Te Israel me Juda Hani Sigo Tuni Bidigo Po Elalubo Buku Si 17:13 - Godigo dwagi yai po buku

¹³ Tama te Genuai Bidigo te profet bidi dabe me te nosali pedalubo sę koneai bidi dabe me augwali te Israel haniba me, me te Juda haniba me tagala palali, tama augwalibolo bomai po e tama wali, “Dagego kolesaga begelama, tama dagego te dwai kolesaga ebo sę tagalama, tama dagego te tigidali bomai po te eno po odama wali pao,” wali. “Te bomai po dabe me te eno te dagego wąį nǫųbolo mawai po dao, tama te po dabe te eno sę ebo bidi dabego eno ola mobaso, augwaligo pedauwalidu pusai dao, te bage te profet bidi dabe dao,” te po wali.

Te Israel me Juda Hani Sigo Tuni Bidigo Po Elalubo Buku Si 17:13 Referans Kwoze

Jeremaia 35:15

Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

1 Samuel 9:9

Tama Solgo agabolo te po wali, “Te nago po wiegi yai mu wabo. Awe, da pinao.” Tialima, augwali si te Godigo po pusubo te bidi bidibo hanuba pali. Te augwali si te hanu elalubo madi te dwasianu bulu duba ugaba holobadi, augwali sigo te gesi ogwa we wegi mani meba te asobo augwali si gesabidiba yaga sali. Te we dabe te hanu buluba dia soali, te wę tuainu yali. Tama te bidi sigo augwaliba hanalu wali, “Te geme dulai po haninibo bidi te taun hanude bidibowe, ma meniwe?” Polobadu te Israel dabego te profet bidi nogi poali, te geme dulai po haninibo bidi wai. Tama te bidi mebago te Godiba magi nai po me deli hanalugi painu da, augwaligo te tiwai po wai, “Dago te geme dulai po haninibo bidi sugi pinao,” wali. Tama tibaso, Solgo te tiwai po weyu, te wegi dabe hanalu walio.

Jeremaia 18:11

“Tama tiyu, Jeremaia, nago te Juda dabe me Jerusalemba te tama po walao, ‘Ena Genuai Bidi, eno te po obao, odiąo. Eno te dageba dwai sę yabo sisi ela mubao, awe, tede eno homu kone palobao. Tama tiyu, dage deli deligo te duga dwai kolesaga ebo tagalama, te wiegi yai kolesaga naga wali pao,’ te po wao.

Esekiel 18:31

Magi baso dage Israel isainu ebawe? Te dagego ebo dwai kolesaga tigidali te dagego tagaliąo, te dagego poloba meda haliga elalubo kolesaga hasegelama, te dagego gesi noma haliga, me gesi noma mobo bidi sao.

Bomai Po 31:21

Tama nosali haniani dwai sę dabe augwali tigide pedalaibao. Tama te Israel dabe augwali te dwai sogo bidibo bage augwaligo te balia po gegeda pomainogo egobeo. Te augwaligo te balia po me odubadi geaibao. Tama te balia po augwaligo augwa yali dwai kolesagade homu hogodolaibao. Eno augwali te mawaibao wali te kantriba odasa pisąbadi goli, tiali goli eno augwaligo homu kolesaga polo koneanio,” Genuai Bidigo te po wali.

2 Pita 3:9

Tama tede konesiąwai bidi mebago homu te Genuai Bidi agai te po dąų wali sęde te sę dua dua eyu polo egobeo. Tiali goli te menio. Agai dage bugagia tonaluyu bidibo dao. Agai homugo te we bidi me deli hagaidali te tonaluaibao. Agai homugo tigidali we bidi augwa homu begeleyu te dwai kolesaga ebo tagalamainogo, te aga tonalubo dao.

Godigo Sęba Tagala Palai Bidigo Po 20:21

Sesemane sogo eno dagebolo po bomonama weyu, te po wai dao, ‘Te Juda bidi dabe me, te Grik bidi dabe me, dagego dwai sę ebo kolesaga me tudiba tagalama, homu begelama, God pageba aselama, dagego homu Jisasba mu muao.’ Te dage tau sabo po eno dagebolo tigidali sogo konelai dao.

Hosea 14:1

Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.

Hosea 4:15

“Dage Israel we bidi te penani we tiwai elama, tama dagego ena tagalalio. Tiali goli, tiyu dage te Juda we bidigo te tobage kolesaga tiwai igimio. Dage munu me te tibo lotu te Gilgalba ma te Betelba me wagi pelamuo. Dagego te tebo kolesagago te Betel te dwai pesage pedalubo tiwai ebao. Tama teyu, te eno be tiwai ąǫ me egobeo. Tama te bulu pesage side, dagego te po dąų walobo po te eno nogide me wagio, ‘Genuai Bidi te sesemane bidada pabo dao.’

Jeremaia 42:19

Jeremaiago te Genuai Bidigo po pusula silibo si da, teda agai te tiwai po wali, “Dage dwasianu Juda hanigo, odao. Genuai Bidigo dage te Isipba pigio wali. Tama tialima, eno dageba te mani bomai po bugagia homu kone palao.

Godigo Nogi Ugwaba Sabo Tęąbi Po Wabo Buku Dabe 50:7

Godigo te po wali, “Dage te eno we bidi da, odao. Eno po elalubao. Dage Israel dabe, eno dage po tų ilaibao. Ena naga, ena te God mu da, tama ena te dagego God dao.

Tuni Bidi Dabego Po Elalubo Buku Deli 29:29

Te king Devitgo yali sę po dabe, te aga king pedelama bidali sogo ela pali sę te isali sogoba usu nugi palio, te sę yali po dabe asęani buku sela nogi augwaligo te tama nogi yali, Te Profet Samuelgo Pusali Po, me Te Profet Natango Pusali Po, me Te Profet Gatgo Pusali Po, te profet bidi selago te Devitgo yali sę po asęani dao.

Te Israel me Juda Hani Sigo Tuni Bidigo Po Elalubo Buku Si 17:23

Tama nosali te Genuai Bidigo augwali hagela mu ebaso, tama augwali aga pąde me bidisiąmainogo eyu, agai augwali te gasa buluba bidigi pomainu digibulu mu sela sąyani. Genuai Bidigo tama tiali, magi baso meni, te Israel hani bidi dabe augwaligo te tigidali po agai te aga sę bidi profet bidi dabego pedauwalidu ola mani podu wali pabe, te profet bidi dabe te aga sę ebo bidi dabe dao. Tama tibaso, te Asiria hani augwali asama, te Israel hani dabe dali boi hwįagaselama, te Israel hani augwali aiyaba elaluali, tama augwali te Asiria buluba odasa pali. Tama augwali te bulude me bidibao. Te gasa hani we bidi dabe augwali asama, te Israel hanigo buluba bidagasali.

Bomai Po 8:19

Dagego God dago Genuai Bidi me gegeda pelamuo. Tama dagego tibo god dabe wali pelama, tama augwaliba lotu po me olamuo. Megi eno haninama dagebolo bomona te walibao, ma dagego te po sela sąyani da, teda mu tama o, Godigo dage mu tama dolaibao.

Bomai Po 4:26

Odiąwe, megi eno te dagalu me tǫ si i obao, te augwaligo eno dage dali te wabo bomai po odomainu. Ma, dagego Godigo po sela sąyani da, teda dua dao. Godigo dage tigidali polo tama te tǫde sela sąwaibao. Tama dage te Jordan wę u badu elalubo te tǫde bobobage sogo bidigobeo, te dagego megi te sainu ebo te tǫde. Menio. Dage sese sia saibao.

Te Israel Tobolu Bidi Dabe 6:10

Tama eno dagebolo wali, ‘Ena te God, duga Genuai Bidi da,’ po wai. ‘Dagego te Amor dabego tibo godiba lotu me olamu da,’ po wali. ‘Te bidi dabe augwaligo tǫde dage bidalu, te augwaligo tibo godiba lotu po me wagio,’ po wali. Tiali goli, dagego eno po me odobeo.” Profet bidi me deligo te Genuai Bidigo po wali.

Jopgo Po Asęani Elalubo Buku 36:10

Tama agai augwalibolo dwagi yai kolesaga wali pomainu ola mabo dao. Tama agai augwalibolo ge neyu, dwai kolesaga tudiba muao po wabo dao.

Jeremaia 3:7

Eno e tama homu yali, agai te hagoma kolesaga eyu bolo elama, tama enaba ma asaibao. Tiali goli, menio. Aga te ma asobeo. Te aga ama, Juda, te we sabo kolesaga togobo we, agai te Israelgo kolesaga suai.

Jeremaia 34:14

‘Te a naga olama, me badu si te kibu be tigidalide, dagego te duga abagi dabe te olo sę ebo bidi me we dabe te tagala palama, te augwa olo pomainao. Te abagi dabe dagego olo sę ebo bidi, me olo sę ebo we dabe, te dagede olo sę ebaso da, teda augwaligo dagego sę ebo te kibu be a naga me badu delide naga sę emainao, tama nosali dagego augwali olo tagala palao.’ Te dagego wąį dabego te po koneani, tiali goli, augwaligo eno po odama, te augwaligo wali pabeo,” wali.

Esekiel 3:19

Tialima, nago te dwai sę yali bidi agabolo te po pusao, tama aga te dwai kolesaga tagalisąbaso da, teda te dwai kolesagago aga dolama, te aga isaibao. Tiali goli, te page nagede me elalubeo, tiyu nage me isigobeo,” wali.

Daniel 9:10

God, Genuai Bidi, dago nago po odisąma, tama dago te nago homugo dago wali pomainu homu yali kolesaga te wali pisąwai, te nago dabolo te profet dabego pedauwalide wali po tiwai gilama, te nago sę bidi dabe dao.

Hosea 11:2

Eno te hauwa sogo augwali i weyu, te ena wali asao po wai. Tiali goli, sesemane sogo te augwaligo ena tudiba muani. Eno we bidi augwaligo te tibo god Balba ofa yalio. Augwaligo te wiegi yai denami ebo hano ilibo ofa te haniani tibo godiba yai dao.

Hosea 12:10

“Eno po te profet dabeba olama, tama te eno nade wabo tiwai te hauwa nai po augwaliba wali. Te profet dabego pedauwalidu eno te Israel dabeba weyu, te augwaligo dwai kolesaga ebo te tudiba muiąo po wai dao.

Te Israel Tobolu Bidi Dabe 6:8

Tama Genuai Bidigo profet me deli te augwaliba tagala palali. Te profetgo Godigo te po sali, te Israel bagego Genuai Bidi dao. Tama agai te po wali, “Eno dage odasa asaligo tama dage te Isipde kalabus sę yali taga soai dao.

Te Israel me Juda Hani Sigo Tuni Bidigo Po Elalubo Buku Deli 16:1

Me sogo deli te Genuai Bidi Godigo te profet Jehubolo te po walali, Hananigo ogwa dao, agabolo te king Basabolo pusabo po wali. Genuai Bidi Godigo po e tama dao,

Te Israel me Juda Hani Sigo Tuni Bidigo Po Elalubo Buku Deli 16:7

Te king bidi Basa agai te Genuai Bidigo gedude sęgę sai, te king Jeroboam aga hani dali bidiyu, te augwaligo yali kolesaga tiwai mu yali, tama te king bidi Basa agai te dwai kolesaga ebaso, te Genuai Bidigo haliga sębę dwai mu yai. Tama me, te king Basa agai te king Jeroboamgo hani we bidi dabe tigidali ela muna silali. Tama tibaso, te Genuai Bidigo te profet bidi Jehu tagala palama, tama aga te king Basa pageba pelama, tama agai agabolo e tama tiwai po ola mani, “Genuai Bidigo nage dali, te naga hani dali si tigidali agai dolaibao po walio,” po wali.

Te Israel me Juda Hani Sigo Tuni Bidigo Po Elalubo Buku Si 18:6

Aga te Godiba kęa pelama, dąų mu wagi pali. Tama agai te tigidali sogo Genuai Bidi munu me tagalobe. Mu meni. Tama agai tigidali bomai po te Godigo te Mosesbolo mani po tigidali te agai bugagia wali mu pali.

Te Israel me Juda Hani Sigo Tuni Bidigo Po Elalubo Buku Si 21:10

Genuai Bidigo te king Manasego te dwai kolesaga ebo sę suali, tama tibaso te Genuai Bidigo te profet bidi dabebolo e tama po augwalibolo ola mani, te profet bidi dabe augwali te aga sę ebo bidi dabe da. Te Genuai Bidigo po e tama da,

Jopgo Po Asęani Elalubo Buku 11:14

Ma, nago dwai sę yai da wida, teda nago te dwai sę tudiba togolao. Tama nago te dwai kolesaga nage dali ma bidimai igio.

Jeremaia 11:7

“Te eno duga wąį nǫų dabe te Isipde selama, odasa asali sogo, eno augwaliba bomai po mayu, te tiwai po wali, te eno po augwaligo wali pao wali. Te sesemane sogo eno te tobage deli po naga dagego hani dabeba udali, te megi e sogoba usu nagasobao.

Jeremaia 25:3

“Josaiago kibu be nogo si olama, sągągo selade gagalama, te Emongo ogwa, te Juda king bidali, tama megi e sogoba usu nagasu, te kibu be bidi sese deli olama, sela elalubao. Tama te kibu be dabede ena Jeremaia, eno te Genuai Bidigo enabolo mani po pusudu geali. Tialima, dagego odobo hagela yai dao.

Hosea 12:11

Tiali goli, augwaligo te po me odobeo. Menio. Te Gileatde augwaligo dwai kolesaga hauwa yali, tama te augwali mu hagawaibao. Te taun Gilgalde augwaligo te bulmakau dwai alta dabede ofa yai. Tialima, te alta dabe te besela sąnama, te masigi pesage holali te pepeli delide hania olo elalueibao,” po wai dao.