Te Israel me Juda Hani Sigo Tuni Bidigo Po Elalubo Buku Si 20:3 - Godigo dwagi yai po buku

³ “Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

Te Israel me Juda Hani Sigo Tuni Bidigo Po Elalubo Buku Si 20:3 Referans Kwoze

Nehemia 13:22

Tama nosali eno te Livai dabeba walali, te augwa digi te Godigo gedude wiegi yai pedalabo kolesaga wali pali, tama augwali te wiegi yai elama da, teda augwali pelama, te obo sunumiba tonalugi pelama, te bidi dabego augwa te Sabat side bomai po wali bugagia pomainu yai, te Godigo bodolu side, tama te gasa bidi dabego te taun tomoba nai sela asigio wali. God, nago te tigidali we bidi godolo mu elama, tama nago olo tau sabo wiegi yai kolesaga te augwaliba ebo dao. Tama tiyu, eno homugo nago eno te gasa wiegi yai kolesaga ebo me te homude koneama, tama nago te olo mu tau sabo wiegi yai kolesaga enaba yao.

Nehemia 13:14

Tama God, eno homugo nago eno te yali tigidali sę te nago be tonaluali, me te lotu wabo dodolobo sę yali kolesaga, te nago homugo konemainu yai. Eno homugo te eno wiegi yai sę yali po te nago naga bukude sela sągio.

Nehemia 5:19

“God, eno nageba hanalu obao, te nago homugo eno te we bidi dabe tau siyu, te wiegi yai sę dabe ebaso, tama nago enade wiegi yai sę ilao,” po walio.

Nehemia 13:31

Tama te ofa ulabo sia sigi pabo we bidi meba eno sa muani, tama eno te sela asabo sogo bodolu muna muna pali. Tama eno augwaliba te po me weyu, te augwaligo gide polasa tau yali nai, me te polasa tau yali nedu du me selama, tama te ofa tiwai selasa asao po weyu, te sę dodolali. Tama te God, nago eno te yali kolesaga tigidali homu kone palama, tama nago enaba bugai homu ilao.

Dwagi Yai Gesi Po Lukgo Asęani 1:6

Te bidi Sekaraia dali aga we dali si te God gedude dolasa bidiyu, te God tonaludubadi, te augwali sigo dwai sę me ebeo. Augwa si Godigo bomo yai po tigidali wali pidu digi, te Genuai Bidigo po dabe me tigidali wali palio, tama augwali sigo dwai sę me ebeo.

Te Israel me Juda Hani Sigo Tuni Bidigo Po Elalubo Buku Deli 8:61

Tiali goli, sesemane sogo dagego te dena Genuai Bidi, te Godiba naga homu kone paliyu, tama aga deli dologode naga bidao,” wali. “Tama dagego te tigidali bomai po me, agai po me, bomonama wali peyu, te dagego megi ebo tiwai gilama yao,” Solomongo augwalibolo te po wai.

2 Korin 1:12

Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.

Dwagi Yai Gesi Po Jongo Asęani 1:47

Jisasgo Nataniel aga pageba asobo suali. Tama Jisasgo te bidi dabebolo tama wali, “Suiąo. Te asobo bidi aga Israel bidi mu dao. Tibo po aga homude me elalubo meni.”

Jeremaia 4:2

“Te dagego wabo po dąų waliyu, te tama po obao, ‘Te sesemane sogo bidada pabo Genuai Bidigo nogide mu da,’ po wainogo eyu da, teda dagego mu po tama naga weyu, te wiegi yai doloba pai kolesaga wali peyu, te po wao. Te dagego tama tibaso da, teda gasa hani dabego enaba hanalu, te eno augwaliba wiegi yai sę ebaso, te augwaligo enaba genuai nogi mawaibao,” te po wai.

Aisaia 63:11

Tialima, nosali augwa te polobadu yali sogoba homu kone palali. Augwa te Moses me aga we bidi dabeba homu kone ma palama, augwa te tiwai po wai, “Te Genuai Bidi mena bidibawe? Polobadu agai te polalubo bidi aga we bidi dabe dali odasa asu, te tamu ąį nogeali Genuai Bidi mena bidibawe? Polobadu agai homu ogwa wai mobo te augwali dali bidimainu yai dao.

Aisaia 38:14

Ena dene genuai eyu, te ena gela weyu, i wali, eno gela wali te ba higo po wabo tiwai yai. Te eno dagaluba ugwa tonaludu, sesabia pai elaluai, te nago ena tau somainu yali, te ena gedu dene elama, te gedu ąį pągąna pai dao.”

Godigo Nogi Ugwaba Sabo Tęąbi Po Wabo Buku Dabe 145:18

Tigidali we bidigo homu agaba mu munama, i weyu da, teda aga augwali pąde bidibo dao.

Godigo Nogi Ugwaba Sabo Tęąbi Po Wabo Buku Dabe 119:49

Nago te naga sę bidi enabolo hasia mani, te dąų walali po nago ma koneao. Te tiali eno te pode konealubo po dąų wai dao.

Godigo Nogi Ugwaba Sabo Tęąbi Po Wabo Buku Dabe 102:9

Nago wado po genuai enade elalubaso, tama ena te sia keli naga tudu, tama gedu ąį gela guga te kapba tulaluama, tama eno tuyu ebo dao. Nago ena selama, tama ena meba me te pobele bage sąbo tiwai yalio.

Godigo Nogi Ugwaba Sabo Tęąbi Po Wabo Buku Dabe 89:50

Genuai Bidi, nago naga sę bidi, ena homu kone palao. Te bidi dabego enaba posobo po obao. Eno te gasa hani dabego te kęnę po wabo sęgę tolobo dao.

Godigo Nogi Ugwaba Sabo Tęąbi Po Wabo Buku Dabe 89:47

Genuai Bidi, iya, nago te pęwadage sogo naga bidabo bidiba homu kone palao. Nago da nigali, tiali goli da te isaibao. Nago odolali da nigali da, agawe?

Godigo Nogi Ugwaba Sabo Tęąbi Po Wabo Buku Dabe 32:2

Te Genuai Bidigo te po weyu, te bidigo sęgę megi me elalubeo po weyu, tama te bidigo te tibo po wabo kolesaga wali me pabe da po obaso da, teda aga wiegi yai homu pemene eyu, bugagia bidibao.

Godigo Nogi Ugwaba Sabo Tęąbi Po Wabo Buku Dabe 25:7

Genuai Bidi, nago eno dwai sęgę sali, me dwai sę yali kolesagade homu kone me palamuo, te ena gesi bidide te sę yali. Nage te da godolo ebo Genuai Bidi God dao, tama nage te sesemane wiegi yai elalubo da. Nago enade homu koneama, tama nago ena te olo mu tau sabo wiegi yai kolesaga yao.

Godigo Nogi Ugwaba Sabo Tęąbi Po Wabo Buku Dabe 6:6

Ena i udu udubadi genama, tama ena bomo tigidali sia salio. Tigidali sogo hulide te gedu gela giguai ąįgo te eno bet te gologo yai. Eno gela umabo mu udali digi, te eno tobolo ni het pilo te gela giguaigo gologo mu yai dao.

Jopgo Po Asęani Elalubo Buku 1:8

Tama Godigo aga hanaluyu, te po wali, “Nago eno sę ebo bidi me sualiwe, te Jop, ma meniwe? Jop aga te dwagi yai doloba pai bidi dao, eno gedude dwai sę me ebo menio. Agai ena dologode bidiyu, enade lotu po weyu ebo dao, tama eno tigidali po wali pabo dao. Agai dwai kolesaga mu hagela homu ebo dao. Te tǫde tigidali bulu badu te bidi tiwai menio,” wali.

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Tuni Bidi Dabego Po Elalubo Buku Si 16:9

Tigidali sogo Genuai Bidigo aga dologode elalubo bidi dabe naga bugagia tonalubo dao. Augwali menade tǫ dabede bidibo me tagala. Agai augwali tau selama augwali bomo ilibo dao. Tiali goli nago Siria king bidibolo nage tau somainogo hanalu wali da, teda te dwai kolesaga mu dao. Tama tialima nage dali te Juda dabe dage bugagia dua me bidigobeo, menio. Tigidali sogo boi bidi dabego dage dali boi hwįagasiyu yaibao,” wali.

Te Israel me Juda Hani Sigo Tuni Bidigo Po Elalubo Buku Deli 15:14

Te mu tama dao, te king bidi Asa agai te augwaligo te tibo god dolo lotu po wabo pesage munu me dolobe, tiali goli tigidali sogo agai te Genuai Bidi deli koneama, tama agai godolo mu eyu, tama aga te tigidali sogo te Genuai Bidi dologoba mu egi pai.

Te Israel me Juda Hani Sigo Tuni Bidigo Po Elalubo Buku Deli 11:4

Te aga monu dabe ebo sogo, aga te we dabego aga homu te tibo godiba kekasa pali. Tama tiyu, Solomongo te aga aya Devitgo kolesaga te tagalama, tama agai te aga Genuai Bidi wali mu me pabeo. Menio.

Te Israel me Juda Hani Sigo Tuni Bidigo Po Elalubo Buku Deli 3:6

Solomongo po wei ponoyu, te tama po wai, “Eno aya Devitgo te nage wali mu peyu, tama te wiegi yai doloba pai kolesaga yali, tama tiyu, sesemane sogo nago aga godolo mu elama, tama agaba wiegi yai sę bugagia mu yai. Tama megi me, nago te tiwai sę me idu, tama nago ena, te aga ogwago, te aga hasegelama, tama te king bidimainu ilama bidibo dao.

Te Israel me Juda Hani Sigo Tuni Bidigo Po Elalubo Buku Deli 2:4

Genuai Bidigo te bomai po me deli enaba dąų waliyu, tama enabolo te tiwai po wai, ‘Devit, te nago hani ogomanigo te sesemane sogo ena wali pabo bomo eyu, tama augwa homu sese teba muyu, tama eno gedude te bugagia dolo bilibaso da, teda sesemane sogo eno te nago hani me deli te Israelde king pedalumainogo ilaibao.’ Genuai Bidigo te tama po wai. Tama tialima, Solomon, nago agai po tigidali te bugagia wali peyu, tama agai te enaba dąų walali bomai po te togolidali weyu te tama tiao,” Devitgo te po wali.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Tigidali Nai Gagalama Nigali Side 8:1

Te Godigo Noa dali, te bulu uni hasa dabe dali me, te be pąde bidalubo hasa dabe me aga dali te sip tomode bidalubo, te Godigo homugo koneani. Tama tiyu, Godigo te wali te tǫ daide ugwadu bilimainu ilama, tama wę aiyaba kekasa dulubo gagalali.

Tigidali Nai Gagalama Nigali Side 5:24

Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo.

Tigidali Nai Gagalama Nigali Side 5:22

Tama Enok aga te God dali deli homu naga eyu bilali. Tama tiyu, aga te kibu be 300 ma bidibadi, tama aga te gasa ogwa wegi dabe me ame nai.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Te Israel me Juda Hani Sigo Tuni Bidigo Po Elalubo Buku Deli 9:4

Tama nagede, te nago ena deli naga homu konealu, tama doloba pai kolesagade biliyu, tama eno bomai po tigidali wali peyu, tama eno nagebolo wali sę po tigidali eyu, te naga aya Devitgo yali sę tiwai gilama yao po wai.

Te Israel me Juda Hani Sigo Tuni Bidigo Po Elalubo Buku Si 20:2

Tama te Hesekia agai te wali po odali, tama aga gesabidi te be habu dagaba gegi solama, tama agai e tama gedu haluasa po Genuai Bidibolo wali,

Te Israel me Juda Hani Sigo Tuni Bidigo Po Elalubo Buku Si 20:4

Tama te profet Aisaia aga te kingo be tagalama, tama aga pali. Tiali goli, aga te kingo te be obo sesege taga pisąbadi yaide, tama Genuai Bidigo agabolo po ma wali,

Godigo Nogi Ugwaba Sabo Tęąbi Po Wabo Buku Dabe 26:1

Genuai Bidi, nago ena doloba pai bidi nogi yao. Magi baso meni, eno te doloba pai kolesaga yali, tama eno konealubo homu nageba tigidali muani.

Godigo Nogi Ugwaba Sabo Tęąbi Po Wabo Buku Dabe 26:3

Magi baso meni, nago te olo tau sabo wiegi yai kolesaga enaba eyu, tama ena sesemane sogo dodolobo dao, tama nage te ena soabo madi sesemane poligi solama, tama nago ena me tagalubo menio.

Te Israel me Juda Hani Sigo Tuni Bidigo Po Elalubo Buku Deli 8:23

tama gedu haluasa po te tiwai wali, “God, Israelgo Genuai Bidio, te nage tiwai god me deli te dagalu ugwadu ma te tǫ aiyadu me bidibeo. Tama da te nago gedude bugagia bilibaso da, tama te dwai kolesaga me yabo homu isiąyu ebaso da, teda nago te naga sę ebo bage da dali te dąų wali bomai po te bugagia wali pomainu elama, tama sesemane sogo nago da godolo mu ebo dao.

Jopgo Po Asęani Elalubo Buku 4:6

Nage Godigo po wali peyu, tama agade lotu po weyu, tama aga dologode naga bidiyu eyu yaide, nago dwagi yai doloba pai kolesaga tigidali sogo eyu ebo da. Tama megi me nago agade homu dąų walama, tama agai nage ma tau somainu yao,” wali.

Jopgo Po Asęani Elalubo Buku 16:20

Te eno abagi dedego ena godolo isąmaiyu, ena dolobo. Tiali goli, eno Godibolo gela geninama wabo dao.

Godigo Nogi Ugwaba Sabo Tęąbi Po Wabo Buku Dabe 6:7

Ena gela udali madigi tama eno gedu bo dali, tama eno te nai dabe suabo usu meni yai, magi baso meni, eno boi bidi hauwa elalubao.

Godigo Nogi Ugwaba Sabo Tęąbi Po Wabo Buku Dabe 39:13

Nago enaba te dene mabo sę me elamuo. Enabolo sula tagalu, te ena haliga wiegi yai ma emainu yao. Tama nosali ena isibaso, te tǫ mu taga paibao.

Godigo Nogi Ugwaba Sabo Tęąbi Po Wabo Buku Dabe 119:26

Eno tigidali kolesaga te po eno nage dali obadi, tama nago eno po wei ponai. Nago tigidali bomo yai po ola mawai.

Amos 5:4

Te Genuai Bidigo Israel dabeba te tiwai po obao, “Dage isidali weyu, tama bidimainogo eyu, dage enaba geasa asiąo.