Te Israel me Juda Hani Sigo Tuni Bidigo Po Elalubo Buku Si 2:21 - Godigo dwagi yai po buku

²¹ Tama te Elisa aga te ulu ąįba pelama, te ulu ąįba te tamu gelali, tama agai te po wai, “Genuai Bidi Godigo e tiwai po tama wai, ‘Ena Genuai Bidi, eno e wę ma dwagi yai ma ilibao. Tama te e węgo bidi te munu ma isibo sę egobeo, tama te we dabego polobadu yaliga te we dabego wai ame nabode te haligade genuai isąwai augwaligo ame neyu yai, te yali tiwai ma egobeo,’” wali.

Te Israel me Juda Hani Sigo Tuni Bidigo Po Elalubo Buku Si 2:21 Referans Kwoze

Te Israel me Juda Hani Sigo Tuni Bidigo Po Elalubo Buku Si 4:41

Awe, tama Elisago te po wali, “Te wit siago nigali te o gagawai plaua selasa asao,” wai. Augwaligo selasa pelama, tama Elisago agai te mouwa dage kenageba sąyani, tama te aga sę ebo bidibolo e tiwai po tama wali, “Tama te sup dwanai augwaligo pouba ma muao, tama te profet bagego tumainao.” Tama augwaligo tuali, tama te sup dwanai te augwaligo pedauwalide megi ma ha ebe.

Pris Sę Ebo Bomai Po 2:13

Te dagego wit ulubo ofa ebo side tigidali sogo tamu muao, magi baso meni, tamugo dagego te God dali dąų walali bomai po dąį ebo tiwai ebao. Te dagego te duga God dali dąų wali bomai po gegeda pidali weyu, te tigidali ofade dagego tamu naga mudao. Dagego te ofa me delide tamu mubo me gegeda paligio. Mu menio,” wali.

Kraisgo Geme Dualali Sę Pedelabo Po Jonbolo Ola Mani 21:4

Tama agai augwaligo gedude elalubo gedu ąį omainogo deli deli hola sąwaibao. Tama te we bidi dabe augwali ma isigobeo, tama augwali homu sęgę ma isiąma, tama augwali gela weyu dene eyu ma egobeo. Tama te polobadu elaluali kolesaga tigidali pela silai dao,” te po wai.

Dwagi Yai Gesi Po Jongo Asęani 9:6

Jisasgo te po olama, tama agai tǫba pesa sąwai. Tama pesa dali, tǫ dali piligai. Tama Jisasgo te tǫ selama, te bidi geduba pilali.

Te Israel me Juda Hani Sigo Tuni Bidigo Po Elalubo Buku Si 6:6

Tama Elisa, te Godigo profetgo, e tiwai po tama hanalu wali, “Te hwą menade tula paliwe?” Tama profetgo te Elisabolo te hwą tula pali pesage ola mani. Awe, tama Elisago ni nologo dwasianu toga selama, tama te węba sąyani, tama te hwą wędu aiyadu edaba pedalu gulama, ąį daide pilali.

Dwagi Yai Gesi Po Makgo Asęani 9:50

Tamu te wiegi yai nai dao. Tiali goli, te tamu te halia pobaso da, teda dagego mena tiwai ilama tama te tama ha ma elalugowe? Te usu egobeo. Te tamude elalubo tubo nai te pusu tiwai gilama, tama dage bugagia bidiąo, duga hasi nagamea homu eyu tama bugagia bidiąo,” Jisasgo te po wali.

Matyu 5:11

“Tama dagebolo sęgę mabo bidi dabe augwaligo suali dagego ena wali pabo subaso da, te augwaligo dage dali dwai posobo po weyu, tama dene mobadi augwaligo te kedu meni yai tibo po haniani weyu ebaso da, teda dage homu pemene wiegi yai yao.

Te Israel me Juda Hani Sigo Tuni Bidigo Po Elalubo Buku Si 2:20

Tama te Elisago augwalibolo e tiwai po tama wali, “Dage pelama, te gesi pou dis me deli selama, tama te poude te sol tamu munama, selasa asao,” wali. Awe, tama augwaligo te Elisago wali po wali pelama, tama tiali.

Te Israel me Juda Hani Sigo Tuni Bidigo Po Elalubo Buku Si 2:22

Awe, tama te ąį ma dwagi yai pedalali, tama te Elisago wali yali gilama, tama bidada asali yali gilama, tama megi eba usu nagasobao.