Te Israel me Juda Hani Sigo Tuni Bidigo Po Elalubo Buku Si 12:5 - Godigo dwagi yai po buku

⁵ tama pris bidi dabego te we bidi dabe augwaligo dagebolo mabo mone dagego bugagia tonaluao. Tama te sogo dagego suali madigi, te Genuai Bidigo tempel be te me badu pedai badu deli dolai baso da, teda dagego te mone selama, tama dagego te tempel be dolali dodolobo bidi abelao,” wali.

Te Israel me Juda Hani Sigo Tuni Bidigo Po Elalubo Buku Si 12:5 Referans Kwoze

Aisaia 58:12

Tama te dolali taun dabe dagego ma nigaibao. Dagego te be dabe te polobadu sę yai elaluali pesagede ma sę yaibao. Tama dage nogi augwaligo te tiwai waibao, ‘Te taun obo dabe ma dodolobo hani dabe’, me ‘Te augwali te sunumi dabe me be dabe bugagia ma dodolobo hani dabe dao,’ waibao,” wali.

Tuni Bidi Dabego Po Elalubo Buku Si 24:5

Tama agai pris dabe me Livai dabe sisinama, tama augwalibolo e tama po wali, “Dage tigidali Juda dabego taunba pelama, tigidali we bidibolo dena Godigo be dodolabo mone maiąo po wao. Dagego te sę tigidali kibu bede iyąo. Tama megi da, dage polo pelama, te mone dabe polo sigi piąo,” wali. Tiali goli Livai dabego te polo ebeo.

Te Israel me Juda Hani Sigo Tuni Bidigo Po Elalubo Buku Si 12:12

Tama te bidi dabe augwaligo te masigi be sę ebo koneai bidi me, me te masigi togobo koneai bidi me, tama me te ni name me, me te masigi me, te sę yabo doado bage abelebo bidi dabe me tama abelali. Tama me te gasa nai dabe me te nai dabego augwaligo te sę ebo tau sabo da, tama augwaligo te deli monego naga abelebo dao.

Te Israel me Juda Hani Sigo Tuni Bidigo Po Elalubo Buku Deli 11:27

Jeroboamgo te king Solomon aiyaba elaluabo homu yali. Te homu yali po page te e tiwai dao. Te Solomongo te Jerusalem odogo bulu tǫ pągąnobo sę yali sogo, me te Devitgo taun bagulubo obo sę dodolali sogo,

Tuni Bidi Dabego Po Elalubo Buku Si 24:7

Joas agai te sę yainogo yali, te magi baso meni, te dwai we Atalia aga kwin bidali sogo aga hani meba te Genuai Bidigo tempel be tomoba tula pelama, tama meba nai dabe dolai dao. Tama me augwaligo Genuai Bidigo nai dao olama sa muani nai dabe sese sela pali. Te nai dabe sela pelama, te tibo god Balba lotu wainu sela pali.

Te Israel me Juda Hani Sigo Tuni Bidigo Po Elalubo Buku Si 12:4

Tama te Joas agai te pris bage i wali, tama augwali asobo si, tama agai augwalibolo e tama po wali, “Te pris bage dagego te tigidali mone selasa asao, te tigidali we bidi dabego te Genuai Bidigo tempel bede mubo takis mone dao, tama me te bidi dabego te bodolu ponaniba usu numainogo te augwaligo te mabo mone me,

Te Israel me Juda Hani Sigo Tuni Bidigo Po Elalubo Buku Si 12:6

Tiali goli, me badu nosali kibu bede, agai te king bidi bidibadi, agai e tama kibu be bidali, te 23 kibu be bidali, te Joasgo suali, ma te pris bage augwaligo te sę me deli ebe, te Genuai Bidigo tempel be dodolobeo.

Ma Dobola Sali 30:13

Tigidali bidi dabe augwali nogi sali bage, augwaligo te mone ge a naga te enabolo te ofa tiwai mao.

Pris Sę Ebo Bomai Po 27:2

te Israel dabebolo te tiwai po walao wali, “Te bidi me deli aga po dąų waliyu, te aga enaba mawaibao, ma gasa bidi me we te enabolo mawaibao wai baso da, teda agai te dąų wali po usu nainogo te monego te bidi ma we hasegelainogo eyu, te mone meba pris bidiba mao,” te po wai.

Israel Hanigo Namba 18:15

Te Israel dabego gomunai wai dabe, me hasa dabego gomunai wai dabe, augwaligo enabolo ofa sesebo, te me dagego mu dao. Tiali goli, te hasa meba augwali te ofa maiabo wiegi yai nai mu menio, te tobage hasa gomunai wai dabe te ofade sigio. Te page bidigo monego te hasa gomunai wai hasegeleyu, tama te mone nago sao. Te me te Israel dabego augwa gomunai wai augwali monego hasegelama abelemainao.

Te Israel me Juda Hani Sigo Tuni Bidigo Po Elalubo Buku Si 22:4

“Nago te tobolu pris bidi Hilkia sugi pelama, tama agabolo e tama po wao, te Genuai Bidigo tempel be tųde tonalubo bidi dabe augwaligo te tigidali we bidigo mabo te tigidali mone nedao wao,” wali.

Tuni Bidi Dabego Po Elalubo Buku Deli 29:6

Te deli sibi hani bage augwa tobolu bidi dabe dali, te Israel hani dabe augwa tobolu bidi dabego me, te 1,000 ami bidi tonalubo ofisa dabego dali, te 100 bidi tonalubo ofisa bidigo me, te kingo nai dabe doado bage tonalubo bidi dabego badi, augwaligo Devitgo te wali po oda selama da, te augwaligo haliga hogodama, te augwa wiegi yai nai dabe mawai dao.

Tuni Bidi Dabego Po Elalubo Buku Deli 29:9

Te we bidi augwaligo te augwa polalubo tobolu bidi dabego augwa haliga hogodama, te augwa wiegi yai nai mabo sulama, te augwa wiegi yai pemene umabo mu yalio. Tama king Devit me wiegi yai pemene umabo mu yalio.