Tuni Bidi Dabego Po Elalubo Buku Si 3:1 - Godigo dwagi yai po buku

¹ Te king Solomongo te Genuai Bidigo lotu be tempel te bulu du nogi Moria tede te be sę ebo sę gagalali, te Jerusalemde. Tiali te bulu dude Genuai Bidi Devitba polobadu pedelagasai dao, te Solomon aga aya. Polobadu te bidi Arauna te bulu dude te wit nai ge bo sela sąbo sę te bulu dude yai dao. Te Arauna da, te Jebus hani bidi me deli dao. Tama Devitgo te Araunago te sę iduali te pesage sa munama, tama agai te pesagede te Genuai Bidigo be sę yaibao wali.

Tuni Bidi Dabego Po Elalubo Buku Si 3:1 Referans Kwoze

Tuni Bidi Dabego Po Elalubo Buku Deli 21:18

Tialima te Genuai Bidigo enselgo te po Gatba walama, te Devitba wagi pomainogo yali, “Nage te bulu duba holao, te Jebus hani Araunago wit sabo pesageba holao, tama tede nago te Genuai Bidigo alta me deli nigao,” wali.

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

Tigidali Nai Gagalama Nigali Side 22:2

Tialima, Godigo te po wali, “Nago ogwa deli digi te elalubao, Aisak, tama nago aga godolo mu ebao. Nago te wai odasa, nage te Moria te pedai badu pao. Te eno bulu du me deli nagebolo ola mawaibao. Tama te bulu dude nago te Aisak enabolo ofa mayu, te augwaligo ofa eyu, te siago domainu ulubo tiwai yao,” wali.

Tuni Bidi Dabego Po Elalubo Buku Deli 22:1

Tama tialima Devit te Araunago tǫde bididu agai te tama po wali, “Dago te Genuai Bidi Godigo be ede sę yaibao. Tama te ofa yabo alta dabe, te me ede elalueibao, tama te Israel dabe eba aselama, te ofa dabe yagasomainao,” wali.

Godigo Sęba Tagala Palai Bidigo Po 7:47

Tiali goli, nosali Devit aga ogwa Solomon agai Godigo be sę yai dao.”

Tuni Bidi Dabego Po Elalubo Buku Deli 6:10

aga te gasa Asaria mego aya da. Te king Solomongo Godigo tempel be te Jerusalemde sę yani sogo te bidi Asaria aga te hetpris bidai dao.

Tuni Bidi Dabego Po Elalubo Buku Si 3:2

Solomon te king pedelama, tama aga namba 4 wabo te kibu bede te polua namba 2 wabo polua silama, tama te sogo agai te sę gagalali.

2 Samuel 24:16

Tama te we bidi dolobo sę ebo mobo bidi ensel, aga te Jerusalemba sabolama, tama te Jerusalem dolainu sisi elaluali. Tiali goli, Genuai Bidigo te dwai sę te we bidiba pedalubo sęde te homu dene yali. Tama aga homu hasegelama, tama te mobo bidi enselba te tama po wai, “Tagalao, te usu dao,” wai. Te sogo te mobo bidi ensel te augwa te wit nai ge siyu, tama te bo wali dabe sela sąbo pesage me deli pąde te dolaluali. Te tǫ pedai te Arauna, te Jebus hani bidi me deligo tǫ elaluali.