Te Israel me Juda Hani Sigo Tuni Bidigo Po Elalubo Buku Si 19:36 - Godigo dwagi yai po buku

³⁶ Tama tialima, te aga dali, te me badu ami soldia bidi dabe dali, augwali me bidaluali, tama augwali hodaluama, tama augwali te Asiria pabo bulu tųdu ma geasa pali, tama te king Senakerip aga te Nineve taunba bidigi pali.

Te Israel me Juda Hani Sigo Tuni Bidigo Po Elalubo Buku Si 19:36 Referans Kwoze

Jona 1:2

Agai te po wai, “Nage hogodama, digibulu pelama, tama nage te moni hanu Niniveba pelama, tama nago te augwaligo sęgę mu sali bomai po te we bidi augwalibolo magi pao. Eno te augwaligo ebo dwai sę hauwa sualio,” wali.

Te Israel me Juda Hani Sigo Tuni Bidigo Po Elalubo Buku Si 19:33

Ena Genuai Bidi da, tama eno te Asiria king bidi homu begelama, te tama aga asali tųdu ma begasa paibao. Tama tiyu, aga te e Jerusalem bulu taun tomoba asobo usu me egobeo.

Te Israel me Juda Hani Sigo Tuni Bidigo Po Elalubo Buku Si 19:28

Nago ena dali sębę ebo eno sualio, tama te nago te hagoma eyu, wabo po me, tama te kolesaga me eno koneanio, tama te naga digi naga nogi ugwaba sabo. Tama te megi eno nage dali eno bomai po mu obao. Tama eno te huk selama, tama eno te nago guniba muaibao, tama me te eno te ain dage te bidi dabego te kibu hos gunide mubo ain dage eno selama, tama eno te nage pedauwalide munama, dąų walaibao. Tama tilama, te nosali eno nage te naga asali te tųdu te nage eno kegasa paibao,’ God Genuai Bidigo te po wali,” Aisaiago te po ola tolali.

Te Israel me Juda Hani Sigo Tuni Bidigo Po Elalubo Buku Si 19:7

Magi baso meni, ena Genuai Bidi, eno te Asiria king bidigo homu begela tagalama, tama agai po me deli odobo si, teda agai dage tagalama, aga buluba ma begasa paibao,’ wali. ‘Tama aga te Asiria bulude bidibo sogo, tama eno te me badu bidi homu begelama, augwaligo moni ge hwągo aga ela mumai yaibao,’ Genuai Bidi Godigo te tama wali,” Aisaiago te po wali.

Matyu 12:41

Tama Godigo we bidi augwali dagalobo sogode te Ninive hanu we bidi dabe augwali te po tųde dolaluyu, tama dage megi bidibo we bidibolo te augwaligo dwai kolesaga yali po pusaibao. Magi baso meni. Polobadu mu Godigo po pusa mani bidi nogi Jona agai te Ninive we bidibolo Godigo po pusa mobadi yaide, augwaligo odama, dwai dwai sę yalide ge neyu, tama tagalama homu begelai dao. Tiali goli Jona aiyaba elalubo bidi me deli pedelama, tama megi dage tomode bidibao.

Nahum 2:8

Te we bidi dabe te Ninive taun buluba wi tedela sąwani, te wę palialuali dalubaso te wę pabo tiwai ebao. Te ofisa dabe augwaligo i bomonama weyu, te tiwai obao, “Dolaluiąo! Dolaluiąo! Wi pigimio!” wabo. Tiali goli te me deli doligi pelama, te ma geasa me pabeo. Menio. Tigidali wi naga pela silibao.

Nahum 1:1

Godigo te genuai taun Ninivede po te profet Nahumbolo te nai nade subo tiwai ebo sogo te sęgę yai po mawai. Profet Nahum aga te Elkos bulu bidi dao.