Te Israel me Juda Hani Sigo Tuni Bidigo Po Elalubo Buku Si 17:7 - Godigo dwagi yai po buku

⁷ Te tama sęgę te Israel hani augwali tigide pedalali, magi baso meni, augwaligo te Godigo gedude augwaligo sęgę sabo dwai kolesaga yali, augwa Genuai Bidi. Augwaligo te homu ebe, augwa wąį nǫų dabe te augwali te Isip king bidi nogode ma sali augwaligo te konebe. Meni. Israel hani augwaligo te tibo god dolo lotu po wabo sę yali,

Te Israel me Juda Hani Sigo Tuni Bidigo Po Elalubo Buku Si 17:7 Referans Kwoze

Jeremaia 10:5

Te god dabe te olo nai dao, te bidi dabe piksa noma tiwai, te gi page bidigo te ba dabe wi iliyu, te gide muaibao. Te god dabego po me wagobeo. Te augwali bilibaso usu egobeo, tiyu te bidigo augwali tolaibao. Dage augwalide wi igio, magi baso meni, augwaligo dwai sę me deli yabo usu egobeo. Te augwa wiegi yai kolesaga me yabo usu egobeo,” te po wai dao.

Nehemia 9:26

“Tiali goli, te we bidi augwali te hagoma mu elama, tama augwaligo nago po sela sąwai. Tama nago bomo yai poba augwaligo tudi ola mawai. Tama nago te profet bidi dabe augwaliba tagala palali, te augwaligo te nago bomo yai po augwaliba magasu asali, te augwali homu begelama, nageba ma asomainu yai. Tiali goli, augwaligo te profet dabe ela muani. Tama hauwa sogo augwaligo te tiwai kolesaga yali, tama augwaligo nago nogi mu dolai dao.

Ma Dobola Sali 20:2

“Ena digi ena Genuai Bidi Yawe, ena dagego God dao. Eno dage Isipde sali, te bulude kalabus sę ebadi, tama eno dage selama, odasa asai.”

Tuni Bidi Dabego Po Elalubo Buku Si 36:5

Te Jehoiakim aga king pedelali sogo agai kibu be 25 elaluali, tama aga Jerusalemde king bidibadi kibu be te 11 kibu be bidali. Jehoiakimgo Godigo gedude dwai kolesaga iyu yali, te aga Genuai Bidi gedude.

Te Israel me Juda Hani Sigo Tuni Bidigo Po Elalubo Buku Si 17:35

Polobadu te Israel hani dabe augwali dali te Genuai Bidigo te bomai po me deli dąų wali po e tama po dąų wali, “Dagego te tibo godiba lotu po wagio,” wali. “Tama dage te tibo god dologode dage bidigio. Mu menio. Dagego augwalide kidu sugunama, tama ofa nai augwalibolo magimio.

Te Israel me Juda Hani Sigo Tuni Bidigo Po Elalubo Buku Si 16:2

Tama agai kibu be bidi sese deli olama silibo si, tama aga king bidi nigali, tama aga te Jerusalem bulude king nigila bidali kibu be te 16 kibu be pai. Tiali goli, agai aga Genuai Bidi Godigo gedude agai doloba pai kolesaga me ebe, tiali tama aga wąį nǫų Devitgo yali kolesaga tiwai ebe.

Te Israel me Juda Hani Sigo Tuni Bidigo Po Elalubo Buku Deli 15:3

Te Abiya agai te aga ayago yali dwai sęgę sabo kolesaga yali gilama, Abiya agai me te tigidali haniani kolesaga dwai mu yali. Agai te aga wąį nǫų Devitgo yali dwagi yai kolesagadu wali pabe, tama agai te God dali deli homu ebe, aga Genuai Bidi.

Te Israel me Juda Hani Sigo Tuni Bidigo Po Elalubo Buku Deli 11:4

Te aga monu dabe ebo sogo, aga te we dabego aga homu te tibo godiba kekasa pali. Tama tiyu, Solomongo te aga aya Devitgo kolesaga te tagalama, tama agai te aga Genuai Bidi wali mu me pabeo. Menio.

Te Israel Tobolu Bidi Dabe 6:10

Tama eno dagebolo wali, ‘Ena te God, duga Genuai Bidi da,’ po wai. ‘Dagego te Amor dabego tibo godiba lotu me olamu da,’ po wali. ‘Te bidi dabe augwaligo tǫde dage bidalu, te augwaligo tibo godiba lotu po me wagio,’ po wali. Tiali goli, dagego eno po me odobeo.” Profet bidi me deligo te Genuai Bidigo po wali.

Bomai Po 31:29

Eno koneani, ena isai digi dage we bidi dwai mu pedelaibao, tama eno dagebolo mani po me wali pogobeo. Te dagego dwai kolesaga hauwa mu yaibao. Tama dagego Genuai Bidi sębę mu ilaibao, tama agai dageba dwai sę dabe mu pedalomainu yaibao,” Mosesgo te Livai pris dabebolo te po wali.

Tuni Bidi Dabego Po Elalubo Buku Deli 5:25

Ruben, me Gat, me Manase te hani sela augwaligo te augwa wąį nǫųgo Godigo po sela sąnama, augwa dwai sę yali. Tama augwaligo te bulude polobadu bidali bidi hanigo tibo godiba lotu po walio. Te Israel augwali te tǫba sabolali sogo, Godigo te tǫde bidali gasa hani bage sela sąwani. Tialima megi da, te Israel dabego God tagalali, te wego aga bidi tagalama subigila bidi hauwa dali penani sę ela bilibo tiwai yalio.

Esekiel 39:24

Eno augwaliba tudi ola menama, tama augwaligo dwai meda yai sę dabe elama, sęgę sę dabe yali wei ponoyu, tama tiai dao, augwa dagede,” wali.

Hosea 12:14

Tiali goli, te Israel dabego dwai kolesaga hauwa ebaso, tama Genuai Bidigo wado po dwai mu wai. Tama augwali isimainao wai. Te Israel dabego Genuai Bidigo nogide hagela homu eyu, aiyaba elalubaso, tialima te agai augwaligo dwai sęgę sali te sela sągobeo wai.

Godigo Nogi Ugwaba Sabo Tęąbi Po Wabo Buku Dabe 78:12

Te wąį nǫų dabego gedude Godigo bomai sę me deli te Soan bulu, te Isip tǫ pedaide, yai dao.

Aisaia 57:5

Te duga haligade dwai homugo te bomonama hodolobaso, te genuai ni dologo te lotu wabo pesageba pelama, te penani ebo kolesaga ebao. Dagego te duga wai puluba dabe elama, te ofa tiwai eyu, te odogo tǫ pesagede te genuai masigi elalubo tomode ulubo dao.

Hosea 4:12

Tama augwaligo te olo ni dagego nigali tibo god hanaluama, te geme dualali po page pedalumainu yali. Iya, tegoba, augwaligo homugo te ni dage dabego te augwaligo koneainu ebo nai dabe ola momainu homu elama tiali. Awe, augwaligo ena tagalalio, tama augwaligo te tibo god dabe wali pai, te penani ebo we me deligo aga bidi tagaliyu ebo tiwai yalio.

Hosea 4:13

Augwali te bulu duba holama, te tibo god dabeba ofa eyu, tama te wiegi yai denami ebo ofa me, te habu selali pesage te genuai ni page dologode te ofa ebo dao, magi baso meni, te ni dologode te wiegi yai tiwąi madi elalubaso yai.” “Tama tiyu, duga wegi dabe te sunumide bilalubo we dabe tiwai ebao,” wai. “Tama duga wąį we dabe me te penani ela bilibo dao.