Te Israel me Juda Hani Sigo Tuni Bidigo Po Elalubo Buku Si 17:6 - Godigo dwagi yai po buku

⁶ Tama te Israel hanigo king bidi Hosia te Israel hani dabe dali king bidi nigilama bidibadi, te agai kibu be te 9 kibu be silama, tama te sogo te Asiria king bidigo te boi hwįnama, te Samaria hani me aiyaba elaluama, tama te taun sali. Tama agai te Israel hani te Asiria buluba selasa pai, tama te me badu bidi dabe te agai te Hala taun bulude bidao wali, tama te me badu bidi dabe agai te Habor wę pąde te distrik Gosan bulude bidao wali, tama me badu bidi dabe te Midia taun bulu tǫde bidao wali.

Te Israel me Juda Hani Sigo Tuni Bidigo Po Elalubo Buku Si 17:6 Referans Kwoze

Hosea 13:16

“Te Samaria dabego enade hagoma mu yali, tama augwali te dwai dene bolo somainao. Te bomai wali tiwai eyu, te boi bidi dabego augwaliba hwįagaselama, te augwali ela munama, tama te dwasianu wai puluba tigidali te tǫba sąsąnama, te augwali me isaibao. Tama augwaligo te haliga elalubo we dabego tabi togwaibao,” po wai dao.

Tuni Bidi Dabego Po Elalubo Buku Deli 5:26

Tama tialima, Israelgo Godigo te Asiria king bidi Pul homu hodolali, te aga gasa nogi me Tiklat Pileser wali. Tama te Asiria dabego te Israel dabeba boi hwįagaselama, te augwali aiyaba elalualio. Tama te Asiria dabego augwali selama, te Hala tǫba kalabus mugi pali, te Habor tǫba me, te wę Gosan pąde te Hara bulu du pesageba pali. Tama augwali tede bidalubadi, te e buku asęani bidi bidali sogoba usu nai dao.

Bomai Po 28:64

“Te Genuai Bidigo dage subigila teba teba dobola palaibao, te tigidali e tǫba tedela palaibao. Tama te bulude dabe dage augwaligo masigigo me nigo nigai tibo god dabeba lotu po waibao. Polobadu dage me duga wąį dagego te tibo godiba lotu po me wai menio.

Aisaia 21:2

Eno te sę te God ena mani na me deli dwaide suali. Eno Godigo te po wabo odali, “Te Babilon dabe te ili po olama, geagano bilibo sę eyu, tama gasa we bidi hani dali dwai sę ebo bage dao. Tama augwaligo te kolesaga genuai mu pedalomainu ebo. Tama tibaso, te Elam ami bidi dabe, dagego te Babilon buluba hwįagasao. Tama Midia ami bidi dabe, dagego te hanu bobegela sagasiąo. Eno te Babilon dabego gasa we bidi dabebolo mani sęgę silaibao,” wali.

Aisaia 13:17

Genuai Bidigo te po wali, “Suao! Eno te Midia dabego homu hogodolama, Babilon dabeba hwįagasomainu yaibao. Augwaligo Babilon bagego silva de gol si homu kone elama, te buluba wąbi hwįagasobeo. Menio.

Bomai Po 28:36

“Tama Genuai Bidigo dagego tuni bidi king me, dage me, duga wąį dabe augwali polobadu me pisąma yai kantriba odasa paibao. Tama dage te bulude bidiyu, tama augwaligo tibo godiba dagego lotu waibao, te augwaligo nigo me masigigo nigai godiba lotu po waibao.

Bomai Po 30:18

teda dage sese tama mu hagala silaibao. Odao. Eno dagebolo haninama te obao, te dagego po sela sąyani da, teda dagego te Jordan wę u badu sigi pelama, bidigi painogo ebo te bulude dage bobobage sogo me bidigobeo.

Pris Sę Ebo Bomai Po 26:38

Tialima, dage te boi dabego tǫde isila paibao. Te augwaligo tǫgo dage aiyaba mu dalubo tiwai yaibao.

Hosea 1:9

Tama Genuai Bidigo Hoseabolo te tiwai po wai, “Nago aga nogi e tama poao,” wali, “‘Eno Menio’. Magi baso meni, dage Israel dabe eno we bidi menio. Tama ena dagego God bidigobeo,” wali.

Hosea 1:6

Nosali Gomer te haliga ma elama, te wegi ame nai. Tama Genuai Bidigo Hoseabolo te tiwai po wai, “Aga nogi e tiwai nogi yao, ‘Eno Aga Godolo Ebo Menio’. Magi baso meni, eno te Israel dabe godolo homu me egobeo, tama eno augwaligo sęgę me sela sągobeo.

Daniel 5:28

Tama te ‘Pedao’ wali po page, te tiwai, Godigo te nago tonaluali tǫ kantri pedelama, tama me badu te Midia dabeba doba yali, te me badu Persiaba doba yalio,” Danielgo te po wali.

Te Israel me Juda Hani Sigo Tuni Bidigo Po Elalubo Buku Si 19:12

Polobadu eno wąį nǫų dabe augwaligo gasa bulu taun Gosan, me te taun Haran, tama me te taun Resep, tama te hanu dabe dolai dao. Tama augwaligo te Beteden hani augwali te Telasar taunde bidibadi, ela muna silai dao,” wali. “Tama augwaligo god dabego te hani augwali me tau sabeo,” wali, “tama augwali bugagia me bidibe. Mu menio.

Tigidali Nai Gagalama Nigali Side 10:2

Te e dao te Jafetgo ogwa dabe dao, Gomer, Magok, Madai, Javan, Tubal, Mesek, me Tiras, te tama dao.

Te Israel me Juda Hani Sigo Tuni Bidigo Po Elalubo Buku Si 15:29

Te bidi Peka king bidibo sogo, te Tiklat Pileser, te Asiria king bidi, augwali asama, te Israel hani dali boi hwįagaselama, tama augwali aiyaba elaluama, tama te Asiria hanigo te taun tigidali sesa pali, me te taun Ijon sali, me te taun Abel Betmaka, tama me te taun Janoa, tama me te taun Kedes, tama me te taun Hasor, tama te genuai distrik Gileat, tama me te moni distrik Galili me, tama te Naptali hanigo tigidali tǫ pedai dabe me, te Asiria hanigo sali. Tama te bulu we bidi dabe augwaligo selama, tama te Asiria digibulu buluba kalabus mugi pali.

Tuni Bidi Dabego Po Elalubo Buku Deli 5:22

Tiali goli te augwali boi hwįani sogo te boi bidi hauwa isali, magi baso meni, God aga digi te hwįbo tonalualigo te tama tialio. Tama nosali te Israel dabego te boi bidi dabego tǫ augwa selama bidali. Tama augwali te tǫde bidada pidubadi, te gasa boi bidi dabego te Israel dabe gasa tǫ kantriba kalabus sela pali sogoba usu nai dao.

Esra 6:2

Augwaligo te buku te Babilonde munalubo susiąwani, tiali goli augwaligo te buku me deli te taun Ekbatana te Midia tǫ pedaide munalubo suali, tama te bukude te tiwai po elaluali,

Aisaia 36:19

Dago te taun Hamat, me Arpat, me Sefarvaim, teba boi hwįgi pali sogo, te augwa god menade bidiyu, te augwali tau sagasobewe? Te dago Samaria buluba boi hwįgi pali sogo, te Samaria augwa godigo augwali tau selama, te da aiyaba elalualiwe? Mu menio.

Aisaia 37:18

Genuai Bidi, dago koneanio, te Asiria king dabego te we bidi hani dabe hauwa dolama, te augwa bulu tǫ kantri dabe dali dolali.

Hosea 8:8

“Te Israel dabe te wiegi yai mu me isąwai. Te gasa tǫ kantri dabego augwali dalali tiwai elama, tama te Israel dabe te bage tiwai pedalali. Megi da, augwali te olo nai me deli tiwai elama, tama augwaligo te eno sę yainu ebaso, usu me egobeo.

Amos 7:17

Amasia, nago te po wai dao. Tialima, Genuai Bidigo po nage dali megi elalubao. Agai nageba te po obao, ‘Nago we da, te taunde penani sę ebo we pedelaibao. Tama te boi bidi dabego boi hwįagaselama, te nago wai dabe ela mueibao. Te augwaligo nago tǫ selama, gasa bidi dabeba dobawaibao. Te augwaligo nage te dobo kolesaga ebo haiden kantriba sela pelama, tama nage te bulude bidama, isaibao. Tama te boi bidi dabego te Israel we bidi sela peyu, te Israel tǫ taga peyu, te gasa tǫ kantriba kalabus igi peyu, sela paibao,’ Genuai Bidigo nageba te po wai dao,” Amosgo te po wai.

Te Israel me Juda Hani Sigo Tuni Bidigo Po Elalubo Buku Deli 8:46

“Tigidali we bidigo dwai sę ebo da. Tama nosali te Israel dabego te dwai sę nageba ebaso, tama nago augwali dali wado po weyu, tama nago te boi bidi dabego augwali aiyaba elalumainu elama, te augwali kalabus elama, tama augwali te pąde elalubo bulu tǫba, ma te digibulu tǫba selasa pomainu ilama,

Te Israel me Juda Hani Sigo Tuni Bidigo Po Elalubo Buku Si 17:23

Tama nosali te Genuai Bidigo augwali hagela mu ebaso, tama augwali aga pąde me bidisiąmainogo eyu, agai augwali te gasa buluba bidigi pomainu digibulu mu sela sąyani. Genuai Bidigo tama tiali, magi baso meni, te Israel hani bidi dabe augwaligo te tigidali po agai te aga sę bidi profet bidi dabego pedauwalidu ola mani podu wali pabe, te profet bidi dabe te aga sę ebo bidi dabe dao. Tama tibaso, te Asiria hani augwali asama, te Israel hani dabe dali boi hwįagaselama, te Israel hani augwali aiyaba elaluali, tama augwali te Asiria buluba odasa pali. Tama augwali te bulude me bidibao. Te gasa hani we bidi dabe augwali asama, te Israel hanigo buluba bidagasali.

Te Israel me Juda Hani Sigo Tuni Bidigo Po Elalubo Buku Si 18:34

Tama dago te taun Hamat, tama me te taun Arpat, tama me te taun Sefarvaim, tama me te taun Hena, tama me te taun Iva, te hani dabe dali boi hwįgi pabo sogo, augwaligo god mena bidibowe tama augwali tau sabowe? Tama dago te Samaria buluba boi hwįagasali sogo, tama te Samaria hani augwa godigo augwali tau selama, tama augwaligo da Asiria aiyaba elalualiwe? Mu menio.

Te Israel me Juda Hani Sigo Tuni Bidigo Po Elalubo Buku Si 21:13

Tama te eno te Jerusalem taun dolabo kolesaga e tiwai dao, eno te Samaria bulu doloyu, te king Ahap aga hani dali doloyu yali deli kolesaga tiwai naga yaibao,” wali. “Tama eno te Jerusalem bulu taun dolama, tama te tigidali we bidi dabe mu dola silaibao, tama tilama, te Jerusalem taun te e tama tiwai elaluaibao, te plet pou wę telawai tiwai gilama, te magi nai mu me te dwasianu pobele bage me meni yai olo mu elaluaibao,” wali.

Nehemia 9:32

“Dago God, nago genuai nogi me genuai bomo elalubao. Da tigidali te nago bomo dologode bidibao. Tigidali sogo nago te naga dąų walali bomai po wali pelama, tama nago dabolo te olo mu tau sabo wiegi yai kolesaga ebao. Megi da te genuai sęgę tolai, tama tiyu dago homugo nago da homu koneama tau sao. Polobadu te Asiria king dabego te dago kingba, me tobolu bidi dabeba, me pris, me profet dabeba dwai sę eyu, te dago wąį nǫų dabeba me te tiwai yai. Tama te sęgę dade elalua asidubadi, te megi e sogoba usu nagasobao.

Aisaia 8:4

Tama te waigo ida aya wabo gagalisiąbadi da, te Asiria bagego te Damaskus de Samaria sigo wiegi yai nai dabe tigidali wi sagasaibao, tama augwa tuni bidiba sela paibao,” wali.

Aisaia 17:4

“Te sogo te Israel dabego genuai nogi sia saibao. Tama augwaligo wiegi yai nai dabe me augwaligo we bidi hauwa sia selama, tama te bulu dwai mu bidaibao. Te gasigo te tigi genuai yai bidi gegelama, tama te bidi nomona selama, dili pulu ha ebo tiwai yaibao.

Aisaia 36:17

Te dage bugagia bididubadi, te ena ma asiyu, te dage gasa bulu kantriba selasa peyu, te duga bulu tǫ kantri tiwai buluba paibao. Te bulu kantride te wain gi, me bret nigibo wit gi, te hauwa elalubo dao,” te po wai.

Jeremaia 50:17

Genuai Bidigo e tiwai po wai, “Israel te sipsip me deli tiwai, te gasa tǫ kantri dabe te laion tiwai elama, aga dolainogo elama, te augwaligo aga pobeali. Hasia te Asiria kingo aga pageabi elama, tuali. Te nosali, te Babilon king Nebukatnesargo te agai nogo sągą dili dabe halua tuai dao.

Hosea 1:4

Tama Genuai Bidigo te po wali, “Nago aga nogi ‘Jesril’ poao,” wali, “magi baso meni, te Israel king bidigo wąį nǫų Jehugo te king bidi si polobadu ela muai, te Jesril bulude. Tama te ogwa nogi Jesril poabogo eno te megi bidibo Israel kingba dąį ilibo sę tiwai ebao, te eno agaba dwai dene tamadi tama mawaibao, te Jehugo yali dwai sę wei ponoyu tiaibao, te aga wąį nǫų dao. Tama eno te Jehugo hani king pedalumainu me egobeo.

Hosea 9:3

Tama dage Israel te Genuai Bidigo mani tǫde me bidigobeo. Tama dage te Isipba kalabus ma igi peyu, te Asiria bulu tǫba me kalabus igi paibao. Tama te bulude te Godigo dageba te habu selali nai dabe tueibao.