Te Israel me Juda Hani Sigo Tuni Bidigo Po Elalubo Buku Si 2:12 - Godigo dwagi yai po buku

¹² Elisago te Elaija pabo sulama, tama te Elisago agai i weyu, e tiwai tama wai, “Eno aya, eno aya. Nage bomai bidi mu dao, te Israel bage tau sali bidi mu dao. Tama nage te hauwa hwįbo nai te kibu hos me te karis, nage te tiwai dao,” wali. Elaija te dagaluba polo paide te Elisa agai munu ma sube, tama tibaso, te Elisa aga haligade moni homu sęgę mu eyu, te aga te bobobage bulubo ugwa tomode si peda sąyani. Te page e tiwai, aga homu dene ebo page ola mani.

Te Israel me Juda Hani Sigo Tuni Bidigo Po Elalubo Buku Si 2:12 Referans Kwoze

Te Israel me Juda Hani Sigo Tuni Bidigo Po Elalubo Buku Si 13:14

Te Jehoas aga king nigilama bidibo sogo, Elisa aga monu dabe bidiyu, tama aga gasi sali. Tama te pąde aga isabo ąǫ ebadi yaide, tama te king Jehoas aga pelama, sugi pali. Tama king Jehoasgo Elisa aga sulama, homu dene eyu, tama aga gela wali, tama agai agabolo e tama po wali, “Eno aya, eno aya, nage bomai bidi, nago da Israel tau sai bidi dao, nage da, te boma pai boi hwįbo hos kibu me, te karis nai me tiwai mu dao,” wali.

Kraisgo Geme Dualali Sę Pedelabo Po Jonbolo Ola Mani 11:12

Tama augwali sigo dagaludu po me wabo odali te po weyu, augwali si bomonama i wali, “Dage si eba eda holao,” wali. Tama te bidi si te pǫ me tomodu dagaluba holali, tama te boi bidi dabe augwaligo te bidi si pabo suai.

Efesus 4:8

Tama polobadu augwaligo Godigo po bukude te Krais agai yabo sęde e tobage po asęani, “Agai te genuai boi bidi hani nogo dunama, kalabuside muainu dagalu sigiba mu sela holai dao. Tama tilama agai wiegi yai nai dabe bidi dabebolo olo mani,” te po augwaligo polobadu asęani.

2 Korin 5:4

Awe, da e osogo bidabo ugwa bede me bidaludu, tama da sęgę siyu gela weyu bidibao. Te dago poloba tigi tagalainogo homu eyu me wabeo. Menio. Dago homugo dago gesi tigi mubode, te gesi ugwa tiwai elama, teda te isibo tigi te aga bidibo ula somainogo ebo dao.

2 Korin 5:2

Megi da e tǫde tigi elalubadi, te haniani sęgę toloyu, tama dago te hagela homu eyu me sogo gela weyu bidibao. Magi baso meni. Dago dena te dagalude elalubo be, te dago gesi tigi, tego te da tigi te gudubo ugwago mesega sabo tiwai emainu godolo ebo dao.

Godigo Sęba Tagala Palai Bidigo Po 8:2

Tama Jisas wali bugagia pabo bidi me badu augwaligo moni homu dene mu elama, diligi aselama, moni gela olama, Stiven pubaligi pali.

Godigo Sęba Tagala Palai Bidigo Po 1:9

Tama Jisasgo te po olama, Godigo aga te dagaluba odasa sai, te augwaligo tonalubadi. Tama aga hodaluama, pǫgo aga halua sagasali, te augwaligo aga ma subeo.

Dwagi Yai Gesi Po Jongo Asęani 3:13

Gasa bidi me te Godigo bidibo madigiba me holobeo. Ena da Godigo Bidi Mu da, tama ena naga te dagalu tagalama, e tǫba dulai, enaduba deli digio.

Dwagi Yai Gesi Po Lukgo Asęani 24:51

Tama agai te bidi dabebolo te po madubadi, tama Jisasgo augwali taga pai, tama Godigo Jisas dagaluba sela holai.

Dwagi Yai Gesi Po Lukgo Asęani 2:15

Te ensel dabe dagaluba ma pebelawaide, te sipsip tonalubo bagego te po wali, “Da Betlehemba pelama, megi Genuai Bidigo dabolo wali po page sugi pebelawaibao,” wali.

Dwagi Yai Gesi Po Makgo Asęani 16:19

Genuai Bidi Jisas agai po augwaliba pusa silama, tama Godigo aga selasa te dagaluba holai. Tama megi da, aga te Godigo dolo nogo badude dualalu bidibao.

Aisaia 37:21

Tialima, profet Aisaiago Hesekiaba te tiwai po ola tolali, “Genuai Bidi, da Israel dabego Godigo te po wai, nago agabolo hanalu, dage te Asiria king nogode ma sao po wali.

Aisaia 37:15

Tama Hesekiago gedu haluasa po Genuai Bidiba weyu, te tiwai wali,

Bugagia Bidibo Kolesagade Po Asęai Buku 30:4

De te dagaluba ugwa holama, te tǫba aiya ma dulaliwe? Tama dego te asobo wali te nogogo tola saliwe? Tama dego te pǫde wę muani, te bidigo nai me deli te name ugwade munama, tama halubo tiwai yaliwe? Dego te tǫ habu ununani tigidali dąų walama, tama megi tǫ elalubawe? Aga nogi, me aga ogwago nogi de dawe? Te nago koneba, agawe?”

Godigo Sęba Tagala Palai Bidigo Po 27:24

Tama agai enabolo tama wali, ‘Pol, nage wi egio. Nage te moni Rom gavman tobolu bidi agai gedude dolalu, naga po wao. Tama odao. God da, te dwagi yai bidi mu dao. Tama tibaso, Godigo nagebolo dwagi yai sę elama, tau selama, tama te moni gebade nage dali bidibo bidi me deli isigobeo,’ te ensel mobo bidigo enabolo tama wali.

Aisaia 37:4

Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.

Kolesaga Koneai Bidigo Pusali Po Elalubo Buku 7:19

Te taunde tobolu bidi nogo si elalubaso, augwaligo te taun bomo yai pedelabo tau somainu yaibao. Tialima, wiegi yai homu kolesagago te bidi me deli boma pai mu pedelama, te taungo tobolu bidi dabego bomo aiyaba elalubo usu yaibao.

Bugagia Bidibo Kolesagade Po Asęai Buku 11:11

Te doloba pai bidi dabego te augwa taun tomode wiegi yai kolesaga ebaso, te tebogo te taun wiegi yai pedelaibao. Tiali goli, te dwai kolesaga ebo bidi dabe, augwaligo te dwai po haniani weyu, tama tego te taun dolobo dao.

Jopgo Po Asęani Elalubo Buku 22:30

Tama Godigo gedude nage doloba pai bidi bidibaso, agai dwai sę ebo we bidi me hobede eyu, tama augwali ma saibao. Augwali hagagobeo.” Elifasgo te po wali.

Tigidali Nai Gagalama Nigali Side 37:34

Tama Jekopgo aga ugwa pisilama, tama agai te dwai olo ugwa te aga ogwade homu dene ebo te ola mayu ebo, te ugwa gudali. Tama agai te wai hagede gela wabo te sesabi elama, mu wai.

Te Israel me Juda Hani Sigo Tuni Bidigo Po Elalubo Buku Si 2:13

Te sogo te Elaija Godigo te dagaluba selasa holali sogo, te aga bobobage holobo ugwa te agai te tǫba tula palali. Awe, tama tibaso, Elisa agai te Elaijago te holobo ugwa selama, te Jordan ąįba geasa pelama, tama aga te Jordan ąį sanide dolaluali.

Te Israel me Juda Hani Sigo Tuni Bidigo Po Elalubo Buku Si 5:13

Awe, aga sę ebo bidi dabe augwaligo tama augwali aga pageba aselama, te po wai, “Genuai bidi, tialima profet bidi agai nagebolo tigi dene yabo sę po nagebolo wagi sogo da, dago koneanio, tama nago te sę egi da. Tialima, agai te tiwai po me wabeo. Menio. Tialima, agai nagebolo wę deli pauao po walio,” wali. “Tama tialima, dwagi yai dao, tialima nago agai po wali pelama, nage wę pauagameo,” wali.

Te Israel me Juda Hani Sigo Tuni Bidigo Po Elalubo Buku Si 6:21

Te Israel king bidigo sualima, te Siria bidi dabe te taun tomode bidibo sulama, tama agai te Elisabolo e tama hanalu wali, “Genuai bidi, tialima eno augwali elama, isilagawe, a?”

Tigidali Nai Gagalama Nigali Side 5:24

Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo.

Te Israel Tobolu Bidi Dabe 17:10

Tialima, Maikago agabolo te po wai, “Nage ede ena dali bidao. Te enabolo te homu kolesaga mabo bidi bididu tama nage eno pris me bidagameo,” wali. “Tama tigidali kibu bede te eno nagebolo te silva mone te nogo si mayu yaibao, tama te gudabo ugwa dabe me te tuabo nai dali mawaibao.”