Te Israel me Juda Hani Sigo Tuni Bidigo Po Elalubo Buku Si 13:14 - Godigo dwagi yai po buku

¹⁴ Te Jehoas aga king nigilama bidibo sogo, Elisa aga monu dabe bidiyu, tama aga gasi sali. Tama te pąde aga isabo ąǫ ebadi yaide, tama te king Jehoas aga pelama, sugi pali. Tama king Jehoasgo Elisa aga sulama, homu dene eyu, tama aga gela wali, tama agai agabolo e tama po wali, “Eno aya, eno aya, nage bomai bidi, nago da Israel tau sai bidi dao, nage da, te boma pai boi hwįbo hos kibu me, te karis nai me tiwai mu dao,” wali.

Te Israel me Juda Hani Sigo Tuni Bidigo Po Elalubo Buku Si 13:14 Referans Kwoze

Filipai 2:26

Agai dwai homu mu eyu, tama agai homugo aga dageba polo paio wabo. Magi baso meni, dagego aga gasi yali po odali, te po agai odali. Tama agai te po odama, tama dagego agade moni homu idali weyu aga dagede homu dene eyu dage sugi pabo homu eyu bidibao.

Te Israel me Juda Hani Sigo Tuni Bidigo Po Elalubo Buku Si 2:12

Elisago te Elaija pabo sulama, tama te Elisago agai i weyu, e tiwai tama wai, “Eno aya, eno aya. Nage bomai bidi mu dao, te Israel bage tau sali bidi mu dao. Tama nage te hauwa hwįbo nai te kibu hos me te karis, nage te tiwai dao,” wali. Elaija te dagaluba polo paide te Elisa agai munu ma sube, tama tibaso, te Elisa aga haligade moni homu sęgę mu eyu, te aga te bobobage bulubo ugwa tomode si peda sąyani. Te page e tiwai, aga homu dene ebo page ola mani.

Dwagi Yai Gesi Po Jongo Asęani 11:3

Tama tibaso, aga abe sigo Jisas bidibo digi po ola tolai. Augwali sigo te po wai, “Genuai Bidi, nago godolo mu yali bidi aga gasi salio,” te po wai.

Te Israel me Juda Hani Sigo Tuni Bidigo Po Elalubo Buku Si 20:1

Tama te Asiria hani augwali asama, te Juda hani me dolagasiąbadi, te sogo, te king Hesekia aga moni gasi mu sali, tama pąde aga isabo homu mu yali. Tialima, te profet bidi Aisaia, te Amosgo ogwa, agai te king Hesekia gasi ebo sugi pelama, tama agai e tama po wali, “Genuai Bidigo e tama po wali, ‘Nago te gasi sia sogobeo, tama nage isaibao,’ wali, ‘tama teyu nago te naga bede bidibo we bidi augwalibolo e po wao, tama augwaligo te nago sę dabe dodolinao,’ God Genuai Bidigo te po wai,” Aisaiago te po wali.

Tigidali Nai Gagalama Nigali Side 48:1

Te meba sogo bidama nosali, augwaligo Josepbolo te po wali, “Nago aya gasi elalubao,” wai. Tama Josepgo aga ogwa si, Manase me Efraim si oda sobadi, tama augwali pelama, aga aya sugi pali.

Dwagi Yai Gesi Po Makgo Asęani 6:20

Magi baso meni, Herot aga te Jonde wi yai. Agai koneani, Jon aga te wiegi yai tama doloba pai bidi bidali. Tama agai te aga bugagia tonaluali. Agai te Jongo pusubo po odama, tama aga homu hauwa elama, tama aga homu sęgę iduali. Tiali goli agai te agai po odobo te godolo mu yai.

Aisaia 57:1

Te bidi dabego te wiegi yai we bidi dabe isibo sogo, te augwa homu si me ebeo, tede homu kone palobo menio. Tama augwa te tiwai homu me sabeo, ‘Genuai Bidigo te bidi dabe isimainogo ilama, te augwaliba pedelainu yali dwai sę te geda mumainogo ebao,’ te homu egobeo.

Godigo Sęba Tagala Palai Bidigo Po 13:36

Tama Devit agai Godigo sę aga hani we bidi tomode elama, tama aga nosali isai. Tama isąma, augwaligo aga wąįgo masigi dudulaweba mugi pai. Tama tede aga tigi damua pai. Tama dago Devitgo polobadu wali po koneao, te po wali Devit aga tigide wabe. Agai tigide wabeo.

Sekaraia 1:5

Megi da, dagego wąį dabe polo isila pai dao, tama te profet dabe augwali me isai dao.

Esekiel 22:30

“Te eno po pusulama, te we bidi dabe enaba ma odasa asabo bidi deli me eno gegebo usu sali. Tialima, eno gegebo sę ela pali, menio. Te tobage bidi bidigi sogo da, aga te taun dolainu asobo boi bidi dabe asobo sunumi paligi da, te taun bagulali obo tiwai pedaligi da. Tama aga te obo alua pali badu dolalu, te boi bidi dabe taun tomoba asainu ebo sogo, te hwįbo bidi tiwai pedaligi da. Ena digi eno te Israelgo boi bidi tiwai pedelali, te eno augwaligo tǫ kantri dolainu yali, tiali goli te tobage bidi bidigi sogo da, eno tama sę igi menio. Tialima, eno te tiwai bidi me subeo. Mu menio.

Esekiel 14:14

Te Noa, me Danel, me Jop, te wiegi yai bidi sela te tǫ kantride bidigi sogo da, te tagalao, eno te sela bidide homu kone elama te dwai sę ebo we bidi augwaliba eno olo tau mabo wiegi yai kolesaga me igi menio. Menio. Te doloba pai bidi sela naga bugagia bidimainu eno sula tagalaibao, tama te we bidi augwali da isimainao homu igi dao. Ena God Genuai Bidigo eno te tama po wai dao.”

Bugagia Bidibo Kolesagade Po Asęai Buku 11:11

Te doloba pai bidi dabego te augwa taun tomode wiegi yai kolesaga ebaso, te tebogo te taun wiegi yai pedelaibao. Tiali goli, te dwai kolesaga ebo bidi dabe, augwaligo te dwai po haniani weyu, tama tego te taun dolobo dao.

Godigo Nogi Ugwaba Sabo Tęąbi Po Wabo Buku Dabe 12:1

God, nago da tau sao. Te wiegi yai bidi deli me bidibo menio. Te doloba pai bidi dabe subo me usugobeo.

Te Israel me Juda Hani Sigo Tuni Bidigo Po Elalubo Buku Si 6:21

Te Israel king bidigo sualima, te Siria bidi dabe te taun tomode bidibo sulama, tama agai te Elisabolo e tama hanalu wali, “Genuai bidi, tialima eno augwali elama, isilagawe, a?”

Te Israel me Juda Hani Sigo Tuni Bidigo Po Elalubo Buku Si 13:12

Te king Jehoasgo te tigidali te haniani sę yali po da, te gasa bukude elalubo dao, augwaligo te buku nogi ebo da, Israel Hanigo King Bidi Dabe Augwaligo Haniani Sę Po Elalubo Buku da wabo dao. Te e bukude te Israel hanigo te Juda hanigo king bidi Amasiago hani dali te boi hwįbode te king Jehoasgo te haniani bomai sę yali po elalubo buku dao.

Te Israel me Juda Hani Sigo Tuni Bidigo Po Elalubo Buku Si 13:13

Tama nosali te king Jehoas isali, tama augwaligo aga te Samaria bulude te Israel hani dabego king bidi isibo side pubalobude gų pagede augwaligo aga pubulali. Tama te gasa Jeroboam te aga sabi bidigo tama aga king nigilama, te king Jehoasgo sę yali silide agai selama, sę yali.

Te Israel me Juda Hani Sigo Tuni Bidigo Po Elalubo Buku Si 13:15

Tama Elisago agabolo e tama po wali, “Nage pelama, naga enesigi selasa asao,” wali. Tialima, Jehoas aga pelama, tama te enesigi selama, tama magasali.

Tigidali Nai Gagalama Nigali Side 49:33

Jekopgo aga ogomani dali po mia silama, te aga sągą te bet sai dologo tomoba bulama, tama aga isali. Aga te aga hani bage bidalubo madi, te isali bidi dabego buluba tama pai.

Tigidali Nai Gagalama Nigali Side 50:1

Josep aga aya bauba pigiluama, tama aga gela olama, tama agai aga gesabidide nono nani.