Te Israel me Juda Hani Sigo Tuni Bidigo Po Elalubo Buku Si 12:16 - Godigo dwagi yai po buku

¹⁶ Tiali goli, te we bidi dabe augwaligo te God dolo mu augwa te dwai kolesaga yali sęgę dodoluyu ofa mabo mone me, me te sęgę sela sąbo ofa yali, te tibo mone augwaligo te Genuai Bidigo tempel be dologa pali dodolobo mone mubo halobagede augwaligo te mube. Augwaligo te tobage ofa mone te pris bidi dabe augwalibolo naga dolo mani.

Te Israel me Juda Hani Sigo Tuni Bidigo Po Elalubo Buku Si 12:16 Referans Kwoze

Pris Sę Ebo Bomai Po 7:7

“Te dwai sęgę sela sąbo ofago bomai po me, te dobo kolesaga silimainogo ebo ofago bomai po me, te si te augwa bomai po dedeli naga elalubao. Tibaso, prisgo te kibugo ofa ebo side te tobage ofa si yaibao, aga digi te ofa ebo bulmakau mi ma sipsip mi somainu ebo dao.

Pris Sę Ebo Bomai Po 4:29

Te agai meme kibu toboluba bolo nogo munama da, te nosali agai te siago tigidali dabo ofa ebo pesageba sela pelama, ela mubaso usu dao.

Pris Sę Ebo Bomai Po 4:24

“Te Genuai Bidigo gedude agai te meme toboluba bolo nogo munama, tama nosali agai te kibu dabe elama, te isiba ulama domainu ofa ebo pesagede te meme kibu elimainao. Te meme kibugo aga sęgę sela sąbo ofa ebo dao.

Hosea 4:8

“Te eno we bidi dabego dwai sęgę selama, tama tede te hasa dabe ofa mayu, tama te ofa nai te dagego tubo nai tiwai ebao. Tama tiyu, dagego te tobage ofa nai hauwa somainu eyu, dagego te we bidigo dwai sę umabo emainao homu mu ebao,” wai dao.

Israel Hanigo Namba 18:19

Te Israel dabego enabolo mabo te ofa dabe meba, megi da, eno nage dali naga wai dabe dali tigidali sogo mawaibao. Eno tede te kontrak nage dali, me nago wai hani dali, te kontrak tigidali sogo mu te ebao, tama eno te kontrak toga sągobeo. Mu menio,” wali.

Nehemia 13:13

Tama eno te pris Selemia, me te po page koneai bidi Sadok nigilali, me Pedaia, te Livai hani me deli, te be habu dabe tonalumainogo yali. Tama eno te augwali tau sabo bidi me deli nigilali, aga nogi te Hanan, te Sakurgo ogwa, tama te wąį nǫų Matania dao. Te gasa bidi dabego te po wali, te bidi dabego te doloba pai kolesaga mu ebaso, tama eno augwali nigilali. Augwaligo te augwa deli sę ebo abagi dabede te nai dobabo sę ebo kolesaga elalubo dao wali.