Te Israel me Juda Hani Sigo Tuni Bidigo Po Elalubo Buku Si 19:26 - Godigo dwagi yai po buku

²⁶ Tama te taunde bidali we bidigo augwali wi dwai mu yali, tama augwaligo homu kolesaga teba dąų mu wali, augwaligo tama teyu, augwa bomo mu sia sali. Augwali e tama tiwai bidaluali, te nosai giliga doloyu, wa pabo tiwai gilama mu tiwai, mu tama augwali bidaluali, te posola pai wali te giliga asobo badu asali. Te nosai te be pedu ugwa badu holai, tama te nosai dabe holala pali, te nosai dabe te nosai te posola pai wali asobo sogo dila pai elalubo nosai menio.’”

Te Israel me Juda Hani Sigo Tuni Bidigo Po Elalubo Buku Si 19:26 Referans Kwoze

1 Pita 1:24

Tama Godigo pode te bukude asęani po me deli e dao, “Te tigidali we bidi osogo naga bidibo dao, te noswai tiwai. Tama augwaligo genuai nogi me te osogo naga elalubo dao, te noswai aga duduli tiwai. Te noswai holama, sasia peyu, aga duduli me tegasa dulaibao.

Jeremaia 51:32

Te boi bidi dabe augwaligo te ąį nogebo pesage badu selama, te ąį pude sigi dili dabe isi ulali. Tama te Babilon ami bidi dabe wi dwai mu elama, te esela pabo bidi tiwai elama, umuna sai dao. Te po sela pabo bagego te sę yali po te kingba wagi pidu gebao.

Jeremaia 51:30

Te Babilon ami dabe augwaligo te boi hwįbo tagalama, te hwįbo bomai be tomode bidibao. Tama augwali te we dabe sibi tiwai pedelama, te augwaligo bomo menia sai. Te boi bidi augwaligo te Babilon be dabe isigo ulama, te aga bomai sunumi dabe elaluali, te aluama besela sai dao.

Jeremaia 37:10

Te dagego Babilon dabe dali hwįnama, te augwaligo ami tigidali aiyaba elaluama, te dagego augwali ami bidi dabe hauwa ela mugi sogo da, teda tagalao, te hwįnama tigi dabe dolali ami dabe te augwa ugwa bede bidaluama, tialima, te bagego digi hogodama asiyu, te taun isigo ulubo usigi da,” te po wai dao.

Godigo Nogi Ugwaba Sabo Tęąbi Po Wabo Buku Dabe 127:1

Te Genuai Bidigo te be me deli sę igi menigi sogo da, te kamda dabego sę odolali igi dao. Te Genuai Bidigo taun me deli tonalugi menigi sogo da, teda te tonalubo bidi dabe augwali te odolali tonalugi dao.

Godigo Nogi Ugwaba Sabo Tęąbi Po Wabo Buku Dabe 102:11

Eno bidibo ula te pęwadage sogo naga bidibao, te giliga pio dega sabo tiwai yali. Ena te nosa wa pai tiwai yai dao.

Godigo Nogi Ugwaba Sabo Tęąbi Po Wabo Buku Dabe 92:7

Te dwai bidi dabe te wiegi yai nosa tiwai ma pedaliyu, tama te dwai kolesaga ebo bidi dabego te doado bage hauwa selama, tama augwa bugagia bidaibao, tiali goli, nago augwali mu dolaibao.

Israel Hanigo Namba 14:9

Dagego te Genuai Bidi dali dwai homu elama, agai po sela sąyu elama, tobolu gagea pigimio, tama dage te ude bidibo we bidi dali wi igimio. Magi baso meni. Augwali te dago bulu hasa tiwai dao. Dago augwali aiyaba elalubo bomai sę me egobeo. Magi baso meni. Genuai Bidi da dali bidiyu, agai augwaligo augwa tonalubo tibo god dabe polo dolalio. Tialima, augwalide wi igimio,” te bidi sigo te po wai.

Israel Hanigo Namba 11:23

Tama Genuai Bidigo Mosesbolo po wei ponoyu, e tama po wali, “Te eno bomo usu meni yali bogo. Te pęwadage sogo tama nago suaibao. Tama nago koneama, nago homugo eno nagebolo mawaibao wali te nai te yabao po waibao. Te nai pedalogowe, ma meniwe?” wali.

Matyu 10:27

Tama te hulide eno dagebolo ola mabo po, te po dagego te giligade we bidibolo pusao. Tama dagego te olode duadigi odali po, te dagego te be daiba holama, te po augwalibolo pusao.

Tigidali Nai Gagalama Nigali Side 41:6

Nosali te gasa a naga olama, me badu si yuyu te pedelali. Augwali te dwasianu ebaso, tama te bulude posolo yai waligo te augwali ulali.

Aisaia 13:8

Tigidali wi mu yaibao. Tama augwali genuai dene mu saibao, te wego wai sainu dene ebo tiwai yaibao. Te tigidali bagego gesabidi augwali tigidali dene ebao wabo gesabidi ola mawaibao. Tama augwaligo gasa bidi dabego gesabidiba tonobo sogo da, augwali wi mu yaibao.

Tigidali Nai Gagalama Nigali Side 41:23

Nosali te gasa a naga olama, me si te yuyu sia pedelali. Augwali te dwasianu holama, tama te bulude posolo yai waligo augwali ulama, tama sasia pali.