Te Israel me Juda Hani Sigo Tuni Bidigo Po Elalubo Buku Si 19:13 - Godigo dwagi yai po buku

¹³ Te taun Hamat, tama me te taun Arpat, tama me te taun Sefarvaim, tama me te taun Hena, tama me te taun Iva, te taun bulu hani king bidi dabe augwali me bidiba, agawe? Menio. Dago augwali tigidali ela muna silai dao,” Senakeripgo pasde te po wali.

Te Israel me Juda Hani Sigo Tuni Bidigo Po Elalubo Buku Si 19:13 Referans Kwoze

Te Israel me Juda Hani Sigo Tuni Bidigo Po Elalubo Buku Si 18:34

Tama dago te taun Hamat, tama me te taun Arpat, tama me te taun Sefarvaim, tama me te taun Hena, tama me te taun Iva, te hani dabe dali boi hwįgi pabo sogo, augwaligo god mena bidibowe tama augwali tau sabowe? Tama dago te Samaria buluba boi hwįagasali sogo, tama te Samaria hani augwa godigo augwali tau selama, tama augwaligo da Asiria aiyaba elalualiwe? Mu menio.

Sekaraia 9:2

me Hamat tonalubo sę yaibao, te tǫ pedai Hadrak distrik pąde elaluali. Tama agai te taun Tair me taun Saidon te tonalubao. Te Tair dabe me Saidon dabego augwaligo te kolesaga koneani bidi dabe hauwa elaluali digi goli, te Genuai Bidigo augwali me tonalueibao wai dao.

Jeremaia 49:23

Genuai Bidigo te kantri tǫ Damaskusde po elalubao. Agai te tiwai po wali, “Te taun Damaskus taun si Hamat me Arpat we bidi augwaligo te dwai nai augwaliba pedelabo po odama, te augwali midigi dwai mu yalio. Augwali wi ebaso, te bugagia me dugulalubeo. Augwali te tiwai te nambisde genuai ąį dini asu, te bugagia bidisąbo tiwai ebo dao.

Jeremaia 39:5

Tiali goli, te Babilon ami dabego te augwali pobeasa pelama, te malu tǫ pesage dolo te Jeriko taun pąde Sedekaia pabo madi pedelai. Te augwaligo aga pageabi elama, te king Nebukatnesarbolo odasa pali. Te sogo king Nebukatnesar te taun Riplade bidai, te tǫ pedai Hamat tǫ tomode bidalio. Tama Nebukatnesargo Sedekaia sulama, te po walio, Sedekaia te aga yali dwai sęde dwai dene saibao wali.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Te Israel me Juda Hani Sigo Tuni Bidigo Po Elalubo Buku Si 17:24

Te Asiria king bidigo te taun Babilon we bidi dabe me, me te taun Kuta, tama me te taun Iva we bidi dabe me, tama me te taun Hamat we bidi me, me te taun Sefarvaim we bidi me agai selama, tama te augwali te Samaria bulu taun dabeba odasa pelama, tama te Israel hanigo bulu taunba augwali tatagalo pali. Tama te we bidi augwali te Israel hani we bidigo bulu tǫ selama, mu bidali.

Israel Hanigo Namba 34:8

Tama te bulu du Hor tagalama, odogo bulu Hamatba tagaligi paibao. Tama te magi pelama, bulu Sedatba sabolama,

Israel Hanigo Namba 13:21

Tama te bidi dabe augwali te bulu tǫ dabe tigidali mu sa susa biligi pali. Te giliga asobo badu wę meni sane bulu badu gagalama, te saut badu usu nigi pali, tama te hanu Rehopba saboligi pali, te hanu Hamatba pabo sunumi pąbadu te not badu.

Te Israel me Juda Hani Sigo Tuni Bidigo Po Elalubo Buku Si 18:33

‘Dagego homugo te gasa hani augwaligo godigo augwali tau selama, tama augwaligo da Asiria hani dali boi hwįnama, tama augwaligo da aiyaba elalualiwe, a? Mu menio.

Tuni Bidi Dabego Po Elalubo Buku Si 8:3

Tama megi da aga ami bidi dabe selama, augwali te hanu Hamatba me Sobaba hwįgi pelama, augwali aiyaba elaluama, te hanu si sali.