Te Israel me Juda Hani Sigo Tuni Bidigo Po Elalubo Buku Si 10:11 - Godigo dwagi yai po buku

¹¹ Tama tialima, nosali Jehugo te Ahapgo hani te Jesril taunde bidali deli hani te Jehugo ela silali. Me te aga sę ebo gavman bidi me, me aga dwagi yai hai namu me, tama me te pris bidi dabe me, tama te bage augwali tigidali te Jehugo augwali me deli me bidibo sula tagalobe. Mu meni.

Te Israel me Juda Hani Sigo Tuni Bidigo Po Elalubo Buku Si 10:11 Referans Kwoze

Jopgo Po Asęani Elalubo Buku 18:19

Augwa hani da, mu hagawaibao. Tama augwa wai puluba, o augwa wegigo wai dabe augwa bulude me bidigobeo. Mu meni. Tigidali mu isila paibao.

Kraisgo Geme Dualali Sę Pedelabo Po Jonbolo Ola Mani 20:10

Tama te augwali ili po ola mani bidi Satan aga Godigo te genuai dedage pageba te posolo yai sia ula te masigi salfa teba sąwai dao. Tama te dedage pageba polobadu augwaligo te dwai hudigi ebo hasa dali, te ili po ola mani bidi si aba sąwai dao, tama augwali sela te siade me hulide me dene siyu, tama te dene ebo sesemane bidada pabo sogo te dene ela pidubadi bideibao.

Kraisgo Geme Dualali Sę Pedelabo Po Jonbolo Ola Mani 19:20

Tiali goli agai te dwai hudigi ebo hasa dali, te ili po wabo po ola mabo bidi dali, augwali si kalabus ilai. Te tibo po wabo sę ebo bidi agai te bidigo isiąwai bomo yai sę hauwa te hudigi ebo hasago gedude te sę yai, tama agai te tebo kolesagade te bidi tibo po ola mayu, augwali te hudigi ebo hasago dąį augwa tigide selama, te hudigi ebo hasa nomade lotu po omainogo yai. Te hudigi ebo hasa dali te tibo po ola mabo bidi augwali si te bidibadi, tama augwaligo te bidi si te genuai bagua si dedage pageba aiyaba mu sąwai dao. Tama te dedagede te posolo yai sia dabo masigi salfa elalubao.

Hosea 1:4

Tama Genuai Bidigo te po wali, “Nago aga nogi ‘Jesril’ poao,” wali, “magi baso meni, te Israel king bidigo wąį nǫų Jehugo te king bidi si polobadu ela muai, te Jesril bulude. Tama te ogwa nogi Jesril poabogo eno te megi bidibo Israel kingba dąį ilibo sę tiwai ebao, te eno agaba dwai dene tamadi tama mawaibao, te Jehugo yali dwai sę wei ponoyu tiaibao, te aga wąį nǫų dao. Tama eno te Jehugo hani king pedalumainu me egobeo.

Bugagia Bidibo Kolesagade Po Asęai Buku 13:20

Te bidi te wiegi yai homu kolesaga elalubo bidi dali bilali da, teda agai me te wiegi yai homu kolesaga saibao. Tiali goli, te bidi te wiegi yai homu meni ebo bidi dabe dali kisasa bilibaso da, teda te sęgęgo aga gegaibao.

Godigo Nogi Ugwaba Sabo Tęąbi Po Wabo Buku Dabe 125:5

Tiali goli, nago te augwa digi augwa dwai kolesaga wali pabo we bidiba te dwai dene mabo sogo da, teda nago kolesaga tagalubo we bidi tigidaliba nago te dene mao.

Godigo Nogi Ugwaba Sabo Tęąbi Po Wabo Buku Dabe 109:13

Eno homugo te agai wai dabe isimainu homu ebao, tama te nosali pedalubo hani dabego te bidigo nogide homu kone me isiąyu me egobeo.

Te Israel me Juda Hani Sigo Tuni Bidigo Po Elalubo Buku Si 23:20

Tama agai te augwaligo te lotu po wali pesagede te pris bidi dabe tigidali agai oda sali, tama agai augwali te augwa te nigali alta sai dabede te pris bidi dabe augwali ugwa badu munama, tama ela muna muna pali. Tama me te agai isali bidi dabe dili me selama, tama te augwa te nigali altaba munama, tama te sia ulali. Tama agai tama tibo sę silali, tama aga te Jerusalem taun buluba ma begasa pali.

Te Israel me Juda Hani Sigo Tuni Bidigo Po Elalubo Buku Deli 22:6

Tialima, Ahapgo te profet bidi dabe asomainu i wali. Te bidi sese nogo si sągą si, te 400 profet bidi dabe sabalubaso, te Ahapgo augwaliba te tiwai po hanalu wali, “Eno te Ramot taun ma sainu boi hwįgi pobaso usu yaibawe, ma meniwe?” Te augwaligo te tiwai po wei ponani, “Te usu da, nage pagameo. Genuai Bidigo nage tau sobaso, te nago augwali aiyaba elalueibao,” wali.

Te Israel me Juda Hani Sigo Tuni Bidigo Po Elalubo Buku Deli 21:22

Nago te we bidi augwali dwai sę eboba kegebaso, tama nago te tebo kolesagago ena haliga sębę ilibao. Tama tialima, eno te deli tigi poai kolesaga te nago deli hani sibiba yaibao, eno te king Jeroboamgo deli hani sibiba yali sę tiwai yaibao, te Nebatgo ogwa da, te king Basago deli hani sibiba me te tiwai yali, te Ahiyago ogwa dao,’ wali.

Te Israel me Juda Hani Sigo Tuni Bidigo Po Elalubo Buku Deli 18:40

Tama Elaijago augwaliba te tama po wali, “Te god Balgo profet bidi dabe tigidali pageabi yao. Te me deli wi pomainu me sula tagaligio,” wali. Tama tialima, augwaligo te profet dabe pageabi elala pelama, tama Elaijago te profet dabe selama, te ąį Kison sesegeba dulama, te augwali ela muai dao.

Te Israel me Juda Hani Sigo Tuni Bidigo Po Elalubo Buku Deli 18:19

Tialima, megi da, nago te Israel we bidi tigidaliba po ola tolama, te augwaligo ena te Karmel bulu duba tede da gesabidi sisinaibao. Tama nago te tibo god Balgo profet dabe 450 me, te tibo god we Aserago profet dabe 400 me sesao,” wali, “te tigidali te kwin we Jesebelgo augwali tonalu nai ula maduai dao,” Elaijago te po wai.

Te Israel me Juda Hani Sigo Tuni Bidigo Po Elalubo Buku Deli 16:11

Te bidi Simri king bidi pedelai madigi, tialima, polo tama agai te king Basago hani bidi dabe tigidali ela muna silai. Tama me te aga deli kaneme me, te aga abagi dabe me, ela muna silai. Tama agai te bidigo hani bidi me deli me, me bidibo sula tagalobe.

Te Israel me Juda Hani Sigo Tuni Bidigo Po Elalubo Buku Deli 15:29

Polo tama te king Basago te king Jeroboamgo hani we wai dabe tigidali agai polo ela munama silali. Tama te agai te bidi me deli bidibadi me deli sulama, tagalobe. Mu meni. Tama te tiali kolesagago da, te Genuai Bidi aga sę ebo bidigo pedauwalidu wali poba usu nigi peyu, te tama sęgę pedelai, te taun Silode bidibo profet bidi Ahiyago wali poba usu nani.

Te Israel me Juda Hani Sigo Tuni Bidigo Po Elalubo Buku Deli 14:10

“‘Tama teyu, mu tama, eno te nago hani mu tama dolaibao. Tama te Jeroboam, tama eno te Israel hani tomode elalubo te nago hani we bidi dabe tigidali eno mu dola silaibao,’” wali, “‘ma te augwali te ogwa bidi me, ma te we sai bidi genuai bidi me, te augwali tigidali eno sela sąwaibao. Te e tama tiwai gilama yaibao, bidigo te di telama, te habude me dwasianu te elalusiąbo tiwai gilama yaibao.

Josua 11:8

Tama Genuai Bidigo te Israel dabe augwali tau selama, tama augwaligo te boi bidi dabe aiyaba elaluai. Te Israel dabe augwaligo hwįyu, tama te boi bidi dabe pobeasa peyu, te tǫ bogo badu te genuai bulu Saidon teba usu nama, te Misrefot Maim dąį igi pelama, tama te giliga pedalubo badu, te odogo bulu Mispa, te badu saboligi pali. Augwaligo hwį hwį pali, te boi bidi dabe tigidali siliboba usu nai dao.

Josua 10:30

Tama Genuai Bidigo te Israel dabe augwali tau selama, tama augwaligo te boi bidi dabe augwali aiyaba elaluama, tama te hanu selama, te hanude bidali tuni bidi me pageabi yai. Tama Josuago te hanude bidali bidi tigidali ela silama, tama deli digi me bidibeo. Agai te tuni bidibolo te Jeriko tuni bidibolo yali kolesaga tiwai naga yai dao.

Josua 15:56

Jesril, Jokdeam, Sanoa,

Te Israel me Juda Hani Sigo Tuni Bidigo Po Elalubo Buku Si 10:12

Tialima, te Jehu dali, te aga ami soldia bidi dabe dali, augwaligo te Jesril hanu tagalama, te augwaligo homugo te Samaria hanuba painu homu yali. Tama augwali te tųdu wali pelama, tama augwali te bulu me deliba sabaligi pai, te bulu nogi da Te Kibu Sipsip Tonalubo Bidi Dabego Sisinibo Pesage da.

Tuni Bidi Dabego Po Elalubo Buku Si 22:8

Tama tialima Jehugo te Ahapgo hani dolobo sę idubadi da, agai te Juda dabego tobolu bidi dabe meba me, Ahasia aga ama sologo ogomani meba agai suali. Te bidi dabe augwaligo te king Ahasiago sę dabe ebo bidi dabe dao. Tama tialima Jehugo te bidi dabe sese tama elama isila silali.

Te Israel me Juda Hani Sigo Tuni Bidigo Po Elalubo Buku Deli 21:29

“Megi da, te Ahap aga digi eno gedude aiyaba elaluali. Nago agai te tebo kolesaga sualiwe, ma meniwe? Agai te tiwai kolesaga ebaso, tama eno agai hani sibi dabeba te dwai dene mabo sę te aga bidibo sogo me egobeo. Menio. Eno agai hani sibi dolabo sę te aga ogwa king bidibo sogode te tama sę yaibao,” te po wai.

Te Israel me Juda Hani Sigo Tuni Bidigo Po Elalubo Buku Si 9:7

Tama nago te Ahap hani augwali nago elama isilao, te king nage polobadu te nage gavman ofisa bidi bidai dao. Tama tibo kolesagago eno wei ma dolo te kwin we Jesebel agaba wei ma begelaibao. Te wego polobadu agai te eno profet bidi dabe me, tama me te eno te gasa sę ebo bidi dabe me, ela muai dao.

Te Israel me Juda Hani Sigo Tuni Bidigo Po Elalubo Buku Si 9:9

Tama eno augwali dali deli kolesaga naga yaibao, tama te polobadu eno te king Jeroboam aga hani dali silali yaligia gagawai yaibao, Jeroboam aga te Nebatgo ogwa da, te king Basago deli hani dao, te Basa aga te Ahiyago ogwa dao.

Tuni Bidi Dabego Po Elalubo Buku Si 22:7

Godigo polo koneani, king Ahasiago Joram sugi paibao wali, tama agai te sogo agai Ahasia dolaibao homu yali. Tama Ahasia aga te Joram dali bidibadi, augwali sigo te Nimsigo ogwa Jehu suali. Jehu aga te Genuai Bidi aga digi te Ahapgo hani dolomainu sa muai bidi dao.