Te Israel me Juda Hani Sigo Tuni Bidigo Po Elalubo Buku Si 17:10 - Godigo dwagi yai po buku

¹⁰ Tama augwaligo te kolesaga yali, augwali te bulu duba holama me, tama me te moni ni dologode me tama kolesaga yali, tama augwaligo te masigigo te ni pos tulubo ąǫ elama, tama te tibo god we Asera noma muna muna pali, tama augwaligo te teba lotu po wali.

Te Israel me Juda Hani Sigo Tuni Bidigo Po Elalubo Buku Si 17:10 Referans Kwoze

Te Israel me Juda Hani Sigo Tuni Bidigo Po Elalubo Buku Deli 14:23

Megi tama te Juda hani dabe me augwaligo te lotu po wabo pesage te augwaligo te bulu dude me, te moni ni dologode me, tama ninigi pali. Tama augwaligo te masigigo te kąų ni tiwai te pos nigilama, tama augwaligo tulama, tama te tibo god we Asera noma te kąų nide te lotu po wabo pesagede wawalo pali, tama augwaligo te nomabolo lotu po wali.

Maika 5:14

“Te eno te god we Aserago noma elalubo pos dabe guda sąnama, te duga bidali pesagede sela sąnama, te dagego taun dabe eno dolaibao,” wai dao.

Te Israel me Juda Hani Sigo Tuni Bidigo Po Elalubo Buku Si 16:4

Tama te king Ahas aga te tibo god dolo lotu po wabo bulu du pesageba piduai. Tama te lotu po wabo pesage te bulu du ugwadu elaluyu, tama me te moni ni page pąde nigilama, elaluyu yai. Tama agai te pesagede agai te ofa nai ula mayu, me te dwagi yai hano ilama, denami ebo pauda siaba ulama, dwagi yai denami yali.

Ma Dobola Sali 34:13

Menio. Dagego augwaligo te lotu wabo nai dabe dolao. Te alta dabe, me te pos masigi dabe te pepedelama, tama augwaligo tibo god we Asera piksa te ni dagede elalubo, te togolama sąyao.”

Aisaia 57:5

Te duga haligade dwai homugo te bomonama hodolobaso, te genuai ni dologo te lotu wabo pesageba pelama, te penani ebo kolesaga ebao. Dagego te duga wai puluba dabe elama, te ofa tiwai eyu, te odogo tǫ pesagede te genuai masigi elalubo tomode ulubo dao.

Bomai Po 16:21

“Te dagego Genuai Bidi dago God agai alta nigibo sogo, dagego haniani ni pos togolama, tama te we god Aseraba lotu wabo pos dabe me tede bulamuo.

Pris Sę Ebo Bomai Po 26:1

Genuai Bidigo te po wai, “Dagego te ni dage selama, tego te piksa noma nigigio, ma genuai masigi selama dualiyu, ma te masigi selama, tego babaga pabo sę elama, te tobage nai dabe dagego tibo god da olama, teba lotu wagio. Menio. Dagego ena deliba naga lotu wao, dagego Genuai Bidi dao.

Ma Dobola Sali 34:12

Tama dua bugagia, te dagego megi painogo ebo te bulu tǫde bidibo bidi dabe dali te abagi nami bidabo bomai po munu me dąų wagimio. Tiyu, augwaligo ebo kolesagaba dage kekelama, tama dage tulaluama, tama dage tigidali dolabuo.

Te Israel me Juda Hani Sigo Tuni Bidigo Po Elalubo Buku Si 17:11

Tama augwaligo te bulu dude lotu po wabo pesagede tama augwaligo te tǫde polobadu bidali we bidi dabego lotu po weyu yali kolesaga tiwai delidu wali pali, tama augwaligo te dwagi yai hano holama, denami ebo pauda siaba uluyu yai. Te Israel hani dabe augwaligo te haniani dwai kolesaga ebaso, te Genuai Bidi Godigo moni sębę mu yali.

Bomai Po 16:22

Tama dagego te tibo god agaba lotu waboba te masigi du pos tede me bulamuo. Te tobage nai dabe te Genuai Bidi dago God agai gedude te dwai nai mu dao,” Mosesgo te po wai.

Aisaia 2:8

Tama me ma, augwaligo tǫ tibo god dabego piksago pągąna pali. Tama augwaligo augwa te nogogo nigali nai dabeba lotu po wabo dao.

Jeremaia 3:6

Te Josaia king bidali side, Genuai Bidigo enabolo te tiwai po wali, “Nago te enaba homu kęą pabo kolesaga tagalali we Israelgo ebo dwai kolesaga suyu digi eba, agawe? Aga te tigidali bulu duba holama, me te tigidali genuai ni dologoba pelama, te dwai penani kolesaga ebo dao.

Esekiel 20:28

Te eno augwali mawaibao olama po dąų wali tǫba te augwali odasa asali sogo, augwaligo te genuai ni dabe te genuai bulu du dabe sulama, te augwaligo te homu eyu, te tibo god dabeba lotu wabo pesage dabe wiegi yai elaluba homu yali. Tama augwaligo te hasa dabe me wain dabe hauwa seselama, augwaligo ofa yali, te tiali kolesagade augwaligo ena haliga sębę dwai mu ilai dao.