Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Si 2:23 - Godigo dwagi yai po buku

23 Tama nosali te Elisa Jeriko taun tagalama, tama te Betel buluba pali. Tama te umabo ogomani te taunde bidibo ogomani te taun bulu badu bidalubadi yaide, te augwaligo Elisa soabo suali, tama augwaligo te Elisa posoyu, e tiwai po olama, tama posoyu yai, “E, nage tobolu wane yai bidio, nage gedao,” wali, “nage te pesagede bidigio, nage gedao,” wali.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Si 2:23
34 Referans Kwoze  

Tiali goli te we bidigo te augwaliba tagala palali te bidi dabe posobo po weyu yali, tama augwaligo homugo tiali augwaligo po te olo nai tiwai dao homu yali. Tama augwaligo te profet dabe olo nai gagaliyu yali. Tama tibaso, Genuai Bidigo aga we bidi dabe hagela mu elama, tama augwali dali sębę genuai mu yali. Tama augwaligo agai augwalibolo tagala palainu ebo te dwai sę geda muabo usu egobeo.


Te bidi Jop agai po ma wadoliyu, e tama wali, “Megi da, te nai meni yai bidigo wai dabe aselama, ena posobo po weyu, gisugu mayu ebao. Augwa aya dabe te olo nai tiwai, te we bidi gedude nai mu meni yai bidai. Tama augwaligo dwagi yai sę me yabo usu yai meni. Tama eno te tama tiwai bidi dabe pelama, te eno yowi dabe tau selama, eno sipsip kibu dabe me tonalugi pa po wagobeo. Magi baso meni, augwaligo te sę ebo usugobeo.


Tega! Ena be nani dwasianu ogwa dabego ena posobo po olama, ena dolobo dao. Ena gasaba me hogodasa pabo si, augwaligo enabolo dwai po wabo.


Te bidi dabe augwaligo te hagoma eyu, te posobo po weyu ebo da, tama doloba pai bidi dabeba po dwai weyu ebo dao. Augwaligo tibo po naga wabo da. Nago augwali dolama, tama augwa pedauwali te mu pania somainu yao.


Tama te Godide konealubo po dąų wali we bidi meba te boi bidi dabe augwaligo te dwai posobo po sęgę siyu, tama augwali dodolama te dwai bįgo subigila elali, tama sengo augwali kęnama, tama augwali kalabusiba muyu yai dao.


Tama te Abraham tǫde bidali sogo te we Hagar aga ogwago te Sarago ogwa dali boi bidi homu eyu bidali. Awe, te tǫde kolesagade ame mani ogwa agai te Godigo Mobo Bidigo bomogo ame nani ogwa dali dwai homu eyu dene mani. Tama megi e sogo me te tǫde kolesaga wali pabo bage augwaligo te Kraisgo po wali pabo we bidi dali boi bidi homu ebo dao.


Nago te profet po e bulu Betelde pusubo te dago hagela homu ebao. Magi baso meni, kingo te pesagede lotu wabo dao. Tama ede elalubo lotu wabo be da, te tigidali Israel hanigo be dao,” te po wali.


Dage te gasa tǫ kantri taun Berseba iba pelama, lotu me wagi pelamuo. Dagego ena te Betelde gegebo sę me elamuo, magi baso meni, te taun da mu dolaibao. Dage te u taun Gilgalba pelama, lotu me olamuo, magi baso meni, te Gilgal we bidi augwali gudulama, te gasa buluba kalabus paibao,” wali.


God, Tigidali Bomo Elalubo Genuai Bidigo te tama po wali, “Dage Israel we bidi dabeo, tegoba, dage polo pepela yao. Dagego dwai sęgę sabo sę te lotu wabo pesage taun Betelba egi piąo. Te dage te lotu wabo pesage te taun Gilgalba pelama, te dwai sęgę sabo sę genuagia umabo sę egi piąo. Tama tiyu, tigidali sogo kigamude dagego te ofa yabo hasa dabe sela piąo. Te sela wabo sogo tigidali side, dagego te nogo si wali naide te me deli togolama, enaba mawainu sesao.


Eno te Israel dabeba augwa yali dwai sę wei ponobo sogo, teda eno te taun Betelgo alta sai dabe dolaibao. Tama eno te tigidali altade elalubo gąų yai nai kom dabe alueibao, tama te kom gąų dabe te tǫba tutula palaibao.


Dage te Betel dabe, dagego te dwai sę hauwa yali, tama duga te yali sęgo sęgę tiwai dageba pedelaibao,” wali. “Te hwįbo sogo, te augwaligo te Israel king ela munama, te mu isilaibao,” te po wai dao.


Te bulmakau gol Betelde elaluali te dolaibao, tama te taun Samariade bidali we bidi te augwali wi elama, te bulmakaude homu dene yaibao. Te tibo godide sę ebo we bidi, me pris dabe, augwali agade te homu dene eyu, gela waibao, magi baso meni, te Asiria dabego aga au dobage hųgia sąnama, te aga dolaibao.


“Dage Israel we bidi te penani we tiwai elama, tama dagego ena tagalalio. Tiali goli, tiyu dage te Juda we bidigo te tobage kolesaga tiwai igimio. Dage munu me te tibo lotu te Gilgalba ma te Betelba me wagi pelamuo. Dagego te tebo kolesagago te Betel te dwai pesage pedalubo tiwai ebao. Tama teyu, te eno be tiwai ąǫ me egobeo. Tama te bulu pesage side, dagego te po dąų walobo po te eno nogide me wagio, ‘Genuai Bidi te sesemane bidada pabo dao.’


Te wai pulubago nogąbo sia sisinibaso, tama te aya dabego sia nogoyu, tama ida dabego te bisket nigabo plaua begelaibao, tama augwa te bisket dabe te nogi ebo tibo god weba ofa ebao, te nogi Dagalude Kwin dao wali. Tama me, augwa te haniani godiba wain gelebo sę me ebo dao. Te tama tebo dwai kolesagade augwaligo te ena sębę ilainu ebo dao.


Te tigidali bidi dabego aga hasi me aiyaba elaluainu sę bomo yaibao. Te gesi ogomani wegi manigo te augwa bolo monu dabego po obaso, sela sąnama, dagą waibao. Tama dwai kolesaga homu pągąna pai bidi dabego te dwagi yai homu kolesaga yai bidi dabego po sela sąwaibao.


Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.


Te dago gesi bidi bidibo te sesabi elama, bobage sogo mu bidigobeo. Menio. Te olo nai tiwai elalubao. Tialima, dageba te nai dabego sęgę mobaso, te dagego homu hauwa igio. Tama dagego te duga tigiba dene mabo kolesaga wali pelamo dao.


Te wai dabego te homu kolesaga meni yai kolesaga dabe ebo dao. Tiali digi, nago te augwali keloago elibaso da, teda augwaligo te kolesaga tagalaibao.


Te naga waigo te wiegi yai kolesaga wali pomainu ola mao, tama aga te sunumidu bilidubadi, te aga monu dabe mu ebo sogoba usu naibao.


Dago te bidigo kolesaga sulama konebo dao, aga te wiegi yai doloba pai bidi, ma aga te dwai bidi, te kolesagade konebo dao. Tama te tobage kolesaga delide naga, dago me te wai dabego kolesaga me sulama konebo dao.


Tiali goli, te sęgęgo ena gegebo sogo, augwali sisinama, te wiegi yai homu pemene yai. Augwali sisinama, ena elaluainu yali. Te eno konesiąwani bidi meba, augwaligo enaba te dwai po kisilibo sę te toma me nabeo.


Hagar te Isip bulu we, agai te Abrahamgo ogwa me deli polobadu ame nani, te Ismael dao. Tama te genuai nai tuali sogode Sarago suali, te ogwa Ismaelgo agai waibolo dwai gisugu mabo suai.


Tama augwali si te po mimi pabo sę ela peyu pali, tibadi yaide, polo tama te isi bogoli te bidi si tomo agebelede isi bogoli pedalali. Te isi tomode augwali sigo tonobadi yaide, te kibu hosgo te ni namego sai yai madigi bidi dugabo karis kegasa asobo suai. Awe, tama tialima, te pobege ebo waligo te bidi Elaija te dagaluba selasa holali.


“Te bidigo tobolu nisi meniama wane paibaso da, teda aga eno gedude meda elalubeo. Menio. Aga wiegi yai bidi dao.


Awe, tama te ąį ma dwagi yai pedalali, tama te Elisago wali yali gilama, tama bidada asali yali gilama, tama megi eba usu nagasobao.


Genuai Bidi, eno nageba i wabo, te nago ena tau somainu obao. Nago ena te boi bidi dabego aiyaba elalumainu me igio. Tiali goli, te boi bidi dabe da, dolomainu yao. Augwali isimainu elama, tama augwa pedauwali te isibo bidi dabego pesagede pania sai elalumainu yao.


Tama Elaijago te aga sabi Elisabolo e tiwai po wai, “Nage ede tama bidiyu, tonaluao,” wai. “Magi baso meni, Genuai Bidigo ena Betel buluba pao wai,” wali. Tiali goli, Elisago e tiwai po wei ponani, “Genuai Bidi bidada peyu, bidada paibao. Te mu po dao. Tama te tiwai gilama, eno mu po tama obao, ena nage dali paibao,” wali. Tama tibaso, te augwali te Betel taunba talua si pai.


Genuai Bidio, nago ena homu bega siyu, te nago sę emainogo yali, tama eno nago te homu bega sabo po odali. Nago bomo mu ebaso, te eno nago po aiyaba elaluabo usu meni yai. Tama megi da, te tigidali we bidigo enabolo posobo po weyu, te augwaligo ena sesemane sogo gisugu mabo dao.


Tigidali sogo eno nago po pusubaso, nago enabolo te genuai po dagą weyu, te tiwai i omainogo yaibao, “Hwįbo pedelaibao. Dage dolaibao.” Te bidi dabego te po odolama, te augwaligo ena hale ilibo dwai po sesemane sogo udubo dao.


Swiv nou:

Piblisite


Piblisite