Te Israel me Juda Hani Sigo Tuni Bidigo Po Elalubo Buku Si 16:14 - Godigo dwagi yai po buku

¹⁴ Tama te king Ahas agai te gesi alta tede te ofa nai ula mena silali, tama agai te polobadu te ain brasgo nigali alta sela sąnama, tama te gesi nigali alta bogo badu dodolali, te not pedai badu. Hasia te ain brasgo nigali alta sai te gesi alta sai uga togolu te Godigo tempel be tų edaba togolu elama, tomo agebelede te polobadu alta sai dodolali.

Te Israel me Juda Hani Sigo Tuni Bidigo Po Elalubo Buku Si 16:14 Referans Kwoze

Tuni Bidi Dabego Po Elalubo Buku Si 4:1

Te king Solomongo pode augwaligo bras selama, alta me deli nigali. Te nai bobobage te 9 mita usu nama, tama aga genuai me te 9 mita usu nama nigali, tama aga bobobage ugwaba da te 4 hap mita tama usu nama nigali.

Ma Dobola Sali 40:29

Tama nosali augwaligo te ofa ebo moni alta te ugwa be tų pąde muani. Tama te altade augwaligo te siago domainu tigidali ulubo kibu bulmakau me, te wit me, augwaligo ofa yali, te Genuai Bidigo Moses dali po wali gilama tama tiai dao.

Ma Dobola Sali 40:6

Tama te ofa dabe yabo genuai alta te ugwa obo tų pąde muao, te mesalode.

Matyu 23:35

Tama tibaso, te doloba pai bidi dabe augwali e tǫde bidaluali, tama te bidi dabego augwali ela silalio, te sęgę dugade naga elaluaibao. Augwaligo te doloba pai bidi dabe ela silali, te wiegi yai bidi Abel gagalasa pelama, te Sekaraia teba usu nigi palio, te Berekiago ogwa, aga dagego te Moni Lotu Be tempel tomode ela muani, te dwasianu be dąį togali me te ofa muabo sai te si tomode dagego Sekaraia ela muani.

Tuni Bidi Dabego Po Elalubo Buku Si 1:5

Tama me te alta me te Genuai Bidigo ugwa be gesabidi badu me elaluali, te bulu Gibeonde. Te da te brasgo nigai alta dao, te bidi Besalelgo polobadu nigai dao. Besalel te Urigo ogwa dao, tama wąį te Hur dao. Tialima Solomon aga te tigidali we bidi dabe dali te buluba pelama, augwali teba lotu po wagi pali, te Godiba.

Te Israel me Juda Hani Sigo Tuni Bidigo Po Elalubo Buku Si 16:11

Tama te pris bidi Uria agai te king Ahasgo wali po agai odali, tama agai te Damaskus bulude elalubo alta tiwai mu tama nigali, tama te king Ahas aga te Jerusalem buluba asisąbadi yaide, te pris bidi Uriago te alta polo nigila silai.

Ma Dobola Sali 27:1

Tama Genuai Bidigo po ma naga weyu, te po wai, “Dagego te ni akas selama, te alta sai nigao, te moni halobage tiwai pąde dao. Te tigidali bogo sesege badu te deli tigi gagawai naga nigilao, te usu ni 2 mita 30 sentamita, tama te daide ugwadu usu sabo me ma te usu ni 1 mita 30 sentamita, tama usu nama nigao.

Ma Dobola Sali 27:2

Tama te kibu bulmakau gąų tiwai nai me si me si te ni akasgo nigilama, tama deli deli dage badu dąų walama, tama te alta tigidali te brasgo mesegelao, te aga deli tigi naga elaluaibao.

Te Israel me Juda Hani Sigo Tuni Bidigo Po Elalubo Buku Si 16:13

Tama agai te ofa nai te siaba naga ulama, tama tigidali siago dela pela silai. Tama te sia gagawai nai te wit te ofa nai ulali, me te wain wę gelebo ofa yali. Tama te aga hasa kaneme selama, tama te God dali te deli homu ebo ofa yali, tama agai te hasa kaneme te alta daiba segeni sąsąga pali.

Te Israel me Juda Hani Sigo Tuni Bidigo Po Elalubo Buku Si 16:15

Tama te king Ahasgo te pris bidi Uriabolo e tama po wali, “Tigidali sogo nago te ofa nai ulainu da, teda nago te gesi alta saiba naga pelama, ofa nai ulao. Tigidali sogo te kigamu naga nago te isigo dela pabo ofa nai naga uluyu, me te tigidali sogo te pio naga te sia gagawai nai te witgo naga ofa nai ulao. Tama nago te king bidigo ofa nai ula mayu, tama te tigidali we bidigo ofa nai uluyu yao,” po wali. “Te ofa te tigidali te siaba sese ula palobo ofa nai da, tama me te sia gagawai nai witgo ula mabo ofa nai da. Tama me te nago te gasa ofa ebo te we bidi dabe ofa tama yao,” wali, “te ofa te nago te wain wę gelao. Tama nago te tigidali hasa kaneme selama, te ofa elama, tama te gesi alta saiba segeni sąsąga pao. Tiali goli, te brasgo te nigali te alta sai, te ena naga dao. Te alta sai eno naga dolaluabo page te eno Godibolo hanaluama, tama agai enabolo te tigidali sę eno yabo sę te agai mobogo te eno mobo ola momainao,” te po wali.

Tuni Bidi Dabego Po Elalubo Buku Si 29:19

Tama me dago te king Ahas agai God tudi ola menama Genuai Bidigo bede sela sąwani te dis dabe me plet dabe, dago te nai dabe sese tama ma Genuai Bidigo beba ma sesalio, tama Genuai Bidigo gedude te nai dabe wiegi yai ma ilalio. Tama dago te Genuai Bidigo alta pąde munama elalubao,” wali.