Te Israel me Juda Hani Sigo Tuni Bidigo Po Elalubo Buku Si 1:10 - Godigo dwagi yai po buku

¹⁰ Tialima, Elaijago e tiwai po wei ponani, “Tialima, mu tama, ena Godigo po pusa mabo bidi da wida,” Elaijago te po wali, “teda eno homugo te dagalude elalubo isi tagala palama, te nage dali, te naga te 50 ami bidi dali, isigo domainao,” wali. Tama te po wabo si, te dagalude elalubo isi polo tulaluama, tama te ami tobolu bidi kepten bidi dali, te aga te 50 ami bidi dali, isigo dela pelama, tama augwali isila pali.

Te Israel me Juda Hani Sigo Tuni Bidigo Po Elalubo Buku Si 1:10 Referans Kwoze

Dwagi Yai Gesi Po Lukgo Asęani 9:54

Tama Jisas aga wali bilibo bidi si Jems de Jon dali sigo te Samaria bagego te tama tebo kolesaga ebo sulama, augwali sigo Jisasbolo hanalu te po wali, “Genuai Bidi, nago homugo dago dagalu badu isi i olama, te bage isigo domai hagede yaiwe?”

Daniel 3:25

Tialima, agai te po wali, “Magi elama tama eno suali, te bidi me si me si te sia tomode bilibowe? Tama te dago augwali kęnani baklain bono, te augwali tigide elalubo ma me subeo. Tama siago me augwali me dabeo. Tama te me si me si wali bidi te god me deli tonobo ąǫ ebao,” te po wai.

Hibru 12:29

Magi baso meni, dago God da, aga te tigidali nai dabo genuai sia tiwai dao.

Daniel 3:22

Kingo te po obaso, tama augwaligo te sia nogani te posolo genuai mu pedelali, tama te ami bidi dabego te Juda bidi sela pelama, te siaba sągi pali sogo, te siago te ami bidi dabe delama, te augwali isai dao.

Kraisgo Geme Dualali Sę Pedelabo Po Jonbolo Ola Mani 11:5

Tama bidi mebago augwali si dali dwai dene mabo sę ebo homu eyu da, augwali sigo pedauwalide te sia bogoli pedaliyu, tama te boi ebo bidi te siago dolaibao. Awe, bidigo dwai sę augwali si dali eyu da, te kolesagade naga te aga isaibao.

Godigo Nogi Ugwaba Sabo Tęąbi Po Wabo Buku Dabe 106:18

Tama augwali wali pali bidi dabeba te sia tulaluama, tama te siago te dwai sę yali we bidi dabe ulai dao.

Jopgo Po Asęani Elalubo Buku 1:16

Te bidigo po odubadi yaide, gasa sę bidi me aselama, e po wagasali, “Be kulu weyu yaide, te be sele genuai elama, tama te kibu sipsip dali, te kibu tonaluali bidi dali, sese ela silalio. Enaduba deli wi aselama, nageba e po wagasobao,” wali.

Godigo Sęba Tagala Palai Bidigo Po 12:19

Tama Herotgo te yali sę po odama, “Pita gegegi piąo,” wali. Augwaligo gegegi pali, Pita sube. Tama tibaso, Herotgo te enesigi bidi dabe po tų elama, tama agai me badu bidibolo walama, “Augwali ela muao,” wali. Tama augwaligo te enesigi bidi dabe ela muani. Te sę elama, Herot te Judia tǫ tagalama, te Sisaria bulude osogo bidali.

Matyu 21:41

Te augwaligo agabolo te po wai, “Teda augwali te dwai sę yali bidi dabe bidibaso, agai augwali dwagila mu dolaibao. Tama agai te wain gi gasa hanigo te gi sę tonalumai hagede mawaibao, tama te gide nai sabo sogo augwaligo aya agabolo nai mawaibao,” augwaligo te po wai.

Daniel 6:24

Tialima, kingo te Daniel po tų ilali bidi dabe augwali sao po olama, tama te augwali dali, te augwa we wai dabe dali, augwali te laion bidibo tǫ dedageba tula palalio. Augwali te tǫba tulalusiąbadi, te laion dabe posoga palama, tama augwali daboa sigulama, tama augwali tigi pepeda tulama, te mu dolai dao.

Godigo Nogi Ugwaba Sabo Tęąbi Po Wabo Buku Dabe 105:15

Agai te po wali, “Eno te we bidi augwali dąį muai, augwaligo eno sę emainogo. Dagego dwai sę augwali dali me elamo dao,” wai. “Tama dagego eno po pusubo bidi augwali dologio. Mu menio,” wai.

Tuni Bidi Dabego Po Elalubo Buku Si 36:16

Tiali goli te we bidigo te augwaliba tagala palali te bidi dabe posobo po weyu yali, tama augwaligo homugo tiali augwaligo po te olo nai tiwai dao homu yali. Tama augwaligo te profet dabe olo nai gagaliyu yali. Tama tibaso, Genuai Bidigo aga we bidi dabe hagela mu elama, tama augwali dali sębę genuai mu yali. Tama augwaligo agai augwalibolo tagala palainu ebo te dwai sę geda muabo usu egobeo.

Te Israel me Juda Hani Sigo Tuni Bidigo Po Elalubo Buku Deli 22:28

Tama Mikaiago Ahapba te tiwai po ma wali, “Nage te dolobo sęgo gegesiąma, te nage asobaso da, teda Genuai Bidigo enabolo te po mabe da homu yagameo,” wali. Tama Mikaiago te tama po ma wali, “Dage tigidali hani we bidigo te po bugagia odao,” wali.

Israel Hanigo Namba 16:35

Tama Genuai Bidigo isi tagala palama, te 250 bidi dela silali, te denami wiegi yai ebo pauda ulama ofa yali bidi dabe.

Israel Hanigo Namba 11:1

Te we bidigo sęgę dabe augwali tigide pedalobaso, augwaligo konila po wabo Genuai Bidigo odali. Tama tibaso, aga sębę dwai mu elama, tama agai isi te we bidi bidibo pesageba taga palali. Tama te isigo te bidibo pesage me badu bogo badu dali.

Te Israel me Juda Hani Sigo Tuni Bidigo Po Elalubo Buku Si 1:11

Nosali te kingo gasa me ami kepten bidi dali, te bidi sese si selama, te nogo si, 50 ami bidi dali, te Elaija pageba ma tagala palali. Tama augwali Elaija pageba sabolama, tama kepten bidigo te Elaijabolo e tiwai po wai, “Nage Godigo po pusubo bidi da, kingo te po walio, nage polo dulama, tama nago aga suagasao po wali,” te po wai.

Pris Sę Ebo Bomai Po 10:2

Te polo mu tama Genuai Bidigo te isi tagala palama, augwali si ulama, te augwali si Genuai Bidi gedude isai dao.