Tuni Bidi Dabego Po Elalubo Buku Si 26:4 - Godigo dwagi yai po buku

^4-5 Te Usia aga king bidibadi, bidi me nogi Sekaraiago Usia aga gedu haluasa po wabo ola mayu, me God Genuai Bidi dologode bidibo kolesaga ola maduali. Tama Sekaraia aga isisąbadi da, king Usiago Godigo homu kolesaga wali pabo homu bomo elama mu elaluali, tama agai wiegi yai kolesaga Genuai Bidigo gedude eyu yali, te aga aya Amasiago yali gilama tama yali. Te Usiago Godigo homu kolesaga wali pabo homu bomo elalubadi da, teda Godigo aga tau siyu, tama Usiago ebo sę dabe tigidali wiegi yai naga iduali.

Tuni Bidi Dabego Po Elalubo Buku Si 26:4 Referans Kwoze

Tuni Bidi Dabego Po Elalubo Buku Si 25:2

Amasiago Genuai Bidigo gedude wiegi yai kolesaga yali. Tiali goli agai te kolesaga wali pabo bomo mu meni yai.

Te Israel me Juda Hani Sigo Tuni Bidigo Po Elalubo Buku Si 15:2

Agai kibu be te 16 kibu be silama, aga king bidi nigali, tama aga king bidi nigilama, te Jerusalemde bidali kibu be te 52, tama kibu be usu nigi pai. Aga ida nogi Jekolia. Te we aga bulu te taun Jerusalem bulu we deli da.

Te Israel me Juda Hani Sigo Tuni Bidigo Po Elalubo Buku Si 15:34

Tama te Jotamgo agai dwagi yai kolesaga te Genuai Bidi gedude dwagi yai kolesaga yali. Tama te aga aya Usiago yali dwagi yai kolesaga tiwai yali.

Tuni Bidi Dabego Po Elalubo Buku Si 24:2

Te pris Jehoiada bidibadi da, Joasgo Genuai Bidigo gedude wiegi yai kolesaga iyu yai dao.

Tuni Bidi Dabego Po Elalubo Buku Si 26:3

Te Usia aga king pedelali sogo, agai kibu be 16 kibu be elaluali, tama aga Jerusalemde king bidibadi kibu be 52 yali. Aga ida te Jekolia dao, te taun Jerusalem we me deli dao.

Tuni Bidi Dabego Po Elalubo Buku Si 27:2

Jotamgo Genuai Bidigo gedude wiegi yai kolesaga yali, te aga aya Usiago hasia bolo yali gilama tama yali. Tama Jotam agai wiegi yai kolesaga me deli yali da, te aga aya Usiago te denami ebo pauda ofa ulainogo te Genuai Bidigo tempel be tomoba pali, te sę tiwai agai ebeo. Tiali goli te Juda we bidi augwaligo wiegi yai kolesaga me ebeo. Augwaligo te haniani dwai kolesaga dabe yali.

Tuni Bidi Dabego Po Elalubo Buku Si 29:2

Hesekiago Genuai Bidigo gedude wiegi yai kolesaga yali, te aga wąį king Devitgo yali tiwai yali.