Te Israel me Juda Hani Sigo Tuni Bidigo Po Elalubo Buku Si 11:2 - Godigo dwagi yai po buku

² Tiali goli, te ami soldia bidi dabe augwaligo te Joas deli digi elebe, te king Ahasiago ogwa, magi baso meni, Jehoseba, te we Jehoseba aga te king Joramgo wegi, tama te king Ahasiago aga abe, tama Jehosebago te Joas dali te aga tau siyu tonaluabo we me deli dali selama, tama augwali si te augwaligo te pibo somo gagawai nai matres dabe te pibo bet sai dabe mubo madigi te habuba Jehosebago te wai ogwa Joas me te aga tonaluabo we augwali si teba geme dualali. Tama tialima, te Ataliago te Joas ela muabo usu meni.

Te Israel me Juda Hani Sigo Tuni Bidigo Po Elalubo Buku Si 11:2 Referans Kwoze

Esekiel 40:45

Tama te bidigo enabolo e tama po walali, “Te not badu te elalubo be habu te Godigo be tomode sę ebo bidi dabego be habu dao. Tama te saut badu elalubo be habu te altade

Jeremaia 35:2

“Nage pelama, te Rekap hani bidi sugi pelama, te augwali dali po minama, te augwali ena Genuai Bidi, eno be habu me deliba odasa asao. Tama nago te wain augwaliba menama, te augwaligo tumainogo yao,” te po wali.

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.

Jeremaia 33:21

Te tiwai naga, te niwai bidi me deligo te eno bomo yai po ena sę bidi Devit dali dąų wali po me togogobeo, te king dabe agaihanide sesemane pedaludaibao. Tama me te Livai hani tepris dabe dali dąų wali bomo yai po, te niwai bidi megotogologobeo, te eno sę bidi dabe dao.

Jeremaia 33:17

Ena Genuai Bidi, eno te po obao, sesemane sogo te Israel hani dabede te king bidi te Devitgo hanide nagapedaludaibao.

Aisaia 37:35

Eno tama tiaibao, magi baso meni, eno ena genuai nogi homu kone palama, te polobadu eno dąų wabo po ena sę bidi Devit dali wali po koneyu, tama tiaibao,’ wali.”

Bugagia Bidibo Kolesagade Po Asęai Buku 21:30

Te nago wiegi yai homu elalubo, me te wiegi yai kolesaga koneani me, te nago mena sę ebo kolesaga wiegi yai koneani elalubo, te tagalao, tego nage dwasianu tau sainu ebo usu me egobeo, te nago Genuai Bidiba boi bidi ebaso da, te tama tiaibao.

Tuni Bidi Dabego Po Elalubo Buku Si 22:11

Tiali goli augwaligo te king Ahasiago ogwa Joas elebeo. Magi baso meni. Jehoseba te king Joramgo wegi, agai te Joas dali te aga tonaluabo wegi me dali, agai augwali si selama, tama agai augwali si te be habu me augwaligo bet dabe me matres me doado bage dabe wialobo be habude geme dualali. Tama Atalia agai Joas ela muabo usu ebe. Jehoseba te king Ahasiago abe dao. Tama tiyu, agai te Joas geme dualali. Jehoseba aga bidi te pris Jehoiada dao.

Te Israel me Juda Hani Sigo Tuni Bidigo Po Elalubo Buku Si 11:21

Joas aga te king nigilama, te king sę sali sogo, te sogo te aga kibu be nogo a olama, me badu nogo si, te 7 kibu be naga elaluali.

Te Israel me Juda Hani Sigo Tuni Bidigo Po Elalubo Buku Si 8:19

Tiali goli, Genuai Bidigo te Juda bagego bulu me dolobe. Magi baso meni, Genuai Bidigo te aga sę ebo bidi bidali koneama, te bidi te Devit, tama te me agai te polobadu po bodolu me te agai muai, te po bodolu e tiwai, te king Devitgo hani me deligo te king bidi nigilama bidaibao wai. Tama teyu, te Devitgo lam sole munu ma sula sogobeo wali.

Te Israel me Juda Hani Sigo Tuni Bidigo Po Elalubo Buku Si 8:16

Te Joram aga tama bidibadi, te kibu be nogo a naga pai, Joram aga te Ahapgo ogwa, aga Israel king bidi bidai, te Jehoram aga aya te Jehosafat da, aga aya king bidali pesagede selama, tama te Juda hanigo king bidi nigilama bidai.

Te Israel me Juda Hani Sigo Tuni Bidigo Po Elalubo Buku Deli 6:10

Te bego te habu selalubo be habu bagulali, tego te bedugu sela elaluali. Tama te pedu hani ugwadu daide te tobage deli tigi poai naga sela elaluali, te 2 mita me 20 sentimita usu tama. Tama augwa te ni bǫ me selama, te be pedu bagulali oboba podolama muani, te habu selali be habu dabe me te ni dabe te be plua nigali, te pos ni dabe ugwadu daiba muani, tama te be pedai badu te pedu tiwai pedelai dao.

Te Israel me Juda Hani Sigo Tuni Bidigo Po Elalubo Buku Deli 6:8

Te be sai si nigali habuba holobo togobili si elaluali, tama te togobili te be pedai saut badu elaluai.

Ma Dobola Sali 8:3

Tama te wę Nail te gedeligo mu pągąna selama, tama augwali te wę tagalama, tama tuni bidi nago genuai be tomoba aselama, tama nago pibo be tų bet saiba asaibao. Tama te gedeli dabe te nago sę ebo bidi dabego be tomoba, me te nago we bidigo beba asaibao. Tama te nai ulubo nai stov tomoba, me te bret nigibo pou tomoba bidagasaibao.

Te Israel Tobolu Bidi Dabe 9:5

Tama aga te aga ayago be elalubo bulu te Ofra teba ma geasa pai. Tama agai te aga ama dabe te bidi sese sela olama, nogo si bidi dabe te masigi me deli ugwadu daide augwali ela muai. Te bidi dabe te augwali Jerubalgo ogwa dabe naga tama elali. Tama Jotam te Jerubalgo sabi ogwa dao. Aga wi pelama, geme duala sigi pali, tama tiyu te Abimelekgo aga me ela mubeo.

Te Israel me Juda Hani Sigo Tuni Bidigo Po Elalubo Buku Si 11:3

Tama te Jehoseba agai te ogwa te Joas dualaludubadi, te kibu be nogo a olama, me badu nogo kibisa olama kibu be usu nigi pali, te tama kibu be tomode te Genuai Bidigo tempel be tomode naga geme bididubadi genama, te kibisa nogo kibu beba usu nigi pai. Tama te sogo te Atalia te Juda hanigo kwin we bididuali.

Te Israel me Juda Hani Sigo Tuni Bidigo Po Elalubo Buku Si 12:1

Te Jehu aga te Israel hanigo king bidi nigilama bidibadi, agai kibu be nogo a naga olama, me badu nogogo si olama kibu be pai, te Joas aga te Juda hanigo king bidi nigilama bidali. Tama aga te Jerusalemde king bidi nigilama bidibadi, agai bidi sese si, 40 kibu beba usu nigi pali. Joas aga ida, aga nogi Sibia, te Berseba we dao.

Te Israel me Juda Hani Sigo Tuni Bidigo Po Elalubo Buku Deli 11:17

Te sogo Hadat aga te dwasianu ogomanide, tama aga te Idom bidi meba dali wi pali, te aga ayago ofisa bidi dabe dali pai. Augwali te Isipba painu pai,

Tuni Bidi Dabego Po Elalubo Buku Deli 3:11

tama Jehosafat te Jehoramgo aya da, te Jehoram Ahasiago aya da, tama Ahasia te Joasgo aya dao.

Jeremaia 36:26

Tama kingo aga ogwa, Jeremelbolo bomo yai po muani, me te Seraia, te Asrielgo ogwa, me Selemia, te Apdelgo ogwa, te augwali pelama, te profet Jeremaia, me kuskus Baruk, te augwali si pageabi igi pomainogo tagala palali. Tiali goli, Genuai Bidigo augwali si geme dualama, tama augwaligo te bidi si me subeo.