibao. Tama agai augwali te ąį ulu pedalobo digi odasa pelama, tama augwaligo te bidabo ula yabo ąį saibao. Tama Godigo augwaligo gedude gela wali gedu ąį hola sabaso, tama augwali gela ma wagobeo,” te polalubo tobolu bidigo enabolo te po wai.

Dwagi Yai Gesi Po Jongo Asęani 5:14

Nosali Jisasgo te bidi te Moni Lotu Be tempel tomode ma sulama, te po wai, “Odaliwe? Megi da nage usu yali dao. Nago dwai sę dabe ebo tagalao. Tiyu moni sęgę nageba pedalabuo,” Jisasgo te bidibolo te po wai.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Matyu 22:32

‘Ena da, te Abrahamgo God me, ena te Aisakgo God me, ena te Jekopgo God me bidalubo dao,’ Godigo te po wai. Tama te po page e dao, God aga te isila silali bidi dabego God menio. Aga te ula dali megi bidibo bidi dabego God dao,” Jisasgo te po wai.

Ma Dobola Sali 15:26

Tama Godigo augwalibolo te po wai, “Dagego eno po bugagia odao, te dagego God Genuai Bidi, tama te sę dabe ena digi te dwagi yai sę da homu ebo, tama dagego eno bomo yai po tigidali wali piąo. Dagego tama tibaso da, teda eno dagebolo te haniani dwai gasi te Isip we bidi augwalibolo yali te tiwai dagebolo me magobeo. Ena digi ena te Genuai Bidi dao. Tama eno naga te dagego gasi dabe usu ma ilibo dao,” wali.

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

Hibru 2:10

God aga te tigidali nai nigai bidi, tama agai tigidali nai bugagia bidimainogo tonalubo dao. Tama agai homugo aga wai puluba hauwa te dagaluba odasa pelama, tama bugagia mu aga dali bidimainogo yai. Tama tiyu, agai dene Jisasba pedalobo gogolali, tama te dene yaligo te Jisas te we bidi augwali hasia mu polasa pabo augwali ma sali bidi usu mu ilali. Godigo te kolesaga yaligo, te dolo mu yai.

Godigo Nogi Ugwaba Sabo Tęąbi Po Wabo Buku Dabe 65:2

Nago dago gedu haluasa po wabo odobo dao. Tama tibaso, da tigidali we bidi te nageba asobao.

Aisaia 55:3

“Odao, dage eno we bidi dabe dao. Dage bugagia bidimainu eyu, enaba asiąo. Te eno dage dali bomo yai po dąų walama, tama te dąų wali bomai po sesemane elalueibao. Te sesemane sogo eno dage godolo homu mu elama, te dageba wiegi yai sę yaibao. Te polobadu eno te bomo yai po te king Devitba dąų wali tiwai gilama yaibao wali.

Aisaia 38:22

Tama me, te sogo me Hesekiago Aisaiabolo te tiwai po hanalu wai dao, “Genuai Bidigo te magi dąį ilibo sę enabolo ola mayu, te ena agai beba lotu ma wagasomainu egowe?” wali.

2 Samuel 5:2

Polobadu, Sol te king bidali sogo, tialima naga digi te da Israel ami bidi dabe tonalu, tama augwali te hwįbo madiba odasa peyu yai. Tama Genuai Bidigo nageba weyu, te aga we bidi dabe da tonalubo bidi nage pedelama, tama nage dago king pedelaiba po wai dao,” augwaligo te po wai.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Tuni Bidi Dabego Po Elalubo Buku Si 34:3

Te Josaia aga king bidibadi kibu be te 8 kibu be wabode, agai kibu be 15 elaluali, agai aga wąį king Devitgo Godiba lotu po wabo gagalali. Tama aga king bidibadi 12 kibu be ebode, agai tigidali sę bidi dabebolo olama, tigidali Juda me Jerusalem buluba pelama, augwali bolo tibo godiba lotu po wabo pesage, me god we Aserago piksa noma, me gasa tibo god piksa augwaligo nogogo nigai ni god, me aingo nigai god doligi pao po wali.

Tuni Bidi Dabego Po Elalubo Buku Si 13:12

Tama megi da, dagego bugagia odao. God aga da te dago polalubo bidi dao. Tama agai pris bidi dabe da dali megi ede bidiyu, dage dali hwįainu biugel bu wabo e kegalubao. Dage Israel dabe, dago Genuai Bidi dago wąį dabego God dali hwįbo tagalao. Dagego munu me ugwa ela hologobeo. Mu menio,” te Juda dabego king Abiyago tama po wali.

Dwagi Yai Gesi Po Lukgo Asęani 18:10

Agai te po wali, “Te bidi si te Moni Lotu Be tempel be tomoba pali, Godibolo augwa po omainu yai. Te bidi me te Farisi hani bidi da. Bidi me, te gavman takis sabo bidi dao.

Te Israel me Juda Hani Sigo Tuni Bidigo Po Elalubo Buku Deli 9:3

Tama Genuai Bidigo agabolo te tama po wai, “Eno te nago te enaba wali gedu haluasa po dali, te nago bomonama hanalu wali po me, te odali. Tama eno nago te sę yani be sa muyu, te be te eno be elalueibao, tama sesemane sogo te we bidi augwali te ena pąba te beba asiyu yao po wai. Tama sesemane sogo eno te beba tonaludu, tama teba homu kone yaibao.

Te Israel me Juda Hani Sigo Tuni Bidigo Po Elalubo Buku Si 20:4

Tama te profet Aisaia aga te kingo be tagalama, tama aga pali. Tiali goli, aga te kingo te be obo sesege taga pisąbadi yaide, tama Genuai Bidigo agabolo po ma wali,

Godigo Nogi Ugwaba Sabo Tęąbi Po Wabo Buku Dabe 107:20

Aga digi po obaso, tama augwa tigi usu ma ilama, tama augwali te gų pagede ma dobola sai dao.

Ma Dobola Sali 3:7

Tama Genuai Bidigo aga dali te po wali, “Eno suali, augwaligo eno we bidi Isip bulude mu dolobao. Tama eno we bidi augwali ena i wabo sę ebao, te augwali dwai tonalubo bidigo nogode ma somainogo yai. Eno te i wabo odoyu, tama eno mu koneani, te augwali dene me te sęgę mu sabo dao.

Ma Dobola Sali 3:9

Mu tama, eno te Israel hani we bidigo gela odolama, eno suali, te Isip dabe augwaligo dwai kolesaga mu augwali dali ebo dao.

Te Israel me Juda Hani Sigo Tuni Bidigo Po Elalubo Buku Si 22:19

nago koneanio, te magi nai sę eno dagebolo olama, tama te Jerusalem dali, te Jerusalem taunde bidibo we bidi dabe augwali dali yabo sę po, eno e tama po obao, Jerusalem bulu dolaibao, tama te Jerusalem te olo bulu mu elaluaibao. Tama te gasa hani we bidi dabe augwaligo homugo te dwai po te augwa boi bidi dabe dali weyu, augwaligo e tama po waibao, “Dage te Jerusalem taun bulu dolali yali gilama dage me tama dolao,” waibao. Tialima, te king, nago te e tama po odobo sogo tama te nago hani we bidi dabe dali yabo sę po da, nage haliga begelama, tama te eno gedude naga digi aiyaba elaluali. Tama me te naga bulubo ugwa pisalama, tama gela weyu, tama ena i wai dao. Tama teyu, megi ena Genuai Bidi, eno po obao, eno nago i wabo odalio.

Godigo Nogi Ugwaba Sabo Tęąbi Po Wabo Buku Dabe 6:10

Te Godigo te boi bidi dabe aiyaba elaluama, tama augwali te sęgę toliyu, tama augwali hale mu yaibao. Tama polo tama augwali ma geasa wi peyu, augwali te noma siyu, umuna paibao.

Godigo Nogi Ugwaba Sabo Tęąbi Po Wabo Buku Dabe 34:18

God te sęgę elalubo we bidi dabe pąde bidaibao. Tama agai te we bidigo konealubo homu dąų wali te dolainu ebaso, te augwali tau sabo dao.

Godigo Nogi Ugwaba Sabo Tęąbi Po Wabo Buku Dabe 56:9

God, eno nage koneanio. Nago ena tau sainu yai. Tama tialima, nosali eno nageba gedu haluasa po waibao, te nago te boi bidi dabe pobebaso, tama augwali wi paibao.

Godigo Nogi Ugwaba Sabo Tęąbi Po Wabo Buku Dabe 65:3

Dago te dena yali dwai sęde homu kone palu tama tiali. Te dena dwai sęgo da aiyaba mu elaluali, tiali goli, dago koneani, te nago dago dwai sę te dagala sąwaibao wabo dao.

Godigo Nogi Ugwaba Sabo Tęąbi Po Wabo Buku Dabe 119:26

Eno tigidali kolesaga te po eno nage dali obadi, tama nago eno po wei ponai. Nago tigidali bomo yai po ola mawai.

Aisaia 19:22

Te mu tama, Genuai Bidigo Isip dabe dene mawaibao. Tiali goli, agai te ebo kolesagago da, teda augwaligo dwai kolesaga ebo dodolaibao. Tama augwali homu begelama, tama augwali agaba ma paibao. Tama agai augwaligo gedu haluasa po wabo odama, tama augwali bugagia tau saibao.