Tuni Bidi Dabego Po Elalubo Buku Si 3:4 - Godigo dwagi yai po buku

⁴ Tama te be gesabidi badu te rum me deli elaluali, te moni be mabo tiwai da, tama agai genuai te 9 mita usu nama elaluali, te Genuai Bidi aga tempel be magi tiwai si tama. Tama te be mabo be ugwa badu da te 54 mita usu nama elaluali, te genuai sigi be mu dao. Tama augwaligo te wiegi yai gol selama, tama augwaligo te be paiyai daga tomo badu munama, te be daga sese tama halua silali.

Tuni Bidi Dabego Po Elalubo Buku Si 3:4 Referans Kwoze

Godigo Sęba Tagala Palai Bidigo Po 5:12

Te tibo sogo Jisasgo tagala palai bidi dabego te we bidi tomode augwaligo bomai sę mu yalio, te bidi noma sabo sę me. Tigidali bidi Jisasgo po wali pabo bidi Moni Lotu Be tempel beba sisinagasai, sesemane sogo, te Solomongo Be Mabode.

Godigo Sęba Tagala Palai Bidigo Po 3:11

Te bidi agai Pita dali Jon dali tagalabo homu meni, tama te bidi si nogogo toalio. Tama bidi sela Moni Lotu Be tempel tomode dolalubo, te be mabode, te mabo nogi Solomongo Be Mabo. Tigidali we bidi augwali noma selama, udulama, te bidi sela pageba sabolali.

Dwagi Yai Gesi Po Jongo Asęani 10:23

Tama te olo bidibo side Jisas aga te Moni Lotu Be tempel moni mabode bilali. Tama te be mabo te polobadu genuai nogi yali bidi Solomon agai nigali be mabo dao.

Te Israel me Juda Hani Sigo Tuni Bidigo Po Elalubo Buku Deli 6:3

Tama te be mabo me deli te be hobolu badu elaluali. Te aga dąį te tiwai. Te aga genuai te habu selali be habu tiwai tobage, te 9 mita usu elaluali. Tama te aga bobagego usu da, te 4 me hap mita naga tama dao.

Esekiel 40:48

Te usu ni tolalubo bidi agai ena te Godigo be sunumidu odasa pelama, tama dadi si te be mabo tiwai habuba me pali. Agai te be sunumi ugwanu edanu dedawali te usu nigo usu sali. Te sunumigo bobobage tama te dąį te 2 mita olama, hap mita elaluali. Tama agai te sunumigo genuai te usu nigo usu sali, tama agai magi te 7 mita usu nama elaluali. Tama te dwasianu daga te be habu badu elaluali te daga usu ni da, te mita deli olama, hap mita yali.

Tuni Bidi Dabego Po Elalubo Buku Si 29:17

Augwaligo te sę te dei namba wan te namba wan poluade te sę gagalali, te Genuai Bidigo obo tomode elalubo nai dabe wiegi yai ilimainu. Augwaligo sę ela pidubadi, dei namba 8 teba sabolali. Tama augwali te be sunumiba sabolali. Tama augwali gasa 8 sogo ma sę yali, te Genuai Bidigo be aga gedude wiegi yai ma pedalomainu. Tama augwaligo te sę te dei namba 16de silali. Tama te be augwaligo Genuai Bidiba lotu wabo usu elama sisi yai elaluali.