Te Israel me Juda Hani Sigo Tuni Bidigo Po Elalubo Buku Si 19:9 - Godigo dwagi yai po buku

⁹ Te Asiria hani augwaligo boi hwįyu bidali, tama me badu bidi dabe aselama, te king Senakerip e tama po wagasali, “Te Itiopia bulu king bidi Tirhaka aga ami soldia bidi dabe dali, augwali asama, nage dali boi hwįagasobao,” wali. Te king Senakerip agai te po odobaso, tama agai pas asęnama, te me badu bidi nogode munama, tama augwaligo te king Hesekiabolo magi pali, magi baso meni, te agai homugo te taun Jerusalem agai sabo homu eyu, tama tiai dao.

Gade chapit la Kopi

« Previous

tounen moute ⬆

1 Samuel 23:27

Tialima, bidi me deli aselama, te Solbolo wagasiyu te po wai, “Odao. Te Filistia dabego dago bulu tǫ pedaiba hwįagasobao. Nage asesa polo ma geasa asao,” te po wagasali.

Gade chapit la

Aisaia 37:9

Te Asiria dabego boi hwįdubadi, te bidi meba aselama, te king Senakeripbolo te tiwai po wagasali, “Te King Tirhaka te bulu kantri Itiopia bidi, te aga ami bidi dabe dali, augwaligo te nageba boi hwįagasainu asobao,” wali. Senakeripgo te po odama, te agai bidi meba tagala paliyu, te agai pas te Juda dabego king bidi Hesekiaba selasa pomainu yali, magi baso meni, agai te Jerusalem sabo homu dąų weyu, bomo elaluai dao.

Gade chapit la

Te Israel me Juda Hani Sigo Tuni Bidigo Po Elalubo Buku Si 18:17

Tama te king Senakeripgo te gol dabe me, te silva dabe me agai sali, tiali goli agai te ami gavman tobolu ofisa bidi sela dali, te ami soldia bidi umabo dali, tagala palali, tama augwali te Lakis bulu taun tagalama, Jerusalem taun buluba pali. Tama augwali te Jerusalem taunba sabolali, tama augwali te Jerusalem taunba te sigi węgo te ugwadu da Jerusalemba aiyaba kegasa tulali wę pabo gamia, te wę gamia pąde augwali bidaluali. Te wę gamia tų te moni sunumi sesegede te name ugwa nigibo buluba pabo sunumi sesegede pąde elaluali.

Gade chapit la

Te Israel me Juda Hani Sigo Tuni Bidigo Po Elalubo Buku Si 19:8

Te Asiria bulu bidi gavman ofisa bidigo e tama po odali, te king Senakerip te Lakis taun tagalama pali po odali. Tibaso, te ofisa bidi aga te Jerusalem bulu tagalama, tama aga ma begasa pelama, tama te bidi pali page koneainu kegegi pai, kingo te taun Lipna hani dali boi hwįgi pobaso, tama agai aga teba sugi pali.

Gade chapit la

Te Israel me Juda Hani Sigo Tuni Bidigo Po Elalubo Buku Si 19:10

Te king Senakeripgo pasde e tama po wali, “Eno koneanio, te nago konealubo god, te agai te po wai, agai ena sula tagalama, tama eno dage aiyaba elaluama, te Jerusalem taun me sogobe,” wali. “Tiali goli, te ili po dao, tama teyu, nago homugo agai te wali po mu da homu eyu, konealugio,” wali.

Gade chapit la