E po da, te bidi Amosgo pusali po dao. Amos aga te Tekoa taun bidi da, tama aga te sipsip kibu hauwa page bidi me deli bidai dao. Godigo agabolo te Israel hanide e po mani sogo, aga te nade subo nai tiwai gilama yali. Te sogo Usia te Juda tǫ kantri king bidibo sogo, me te Jeroboam, te Joasgo ogwa, te Israel tǫ kantri king bidali. Te sogo Amosgo te nade subo nai tiwai sulama da, teda nosali badu te kibu be si bidama da, te genuai tǫ mali yai.
Te Israel me Juda Hani Sigo Tuni Bidigo Po Elalubo Buku Si 14:16 - Godigo dwagi yai po buku16 Tama nosali te king Jehoas isali, tama augwali aga tigi te Israelgo king bidi pubalubo gų pageba te augwali Samaria buluba pubaligi pali. Tama aga ogwago nogi Jeroboam, tama agai te aga ayago yali sę selama, tama aga king nigilama, te bulude bidali. Gade chapit la |
Te Israel me Juda Hani Sigo Tuni Bidigo Po Elalubo Buku Si 14:16
13 Referans Kwoze
Te Usia, me Jotam, me Ahas, me Hesekia, te bage deli deli augwali te Juda dabego king dabe bida bida pali sogo, God Genuai Bidigo agai po Hoseabolo mawai. Hosea da te Berigo ogwa dao. Tama Jeroboam, te Jehoasgo ogwa, te Israel king bidai dao. Te bidi dabe king pedelama bididubadi, tama Genuai Bidigo Hoseabolo te po maduai.
Te king Jehoasgo agai te gasa tigidali sę yali po dao, te gasa bukude elalubo, augwaligo te buku e tama nogi wabo da, Te Israel King Bidi Dabe Augwaligo Yali Sę Po Buku. Tama te bukude po tigidali te bomai sę agai yali po dao, tama agai te boi hwįani, te Israel hani dabe augwaligo te Juda dabego king bidi Amasia dali hwįani po.
Te king Jehoasgo te tigidali te haniani sę yali po da, te gasa bukude elalubo dao, augwaligo te buku nogi ebo da, Israel Hanigo King Bidi Dabe Augwaligo Haniani Sę Po Elalubo Buku da wabo dao. Te e bukude te Israel hanigo te Juda hanigo king bidi Amasiago hani dali te boi hwįbode te king Jehoasgo te haniani bomai sę yali po elalubo buku dao.
Te king Amasia te Joasgo ogwa da, tama agai kibu be te 15 kibu be yai, te Juda hanigo king bidi tama kibu be bidali, Jeroboam, Jehoasgo ogwa, aga te Israel hanigo king bidi nigilama, pedelali. Tama aga te Samaria bulude te king bidi nigilama bidiyu, tama te kibu be te bidi sese si olama, te deli, te 41 kibu beba usu nama bidai dao.
Te po te king Jeroboamgo te gasa tigidali haniani sę yali po dao, te po te gasa bukude te elalubao. Te buku augwaligo e tama nogi wabo da, Te Israel Hanigo King Bidi Dabego Yali Sę Po Elalubo Buku dao wabo dao. Te e bukugo te king Jeroboam agai te bomai sę yali po me, me te boi hwįnama te taun Damaskus dali, te taun Hamat dali si ma sali po elalubo buku dao. Polobadu te Juda hani augwaligo te Hamat taun tonaluai dao.
Piblisite