Te Israel me Juda Hani Sigo Tuni Bidigo Po Elalubo Buku Si 11:12 - Godigo dwagi yai po buku

¹² Ami soldia bidi dabe dola selama silali, tama tilama, te pris Jehoiadago te Joas odasa te buluba teda aselama, tama agai te Joas tobolude te kingo wiegi yai madi bulali. Tama me agai te Joasbolo te bomai po elalubo buku me deli agabolo mani. Tama nosali augwaligo te oliv wel te Joas agai toboluba gelali, te aga king bidi nigiliyu, te dąį ilama tama tiali. Tama te tigidali we bidi dabe augwaligo bugai homu pemene eyu, tama augwaligo nogo eleyu, e tama tiwai i wali, “Joas, dena homugo nage king bidi bidiyu, te bobobage sogo mu bidagameo,” wali.

Te Israel me Juda Hani Sigo Tuni Bidigo Po Elalubo Buku Si 11:12 Referans Kwoze

1 Samuel 10:24

Tialima, Samuelgo te we bidibolo te po wai, “Te Genuai Bidigo sa muyu nigilali bidi suao. Te tobage bidi tiwai me deli te da tomode me menio.” Tama tigidali bagego po dagą genuai olama, i weyu, te tiwai wai, “Aga te dago king bidi dao. Aga te kibu be hauwa te king bidimainao!” wali.

Ma Dobola Sali 25:16

Tama nosali eno nage te bomo yai po elalubo masigi sawali si mawaibao, tama nago te masigi si te halobage tomoba muao,” wali.

Te Israel me Juda Hani Sigo Tuni Bidigo Po Elalubo Buku Deli 1:39

Sadok te Genuai Bidigo ugwa beba pelama, tama te sipsip gąųde augwa te oliv wel tabia muai te sali. Tama augwali te wę Gihonba sabalobo sogo, agai te kibu gąų selama, tama te wel meba te Solomongo toboluba gelali, te aga king pedalumainu sa munama nigilali. Tama augwa te biugel bu obaso, tama tigidali we bidigo te tiwai i wali, “Solomon te bobobage sogo king bidaibao,” po walio.

2 Samuel 1:10

Eno agai po odobo si da, teda ena aga pąba pelama, tama aga ela muanio, magi baso meni, eno koneani, te aga nogogo tolaluali te sesemone ene tagalu da, te aga tǫba degasa dulubaso da, teda aga mu isaibao wai. Aga isibo si da, teda eno aga tobolude muani te kingo madi me sobadi, te nogode muani nogo mǫ me siyu elama, tama eno sesalio. Genuai bidi, te e doado bage eno nageba mawainu ebao,” te gesi bidigo te po wai.

Ma Dobola Sali 31:18

Te Godigo po te Sainai bulu dude Moses dali wali sogo, agai te masigi name si te bomo yai po God aga digi nogogo asęai, te Mosesbolo mawai dao.

Aisaia 55:12

“Te dage wiegi yai pemene elama, Babilon taga somainu elama, te dage eno odasa asiyu, te dage wi ilabo magi sę deli me pedalugobeo. Te bulu du dabego wiegi yai pemene ebo tęąbi po weyu, te ni dabego pemene homu elama, augwa nogo elaibao.

Godigo Nogi Ugwaba Sabo Tęąbi Po Wabo Buku Dabe 98:8

Te genuai soabo ąį dabe, dagego te nogo eliyąo. Tama te bulu du dabe, dagego tęąbi weyu, te Genuai Bidi gedude pemene yao.

Godigo Nogi Ugwaba Sabo Tęąbi Po Wabo Buku Dabe 47:1

Dage tigidali we bidi, te wiegi yai pemene elama, nogo elao. Dagego wiegi yai pemene ebo i weyu, tama Godigo nogi ugwaba sabo tęąbi po wao.

Te Israel me Juda Hani Sigo Tuni Bidigo Po Elalubo Buku Si 11:2

Tiali goli, te ami soldia bidi dabe augwaligo te Joas deli digi elebe, te king Ahasiago ogwa, magi baso meni, Jehoseba, te we Jehoseba aga te king Joramgo wegi, tama te king Ahasiago aga abe, tama Jehosebago te Joas dali te aga tau siyu tonaluabo we me deli dali selama, tama augwali si te augwaligo te pibo somo gagawai nai matres dabe te pibo bet sai dabe mubo madigi te habuba Jehosebago te wai ogwa Joas me te aga tonaluabo we augwali si teba geme dualali. Tama tialima, te Ataliago te Joas ela muabo usu meni.

2 Samuel 16:16

Tama nosali, Husai, te Devitgo abagi, pali, te Apsalom dali deliba gesabidi si ununama, tama agai Apsalomba i weyu, te tama po wali, “King o, nage te sesabi gana elama, bidagameo!”

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

Kraisgo Geme Dualali Sę Pedelabo Po Jonbolo Ola Mani 19:12

Tama te gasa nogi te “Mu po naga wabo bidi.” Tama agai gedu te sia bogoli ebo tiwai yali, tama agai tobolude te tuni bidigo mubo wiegi yai madi hauwa muai elaluai. Tama agai tigide po me deli asęai elaluali, te aga nogi dao. Te agaduba deligo naga te nogi page koneani, tama gasa bidi dabe augwaligo te nogi me konebeo.

Hibru 2:9

Tiali goli dago Jisas konebao. Polobadu osogo naga Godigo aga nogi te mobo bidi ensel dabego nogi dologode bidimainogo ilali, te Godigo wiegi yai homu eyu, te olo mu tau sabo kolesaga pedalomainogo me te tigidali bidi tau siyu isainogo tiai. Agai te dene tolama isali, tama Godigo aga nogi ugwaba selama, tama genuai bomo me genuai nogi agabolo mawai dao, tama megi aga te tiwai bidibo dago konebao.

Hibru 1:9

Nago te doloba pai kolesaga ebo te godolo mu eyu, tama te bomo yai po sela sąbo te nago hagela mu ebo dao. Tama tibaso, ena nago God bidiyu, tama eno nago nogi ugwaba somainogo eyu, te wel nago toboluba gelali, tama tebogo nage te wiegi yai homu pemene ilali. Te naga hai namu dabe augwaligo te nago wiegi yai homu pemene ebo tiwai me egobeo.”

2 Korin 1:21

Tama Godigo digi da dali dage dali bomo ilama, tama da Krais dali homugo kęą pai we bidi bidibao. Tama agai digi da dią selama tama sęba me muai dao.

Godigo Sęba Tagala Palai Bidigo Po 4:27

Tama te Devitgo polobadu wali po yaligia, augwaligo te sę tamadi yali. Te genuai bidi si, Herot dali, Pontias Pailat dali, e buluba sisinagasali, te gasa bidi hani me, te Israel we bidi me. Augwaligo Jisas dali hwįabo homu yali, te nago dwagi yai tedali sę bidi, te bidi nago polobadu sa muai bidi.

Matyu 27:29

Tama augwaligo sesani yai bonogo madi me deli nigilama, tama augwaligo Jisas toboluba muai. Tama elama, tama augwaligo te awi dili me deli agai dolo nogode muai. Tama augwaligo agaba kidu sugunama, tama augwaligo posobo po agabolo e tiwai wai, “Siade dao, Juda dabego tuni bidi dao.”

Matyu 21:9

Tama te bidi Jisas tomoba ilama peyu, tama we bidi meba augwali polasa pabo bage dali, nosali asobo we bidi dali augwaligo bomo elama i weyu, te Jisasgo nogi ugwaba siyu, te po wai, “Dago nage dali dwagi yai homu pemene ebao, te nage Devitgo hani bidi dao. Godigo nage dali dwagi yai sę yao, te nage te Genuai Bidigo nogide asali bidi dao. Dagalude bidibo bage me augwaligo aga nogi ugwaba sao.”

Daniel 6:21

Tama Daniel te tǫ dedage tomode bidiyu, tama te tiwai po wei ponani, “King, eno homugo nage sesemane sogo sesabi elama bidao.

Daniel 3:9

Augwaligo kingba te tiwai po walio, “Genuai bidi, nage sesemane sogo bugagia bidagameo.

Te We Bidi Dabego Jerusalem Hagede Gela Wali 4:20

Tama augwaligo da bugagia bidimainu tonaluyu, da tau sali bidi me augwaligo tola salio. Te da te Genuai Bidigo sa muani te king dao. Dago homugo da te king dologode bidiyu, tama da bugagia bidiyu yaiba homu yali, te meba gasa kantri dabe ebo gilama bidigowe homu yalio.

Aisaia 8:20

Te augwaligo te augwa Godiba pelama, tama agai homu kolesaga siyu, agai bomai po sigi peyu eyąo. Ma, augwaligo tama tisąma yali da, teda augwali hulia sai madi me bididuaibao. Tama wiegi yai sogo me sugobeo.

Aisaia 8:16

Te ena skul ogomani gesabidide eno te Genuai Bidigo enabolo mani po mesegelama, haluali. Tama eno asęnama, tama eno dąį tede ilali.

Godigo Nogi Ugwaba Sabo Tęąbi Po Wabo Buku Dabe 132:18

Te eno agai boi bidi dabe te dwai hale mu somainu ilaibao, tiali goli, te agai tonalubo we bidi dabe da, te augwali wiegi yai pedelama, tama bomo elalu bidaibao,” po wai dao.

Godigo Nogi Ugwaba Sabo Tęąbi Po Wabo Buku Dabe 89:39

Nago te naga sę bidi dali dąų walali te kontrak po togwali. Nago agai te kingo tobolude mubo madi te tǫba sąnama, tama meda yali.

Godigo Nogi Ugwaba Sabo Tęąbi Po Wabo Buku Dabe 78:5

Godigo aga bomai po te aga we bidi Israel dabebolo mawai. Agai po te Jekipgo wąį nǫų dabebolo menama, te augwa wali pomainu yai. Agai te polobadu wąį nǫų dabebolo te tama po wai, “Dagego te duga wai dabeba te eno bomai po tigidali te bugagia ma mao,” po wai.

Godigo Nogi Ugwaba Sabo Tęąbi Po Wabo Buku Dabe 21:3

Nage agaba asiyu, te wiegi yai homu ilabo nai dali sela asai. Tama nago te wiegi yai kapa gol elalubo kingo madi aga toboluba muai.

Esta 2:17

Tama king bidigo aga godolo mu yali. Tuni bidigo te gasa we dabe godolo ebo usu tiwai gilama te Esta godolo ebeo. Agai homugo Estago augwali aiyaba elaluali homu elama, tama gasa sawi yai we mu dao. Te king bidigo Esta sulama, tama agade mu tulaluai. Tama tibaso, te king bidigo te tuni wego au yai madi te aga toboluba muani. Tama Estago te tuni we Vasti hasegelama, tama aga te gavman tuni we kwin pedelai.

Tuni Bidi Dabego Po Elalubo Buku Si 23:11

Augwali polo dola selama no munalubadi da, teda te pris Jehoiadago te Joas buluba odasa aselama, kingo wiegi yai madi Joasgo toboluba madi bulali. Tama me agai agabolo te augwalibolo dodolama dąų wali bomai po elalubo buku me mani. Tama nosali Jehoiada aga ogwa dabe dali augwaligo oliv wel me selama, agai toboluba gelali, te king pedelemainogo. Tama te we bidi augwaligo hae olama, e tama po wali, “Joas aga bobobage sogo king bidimainao,” wali.

Te Israel me Juda Hani Sigo Tuni Bidigo Po Elalubo Buku Si 11:4

Tiali goli, te Atalia aga te kwin we nigilama bidibadi, te nogo a olama, me badu nogo si, te kibu be bidali, tialima te pris bidi Jehoiadago agai te gavman ofisa bidi dabebolo, te ami soldia bidi te kwin tonalubo soldia bidi me, te kwingo be tonalubo soldia bidi dabe, augwalibolo e tama po ola tolai. Tama agai augwalibolo e tama po wali, “Dage te Genuai Bidigo tempel beba asiąo,” wali. Te po obaso, augwali teba asai, awe, tama te Jehoiada agai te augwali dali te bomai po mu e tama olama, dąų wali. Agai te po me deli augwali dali polali, tama augwaligo te bomai po mu te Genuai Bidigo nogide polama, tama augwaligo te tigidali sę agai augwalibolo e tama sę yao wabo sę po te wali mu paibao wali. Tama nosali agai te Joas odasa asali, Ahasiago ogwa da, tama te asama, augwalibolo ola magasali.

Te Israel me Juda Hani Sigo Tuni Bidigo Po Elalubo Buku Si 9:3

Awe, tama te botol wel selama, tama te wel aga toboluba geliyu, e tiwai po agabolo wao, ‘Genuai Bidigo aga digi nagebolo te po obaso, aga digi nage te Israel hanigo king bidi bidimainu dąį ilibao,’ tama wao. Tama nago te sę elama silibo si, tama te tų dala salama, nage polo wi pao,” wali.

Te Israel me Juda Hani Sigo Tuni Bidigo Po Elalubo Buku Deli 1:34

“Tama tede, te pris Sadok me profet Natan sigo te wel te Solomon toboluba gelao, te aga te Israel king pedalumainogo te tama tiao. Dagego te sę ela silibo si da, teda dagego te biugel bu weyu, tama te tiwai i waiąo, ‘Solomon da, te bobage sogo king bidaiba,’ po waiąo,” po wai.

2 Samuel 12:30

Tama Devitgo te kingo madi te Amon dabego king tobolude sai. Te madi augwa te golgo nigai, tama aga sęgę te 35 kilogram tama. Tama augwa te madi te wiegi yai masigi mugo au ilali. Tialima, te Israel dabego te madi selama, tama te Devitgo toboluba muani. Tama Devitgo te taun hanude te mone hauwa, me doado bage sai dao.

2 Samuel 5:3

Tama nosali, te tigidali Israel polalubo tobolu bidi dabe aselama, te king Devit bidibo madi te Hebronba sisinagasali. Tama agai te God gedude te bomai po me deli augwali dali dąų wali. Tama augwaligo aga toboluba te wel gelama, te aga Israel king pedalumainu sa muyu nigilali.

2 Samuel 2:7

Mu tama Sol, te dagego king, isalio, tiali goli te Juda hanigo ena te augwa king pedalumainu yai. Tama tibaso, dage bomo elama dolalu, tama dage te magi nai me delide te wi me elamu dao,” wali.

2 Samuel 2:4

Tialima, te Juda hani bidi dabe te Hebronba aselama, tama augwaligo te Devit toboluba wel gelama, te augwa king pedalumainu yalio. Devit te king pedalubo si da, teda agai te tiwai po odali, te Jabes taun bage, te Gilgal tǫ bidi dabego te Sol tigi pubulali po walio.

1 Samuel 16:13

Tialima, Samuelgo agai te selasa pali oliv wel selama, tama agai te wel te Devit toboluba te aga ama dede gedude gelali. Tama te sogode te Genuai Bidigo Mobo Bidi te agaba bomo elama bidagaselama, tama te Mobo Bidi agade nosali sesemane sogo bidada pali. Samuelgo wel te Devit toboluba munama da, teda Samuel te Ramaba ma pai.

Te Israel me Juda Hani Sigo Tuni Bidigo Po Elalubo Buku Deli 2:44

Te nago dwai kolesaga te nago eno aya Devitba yali, te nago koneai. Tama megi da, nago te yali kolesagade, te Genuai Bidigo te nageba dene mawainu ebao,” wali.

Te Israel me Juda Hani Sigo Tuni Bidigo Po Elalubo Buku Si 11:11

Tama tialima, te ami soldia bidi dabe augwali pelama, te Genuai Bidigo tempel be bologobea sali obo tigidali pedai badu augwali dolalua pali. Augwali dolalubo te giliga dega sabo pedai badu gagalama dolalu, te ela pelama, te giliga asobo badu pedai badu usu nigi pali. Tama augwali te Genuai Bidiba nai ula mabo madigi te mabo alta te pedai badu pąde dolaluyu elama, tama augwaligo te bainat hwą ge tolama, tama augwaligo bugagia tonaluali.

Te Israel me Juda Hani Sigo Tuni Bidigo Po Elalubo Buku Deli 1:25

Magi baso meni, megi te sogode naga Adoniya te me badu me pelama, tama te bulmakau hauwa me, sipsip me, te nisali bulmakau wai dabe me, te hauwa elama, tama agai te Godiba ofa igi palio. Tama agai te nago ogwa dabeba hanaluyu, tama te ami ofisa dabeba me, te pris Abiatarba me hanalu elama, te aga dali nai tuagasao po wai. Tama megi da, augwali te nai me wę me tubo sę eyu, tama te Adoniyaba i weyu, wiegi yai homu pemene ebo po te tama waibao, ‘Adoniya te bobage sogo king bidimainu yao,’ po obao,” wali.

Te Israel me Juda Hani Sigo Tuni Bidigo Po Elalubo Buku Si 9:13

Te ofisa bagego te po odobo si, polo tama augwaligo te bobobage bulubo ugwa dia sasa pelama, tama augwaligo te be togobiliba hagalu pai, tama te Jehu te be togobili ugwa badu mu dolalugi ulali. Tama augwaligo te bu wabo nai biugel selama, te bu weyu, te i weyu, te po wai, “Te Jehu te king nigalio,” po wai.

Godigo Nogi Ugwaba Sabo Tęąbi Po Wabo Buku Dabe 21:4

Agai nageba te bidibo ula mao po hanalu obaso, tama nago aga mawai. Mu tama, nago aga bidibo ula te sesabi mu elama, bidimainu yai.