Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Si 17:2 - Godigo dwagi yai po buku

2 Tama agai te Genuai Bidigo gedude te agai dwai kolesaga yali, tiali goli te agai te dwai kolesaga ebo sę te gasa king dabego yali kolesaga tiwai gilama te agai genuai me ebe.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Si 17:2
13 Referans Kwoze  

Tama agai te dwai sęgę sabo kolesaga te Genuai Bidigo gedude yali, te hasia king Jeroboamgo yali kolesaga tiwai gilama yali. Polobadu king Jeroboamgo te Israel hani augwali kegelama, tama augwaligo te Genuai Bidi gedude dwai kolesaga eyu, sęgę sali. Tama te megi tama nigali king bidi Pekahiago me te deli kolesaga naga iduali.


Tama te Genuai Bidigo gedude agai dwai kolesaga mu yali. Tama te hasia king Jeroboamgo yali kolesaga tiwai naga yali. Polobadu te king Jeroboamgo te Israel hani agai kegelama, tama augwaligo te Genuai Bidigo gedude sęgę sai dao. Tama te bidi te Menahemgo me te deli kolesaga naga ela pedu kęnama, tama aga isiboba usu nigi pai.


Tama te king Sekaraiago te Genuai Bidigo gedude agai me dwai kolesaga yali, te aga wąį nǫų dabego yali kolesaga tiwai naga yali. Agai te dwai sęgę sabo dwai kolesaga yali, te hasia king Jeroboamgo yali tiwai naga yali. Polobadu te king Jeroboamgo te Israel hani agai kegelama, te dwai kolesaga eyu, tama te augwaligo Genuai Bidigo gedude te sęgę sabo kolesaga genuai mu yai. Tama te king Sekaraiago agai me te king bidi dabego yali kolesaga tiwai ma yali.


Tama agai dwai sęgę sabo dwai kolesaga Genuai Bidigo gedude te king Jeroboamgo yali kolesaga tiwai naga yali. Polobadu te Jeroboamgo te Israel hani kegelama, tama augwaligo te Genuai Bidigo gedude te dwai sęgę sabo kolesaga yali. Tama megi me, te Jehoasgo me agai te Jeroboamgo yali gilama tiwai te dwai sęgę sabo dwai kolesaga deli naga yali. Tama agai te dwai kolesaga me tagalobe. Mu menio.


Tama agai te king Jeroboamgo yali dwai kolesaga tiwai te agai me te Genuai Bidi gedude dwai kolesaga yali. Polobadu te king Jeroboamgo te Israel hani kegelama, tama teyu augwaligo te Genuai Bidigo gedude augwaligo dwai sęgę sabo kolesaga yali. Tama tialima, te Joahas agai me te king Jeroboamgo yali gilama deli kolesaga naga yali, tama agai te dwai kolesaga me tagalobe. Mu menio.


Tama me te Jehugo te Israel bidi dabego Genuai Bidi Godigo te tigidali bomai po te agai bugagia bomo elama, wali pabe. Menio. Agai te king Jeroboamgo yali kolesagadu wali pali, te kingo te polobadu agai te Israel hani augwali kegelama, te augwaligo te dwai sęgę ebo kolesaga yai.


Joram agai te Genuai Bidi gedude agai dwai kolesaga yali. Tiali goli, agai dwai kolesaga yali, te aga ida dali, te aya dali sigo yali kolesaga tiwai me ebe. Menio. Agai te kolesaga yali te tibo god Bal noma piksa te bede dagana ulali te Joram agai sela sąyani, te polobadu te aga ayago te tibo god Bal noma nigai.


Te king Ahas aga te Juda hanigo king bidi nigilama bidali kibu be te nogo si olama, te sągągo si, te 12 kibu be silama, tama Hosia, aga te Elago ogwa da, te Hosia aga te Israel hanigo king bidi nigali. Tama aga te Samaria bulude king bidi nigilama bidali kibu be te 9 kibu be pai.


Tama te Hosia aga king bidibo sogo, te Asiria king bidi nogi Salmaneser, aga asama, tama te Israel hani dali boi hwįagasali. Tama te Asiria hanigo te Israel hani aiyaba elaluali, tama te king Hosiago te po dąų wali, te Asiria king bidi Salmaneser dologode bidiyu, tama te takis mone te tigidali kibu bede mawaibao wali.


Te king bidi Omri agai te Genuai Bidigo gedude agai te sęgę genuai mu yai. Te bidi Omri agai ebo sęgęgo te hasia bidali king bidi dabego yali sęgę aiyaba mu elaluali.


Tama te king Ahap agai te Genuai Bidigo gedude umabo sęgę mu sai. Te king bidi Ahapgo agai yali sęgę te hasia pedali king bidi dabe augwaligo sęgę aiyaba mu elaluai, tama agai mu umabo sęgę mu sai.


Tama te king Manase agai te dwagi yai kolesagadu me wali pabe. Mu meni. Tama me te agai te tǫde polobadu te bidali bidi dabego yali haniani dwai kolesagadu wali peyu, tama Genuai Bidigo augwali sela sąnama, tama agai te tǫ te Israel hani dabe augwali te tǫ mani. Tama te king Manase agai te hanigo yali kolesagadu wali pali, tama te king Manase agai te Genuai Bidigo gedude dwai kolesaga mu iduali.


Swiv nou:

Piblisite


Piblisite