Tuni Bidi Dabego Po Elalubo Buku Si 4:2 - Godigo dwagi yai po buku

² Tama augwaligo te genuai tank wę me deli te brasgo nigali. Te tank wę bobobage te 2 mita me te 20 sentimita usu nama nigali. Tama aga tomo dedage hala pali da, te 4 mita me 40 sentimita tama usu nama nigali, tama agai genuai usu da te 13 hap mita tama dao.

Tuni Bidi Dabego Po Elalubo Buku Si 4:2 Referans Kwoze

Kraisgo Geme Dualali Sę Pedelabo Po Jonbolo Ola Mani 7:14

Tama eno agabolo te po wei ponai, “Genuai bidi, naga digi nago koneai.” Tama agai enabolo te po wai, “Te we bidi dabe augwali te boi bidigo nogode genuai sęgę dali te dene dali sali we bidi dabe dao. Tama augwaligo te sęgę bugagia tolaluama, tama te sęgę tolalubo sogo silalio. Tama augwaligo augwa ugwa te kibu sipsip wai kanemego ąį telawai, tama augwaligo ugwa te tedela yai dao.

Taitus 3:5

te sogo agai da ma dobola sai. Agai dago doloba pai kolesaga ebaso, tama agai da ma sabeo. Dago te doloba pai kolesaga ebeo. Aga digi da we bidi hobede mu ebaso tama da ma sai dao. Tama aga digi da ąįgo paluama, tama da gesi noma wai ma pedalai dao. Tama tiyu tama agai Mobo Bidigo da gesi noma bidibo ula mawai dao.

Sekaraia 13:1

“Te tiwai sę pedalubo si da, teda eno ulu ąį me deli munama elalueibao. Te Devitgo bulai wąį nǫų dabe me te Jerusalem we bidi dabe augwaligo te tibo god dabeba lotu olama, te sęgę hauwa sali. Tibaso, te ąįgo augwaligo te dwai sę yali sęgę tigidali sela sąwainogo yaibao,” Genuai Bidigo te po wai.

Te Israel me Juda Hani Sigo Tuni Bidigo Po Elalubo Buku Si 25:13

Tama te Babilon hani bidi dabe augwaligo te Genuai Bidigo tempel beba pelama, tama augwaligo te brasgo nigali moni pos si me, tama me te bidi dabego te bras selama, nogogo nigali wilkar dabe me, tama te wę tubo dwasianu tank te wilkar ugwadu daide muani nai dabe me tigidali, te augwaligo auluama sąyani, tama augwaligo te tigidali te bras dabe te Babilon buluba selasa pali.

Tuni Bidi Dabego Po Elalubo Buku Si 4:3

Tama te tank wę bogo badu tobolu badu augwaligo te lain si te kau kibu omai piksa noma tiwai si nigali. Te piksa noma sesego te tank wę ugwadu daide usu nama nigilama silalio. Tama te tigidali hap mita elalua pabo tomode te nogo si 10 kau kibu noma elalua pali. Tiali goli augwaligo te piksa noma nigilama te tankde daganebeo. Menio. Te augwaligo te tank nigali sogo augwaligo te piksa dali tama nigali. Tama augwali te tank pedai me tiwai tama elaluali.

Ma Dobola Sali 38:3

Tama augwaligo te bras selama, te sia munama tolabo plet dabe badi, te dwasianu savol dabe me, te pou dabe badi, te age age yai na dabe me, tama te sia nogani keli sabo pou dabe, te tama nai dabe tigidali nigai.

Ma Dobola Sali 38:8

Tialima, te Godigo ugwa be tų mabode sę ebo we dabe augwaligo te bras Besalelbolo mawai. Te bras te augwa gesabi subo dula dabe tiwai. Tama te sę ebo bidi dabego te bras selama, tama te wę pauabo genuai pou me deli nigibadi, te pou muabo page me deli nigibadi yai dao.

Tuni Bidi Dabego Po Elalubo Buku Deli 18:8

Tama me, agai te bras hauwa te taun Tiphat me taun Kunde sali, te taun si te Hadatesergo taun da. Nosali, Solomongo te bras dabego te Godigo tempel bede muabo nai dabe nigainu salio, te genuai ąį tank me te bobobage pos si, te dis dabe me plet dabe, te tama nai nigalio.