Te Israel me Juda Hani Sigo Tuni Bidigo Po Elalubo Buku Si 12:4 - Godigo dwagi yai po buku

⁴ Tama te Joas agai te pris bage i wali, tama augwali asobo si, tama agai augwalibolo e tama po wali, “Te pris bage dagego te tigidali mone selasa asao, te tigidali we bidi dabego te Genuai Bidigo tempel bede mubo takis mone dao, tama me te bidi dabego te bodolu ponaniba usu numainogo te augwaligo te mabo mone me,

Te Israel me Juda Hani Sigo Tuni Bidigo Po Elalubo Buku Si 12:4 Referans Kwoze

Te Israel me Juda Hani Sigo Tuni Bidigo Po Elalubo Buku Si 22:4

“Nago te tobolu pris bidi Hilkia sugi pelama, tama agabolo e tama po wao, te Genuai Bidigo tempel be tųde tonalubo bidi dabe augwaligo te tigidali we bidigo mabo te tigidali mone nedao wao,” wali.

Ma Dobola Sali 35:29

Tigidali Israel we bidigo Genuai Bidibolo nai maiabo homu yali bage, augwaligo dwagi yai homu eyu, te Genuai Bidigo sę te Mosesbolo yao wali, te sę yainogo, te nai dabe olo sela asai.

Ma Dobola Sali 35:22

Tama tigidali we bidigo homugo, te augwaligo e tobage haniani au dobage dabe sela pali, gudubo ugwade walobo pin me, olode walobo ring me, nogode mubo ring me, magede domobo beli me, tama golgo haniani doado bage sela pai. Tama te we bidi dabe augwaligo te doado bage te Genuai Bidibolo te ofa tiwai elama, mu mawai dao.

Dwagi Yai Gesi Po Lukgo Asęani 21:4

Te tigidali we bidi augwaligo masigi hauwa me badu munalubo. Augwaligo me badu naga Godibolo manio. Tiali goli, e we da masigi aga mu mina salio. Te we agai masigi tigidali Godibolo manio. Te we aga nai abela tuabo masigi mu mina salio,” Jisasgo te po wai.

Esra 7:16

Tama me nago te Babilon tǫ pedaide sali te silva me gol tigidali sobadi, te dage Israel we bidi me, te duga pris dabego dali, te Godigo be te Jerusalemde olo maiabo homu yali nai dabe badi selasa pagameo.”

Esra 2:69

Te doado bage umabo elalubo bidi dabego te nai hauwa mani, tama te dwasianu nai elalubo bidi dabego te dwasianu nai mawai. Te Israel dabego mani tigidali golgo sęgę te 500 kilogram yali, tama te mani silvago sęgę, te 2,800 kilogram tama yali, tama augwaligo te prisgo gudubo ugwa te 100 manio.

Esra 1:6

Tama gasa hani dabe te Israel pąde bidali bagego augwali tau siyu, tama augwaligo te silvago nigai dis genuai pou mayu, te gol me mayu, te nai me augwaliba mawai. Tama augwaligo gasa wiegi yai nai me mani, tama te Godigo bede ofa yabo hasa dabe me manio. Tama augwaligo te Israel dabeba te nai dabe sela pabo kibu donki dabe me manio.

Tuni Bidi Dabego Po Elalubo Buku Si 35:2

Tama Josaiago te pris dabe dodolama, tama augwali deli deli augwa sę te Genuai Bidigo tempel be tomode ma yao po wali, tama me agai augwaligo homu dąų walali augwaligo te sę bugagia emainu.

Tuni Bidi Dabego Po Elalubo Buku Si 31:12

Tama augwaligo te we bidigo Genuai Bidibolo mani te nai dabe me meba gasa nai dabe selama, te be habu dabe tomoba muani. Tama Livai bidi me aga nogi Konaniago te sę tonaluali, tama aga ama Simei aga tudi badu namba tu dolaluali.

Tuni Bidi Dabego Po Elalubo Buku Si 15:18

Tama Asago aga ayago Godigo nai dao olama sa muani te nai dabe sese me silva me gol me haniani dis dabe me, te aga digi Godigo dao olama sa muani te nai dabe sese selama, tama Godigo tempel be tomoba mugi pali.

Tuni Bidi Dabego Po Elalubo Buku Deli 29:17

“Eno God, nago tigidali bidigo haliga usu sabo da, tama nago te bugai haliga te doloba pai kolesaga ebo bidigo ebo sueibao. Eno te homu kone palama, tama me eno nago genuai nogiba homu kone elama, tama eno haliga hogodalu, eno te nai dabe nagebolo mawai. Te tobage deli kolesagade naga, nago te we bidi dabego te augwa nai dabe manio. Te eno augwaligo tama tebo sę ebo sulama, eno wiegi yai homu pemene umagi mu ebao.

Te Israel me Juda Hani Sigo Tuni Bidigo Po Elalubo Buku Si 12:18

Tiali goli, te king Joasgo agai te homu yali, ‘Te king Hasaelgo aga ami soldia bage dali aselama, te eno hani dali te e Jerusalem taunba hwįagasigio,’ homu yali. Tama teyu, te Joas agai te king Hasaelbolo te olo mabo doado bage tolali. Tama te Joasgo te aga wąį nǫųgo tigidali doado bage aga naga sai, te king Jehosafatgo doado bage me, tama me te king Jehoramgo doado bage me, tama me te king Ahasiago doado bage me, augwaligo te Genuai Bidiba dąį ilai doado bage dabe da, tama te king Joas agai me te tigidali doado bage te Genuai Bidiba dąį ilali me, tama me te agai te tigidali gol me, te Genuai Bidigo tempel bede te mone mubo habadu muani goli me, me te kingo bede muani gol me agai sali. Tama agai te nai dabe selama, te king Hasaelbolo olo mu te bugai homu pemene iliyu mani. Tama te king Hasaelgo te doado bage dabe sali, tama tibaso, agai te Jerusalem bage dali hwįsąma, sula taga pali.

Te Israel me Juda Hani Sigo Tuni Bidigo Po Elalubo Buku Deli 7:1

Te Solomon aga obo tomode genuai bego digi sę yani, tama te sę ebo bidi dabego te be silabo sę idubadi te kibu be 13 te be dabe sę ebo sę yai dao.

Pris Sę Ebo Bomai Po 27:31

Te bidi me deligo te naigo meba abelainogo ebaso da, teda agai abelemainao. Te naide mone 5 kina yai baso da, teda agai 6 kinago hasegeliyu abelama, te pris dabeba mao.

Ma Dobola Sali 36:3

Tama Mosesgo te bidi dabe augwalibolo te Godigo ugwa be sę emainogo te Israel dabego sisinani nai tigidali te augwalibolo mawai. Tama tigidali sogo kigamu te Israel we bidi augwaligo te Godibolo te ofa tiwai maiabo nai dabe selasa pabo sę idu geai.

Tuni Bidi Dabego Po Elalubo Buku Deli 18:11

Devitgo te Toigo wiegi yai homu eyu mani nai dabe agai te Genuai Bidiba dąį ilama manio. Agai te tobage deli kolesaga te agai gasa boi bidi dabe elaluama sali silva me gol te Genuai Bidiba naga mawai, te Idom dabe, me Moap dabe, me Amon dabe, me Filistia dabe, me Amalek dabe, te hani augwali Devitgo aiyaba elaluai dao.

Te Israel me Juda Hani Sigo Tuni Bidigo Po Elalubo Buku Si 12:5

tama pris bidi dabego te we bidi dabe augwaligo dagebolo mabo mone dagego bugagia tonaluao. Tama te sogo dagego suali madigi, te Genuai Bidigo tempel be te me badu pedai badu deli dolai baso da, teda dagego te mone selama, tama dagego te tempel be dolali dodolobo bidi abelao,” wali.

Te Israel me Juda Hani Sigo Tuni Bidigo Po Elalubo Buku Deli 3:2

Polobadu te Israel dabego te Genuai Bidigo be me deli te dolo me sesiąwai, te augwa Genuai Bidiba lotu wabo digi tama, tama tiyu, te we bidi dabego te Genuai Bidiba ofa ebo sę te lotu wabo pesagede te bulu du bage dabede ofa eyu yai dao.

Te Israel me Juda Hani Sigo Tuni Bidigo Po Elalubo Buku Deli 3:3

Solomongo te Genuai Bidi godolo mu elama, tama agai te wiegi yai kolesaga dabe wali pali, te aga aya Devitgo kolesaga tiwai yali, te agabolo te tiwai tama yao po wali. Tiali goli, agai me te kibu dabe elama, tama te lotu wabo pesagede te Genuai Bidiba ofa eyu yai, te bulu du bage dabede tama iduai.

Te Israel me Juda Hani Sigo Tuni Bidigo Po Elalubo Buku Si 14:4

Magi baso meni, te king Amasia agai te augwaligo te tibo godiba lotu po wabo pesage te king Amasiago me dolobeo. Tama tibaso, te tigidali we bidi dabego me sę eyu bidali, te augwaligo te lotu po wabo bulu du pesageba pelama, tama augwaligo te tibo godiba te denami yai ofa nai ula mayu, tama me te wiegi yai hano holama denami ilibo pauda ulubo sę iduali.

Te Israel me Juda Hani Sigo Tuni Bidigo Po Elalubo Buku Si 15:4

Tiali goli, te king Usia agai te augwaligo te tibo god dolo lotu po wabo bulu du pesage me dolobeo. Tama teyu, te we bidi dabe augwaligo te tibo god dolo te denami yai ofa nai me, tama me te dwagi yai hano holoyu, denami naga pedalumainu ebo pauda ulubo sę me iduali.

Te Israel me Juda Hani Sigo Tuni Bidigo Po Elalubo Buku Si 16:4

Tama te king Ahas aga te tibo god dolo lotu po wabo bulu du pesageba piduai. Tama te lotu po wabo pesage te bulu du ugwadu elaluyu, tama me te moni ni page pąde nigilama, elaluyu yai. Tama agai te pesagede agai te ofa nai ula mayu, me te dwagi yai hano ilama, denami ebo pauda siaba ulama, dwagi yai denami yali.

Te Israel me Juda Hani Sigo Tuni Bidigo Po Elalubo Buku Si 17:11

Tama augwaligo te bulu dude lotu po wabo pesagede tama augwaligo te tǫde polobadu bidali we bidi dabego lotu po weyu yali kolesaga tiwai delidu wali pali, tama augwaligo te dwagi yai hano holama, denami ebo pauda siaba uluyu yai. Te Israel hani dabe augwaligo te haniani dwai kolesaga ebaso, te Genuai Bidi Godigo moni sębę mu yali.